Skip to main content

Champhai _ Tualchhung Chanchinthar ni 22.6.2018 (zirtawpni)

VENGSANG, ZOTE LEH HMUNHMELTHA TEN BAWLHHLAWH PAIH VE THEI LO :
Champhai khawchhung veng hrang hrang te chuan an mahni puala motor ruaiin bawlhhlawh an paih.
UD&PA bawlhhlawh paih motor hian Champhai khawchhung a chawm zawh loh avangin veng hrang hrang te chuan an VC te hmalaknain motor ruaiin bawlhhlawh hi an paih thin a. Hei hian nasa takin UD&PA Dept. te chu a pui a, veng hrang hrangte intih hmuh zelin tunah hian Champhai khawchhung a Veng 15 te chuan anmahni pualin bawlhhlawh hi an paih mek a, anmahni bakah hian UD&PA bawlhhlawh paih motor pawh an kal kual reng bawk. UD&PA Dept ngenna angin mahni puala bawlhhlawh la paih ve thei lo veng 3 - Zote, Hmunhmeltha leh Vengsang te pawh paih ve vat thei tura beisei an ni mek.

VENG/KHUA HMASAWNNA ATAN SAWM NGAIHTUAH SENG TURIN SAWM :
EDP-Mipui Mamawh Intawm Ruahmanna (MiMIR) chungchanga Champhai District NEDP MiMIR Committee chuan thuchhuah a siam.
Mizoram State dinhmun chawikanna atana ruahman, New Economic Development Policy -…

Champhai - Tualchhung Chanchinthar ni 14.4.2018 (inrinni)

LIBRARY AWARENESS CAMPAIGN NEI :
Art & Culture Department leh Raja Ram Mohan Roy Library Foundation buatsaihin nimin khan Champhai ah Library Awareness Campaign neih a ni.
Lalramliana, State Librarian, Mizoram State Library kaihhruaiah hian khuallian Lalchuailova, Dy. Director, Art & Culture Dept. chuan thu a sawi a. Tunlai khawvel thiamna thlang zelah lehkhabu chhiar(www.champhai.net) kan peih ta meuh lo niin a lang a, kan nun chu Mobile Phone in min kaihhruai mek a, chintawk kan neih thiam a tul hle  ati a. Mizoramah hian Regional Library 500 bawr vel a awm a, tuta bik mah ni lovin a hmang tangkai thiam apiang ta leh a hmang tangkaite chu mifing an ni, tiin a sawi.
Hriatzauna hi kawng engkimah thil tangkai a ni a, hriatna chu lehkhabu atanga hmuh theih a ni, tiin, Library chu mithiamten an hriatna leh thiamnate an ziah chhuah dahkhawmna hman a ni a, an thiamna tawmpui ve tur chuan kan tih tur chu ziah sa chhiar a ni a ti a. Kalkhawmte chu Library chhawr tangkai turin a chah a ni. He hunah hian Dr Lallaisangzuali, Assistant Librarian (Sr.) Central Library Mizoram University Paper buatsaih zirho a ni a. Library awmzia(www.champhai.net) leh a pawimawhna te, Mizorama Library dinhmun te a tarlang a. Mizoram ah State Central Library 1, District Library 5 leh Sawrkar hriatpui Rural Library 485 a awm thu sawiin, Public Library thil tum leh pawimawhna te, Library hman tangkai theih dan kawng hrang hrangte sawiin zawhn aleh chhanna hun hman a ni.
Library Awareness Campaign(www.champhai.net) ah hian Champhai a veng hrang hrang tlawmngia pawl aiawh leh zirlaite an kalkhawm a, Zothanglawra Ralte, Librarian, Champhai District chuan lawmthu sawiin he hun hi a khar a ni.

BORUAK THA TAK HNUAIAH INDAWR ZEL PWD IN DUH :
MZP Hqrs. Champhai chuan Aizawl to Champhai kawng siam mek chungchang ah Chied Engineer (Highway) K Lalsawmvela hmuin fur kan thlen hma a min thawh sak turin an ngen.
MZP Hqrs. Champhai chuan Aizawl to Champhai kawng siam mek chungchang ah Chief Engineer (Highway) K. Lalsawmvela hmuin a tha thei ang ber leh fur kan thlen hma a min thawh sak turin a ngen a, kawng (www.champhai.net)siam mek hi a tha thei ang ber kan duh avangin MZP Hqrs. Champhai chuan uluk taka a vul ve tur thu an hrilh bawk a. Anni lam pawhin theihtawp an chhuah tur thu leh harsatna a awm palh pawh a boruak tha tak hnuaia indawr tawn zel an duh thu MZP hruaitute an lo chhang a, theihtawpa thawhho nise an ti bawk. 
MZP Hqrs. Champhai chuan Govt. Champhai HS in Mathematics Teacher an neih lo chungchang ah School Education Minister Rohluna hnenah lehkha theh lut in, Govt Champhai HS in Mathematics Teacher an neih loh hi a rang lam a ngaihtuah sak turin an ngen bawk. Champhai tana Building sak zawh vek tawh hman loh a awm mek leh enkawltu awmloh avanga rawih lam pan mek (www.champhai.net)Tlangsam Polytechnic, Zote Road a ITI leh Nursing College te a rang thei ang ber a function a nih theih nan CM hnenah ngenna theh luh a ni a. CM chuan heng building chungchang hi sawifiah turin MZP Hqrs. Champhai a ti a, tunah hian RTI Act hamngin heng building chungchangte hi zawh mek a ni bawk.

NLUP CHUNGCHANG SAWIHO :
Nimin chawhnu khan Champhai DC Conference Hall, Keifangtlang ah bawrhsap Vanlalngaihsaka hovin Champhai(www.champhai.net) District NLUP Fair-Cum-Exibition Organising Committee an thukhawm. He hunah hian District Level NLUP Fair-Cum-Exibition 2018 neih dan tur chuangchang ngaihtuah a ni.
District bawrhsap Vanlalngaihsaka chuan Sawrkar in a ruahman angin NLUP hnathawh dan leh hmasawnna mipuite hnena hrialhhriatna leh entirna hun chu Champhai hmunah neih ve ngei tura ruahmanna siam a nih thu a sawi a. Line Department hrang hrang a hotute chu tihtur an tuk (www.champhai.net)leh ruatte chu tha taka hlenchhuak vek turin a chah a. Department te chu inpuahchah tan nghal tura ngenin, Fair-Cum-Exibition hlawhtling tak neih ngei a nih theih nana theihtawp chhuahpuiah Line Department leh Committee Member te a sawm a ni.

SENTUT LAKA INVENNA BEIHPUI THLAK :
Sawrkar laipui hmalakna hnuaia April Ni 16 atanga neih tan tur naupang thla 9 atanga kum 15 inkarte hnena Measles (Sentut) leh Rubella (German Sentut) laka invenna vaccination campaign chu Champhai District-ah chak taka kalpui mek zel a ni. Vaccination hi District chhunga(www.champhai.net) naupang thla 9 atanga kum 15 inkar mi 40,461 hnena pek tum a ni a. Measles Rubella (MR) Vaccine hi April ni 16, 2018 atanga pek tana ni 30 chhunga District chhunga naupang thla 9 atanga kum 15 inkar zawng zawngte pek vek tur a ruahman a ni a. A tir hapta hnih chhung chu zirna in zawng zawngah pek tur niin, a dawt hapta hnih chhung chu vantlang/khawtlangah kalpui a ni ang a. A tawp hapta khatah chuan  pek hmaih palh awmthei venthawn nan thual nawnna Sweeping phase neih tur a ni ang.
MR Vaccination Campaign kal mekah tukin zing dar 9 khan Health Department buatsaihin BC Lalthlamuana Academy Sikul naupangten hemi chungchang puanzara inhrilhriatna kawngzawh an nei a,(www.champhai.net) MR Vaccination chungchanga hriatngai leh nihphungte ziaka tar hmangin an entir a ni.  Kawngzawh hi Champhai Vengsang  Biak In kawn atanga tanin  Darthangvunga Traffic Point thleng  zawh a ni.
Chawhma dar 10 khan Govt. New Comprehensive Model Middle School, Venglaiah Parents-Teachers meeting neih leh niin he hunah hian Dr R.Lianmawia, DIO-in zirtirtu leh school naupang nu leh pa kalkhawmte hnenah MR Vaccination chungchang leh kalpui anih dan tur tlangpui tarlanna leh zirtirna a nei a ni.
Hemi hnu hian Champhai Centre huamchhunga ASHA, Anganwadi Worker zawng zawngte tan zing dar 11 khan MR Vaccination(www.champhai.net) chungchanga Sensitization Workshop, Venglai Community Hall-ah  buatsaih a ni a. He hunah hian Vaccine pek anih dan tur leh chak zawka hnathawh anih theihna tura hriattur pawimawh angte inzirtirna leh entirna hunte hman a ni bawk.
Nimin vek chawhnu Dar 2 khan Champhai District CMO Dr Vanlalnghaki leh DIO Dr R. Lianmawia te chuan MJA Champhai District hruaitute kawmna hun I&PR Conference Hall, CHANEM Building-ah an nei a. Tunthla (April) Ni 16 atang hian Champhai District pumpuiah Naupang thla 9 atanga kum 15 inkar mi 40460 te hnena he hri danna damdawi hi pek vek turin hma an la mek zel a. Hri danna damdawi mipakhat hnena pek hi Rs 200/- man zel anih dawn thu CMO Dr. Vanlalnghaki chuan tarlangin,  he Sentut natna chi khat (German Measles Rubella) hi Sentut pangngai(www.champhai.net) aiin thawk na lo zawk mahse,  taksa chhungril lamah chhiatna nasa zawk a thlen theih vangin he natna laka mitinte an him theih nan Sorkar laipui chuan theih tawp a chhuah mek thu a sawi a. Zawhna leh hriat duhte zawhna te neih niin Health Department hotute chuan chak zawka information pek anih theihna tua thawhpuiah MJA te chu an sawm nghal a  ni.
Kum tin khawvel pumpuiah Sentut avang hian naupang 1,34,200 an thi ziah anga chhut a ni a.  Chung zinga mi 49,200 (za zela 36) te chu India ram mite an ni. Tin, German Sentut vang hian piansualna chi hrang hrang leh naute thihna nuaikhat vel awm thinin chung zinga mi 40,000 vel zet chu India rama thleng a ni. Hengte anih avang hian SEAR (South East Asian Region) chuan hmalain kum 2020 hi chuan   naupang thahnem tak suattu natna hi tihrem anih ngei theihna turin hma a la a. India ram sawrkar pawhin MR Campaign neih hi a lo rel tawh a, hemi atan hian  Mizoramah pawh April ni 16, 2018 atangin kar 5 chhung Vaccination Campaign hi neih tura ruahman a ni a. Hemi chhung hian School, Anganwadi, Sub-Centre leh Community Hall-ah te Vaccination hi pek tur a ni a. Tun dinhmunah hian India ram state 15-ah beihpui hi thlak tawh niin naupang vaibelchhe 8 te vaccine him taka pek an ni (www.champhai.net) tawh a ni. Kan ram a lo him zawka he natna laka kan lo fihlim theihna atan Health Department lama thawktute chuan mipuite tawiawmna leh puihna a mamawh a; vaccine lakna hmun ruat bikahte naupang thla 9 atanga kum 15 inkarte kaltir vek turin nu leh pate a sawm nghal bawk a ni.

Comments

Popular posts from this blog

Champhai - Tualchhung Chanchinthar ni 21.6.2018 (ningani)

HEROIN HAWNG 11 MAN :
Nizan hmasa khan Champhai Khankawn Police Check Gate ah Zokhawthar to Aizawl Maxi Cab pakhat atangin Heroin Hawng 11 leh a neitu ni a puh hmeichhe pakhat chu Police ten an man.
Champhai Police hotute hnen atanga thu dawn danin, Zokhawthar to Aizawl Maxi Cab a chuangte an enfiahna lamah Zarzosangi (52) d/o Vanhnuaithanga (L)  Sazep khua ni a insawi hnen atangin Heroin Hawng 11 (Gram 143) an man a. Heroin neitu chuanna Maxi Cab Driver hi he ruihhlo chungchangah hian inhnamhnawihna a neih loh avangin thubuai siamsak a ni lo thung. Heroin man tak hlut zawng hi tualchhung hralhna a chhutin Rs. 5,50,000 man a ni.
ND&PS 21 (b) tlawhchhan a man Heroin man tak Hawng 11 (Gram 143) hi kum 10 lungin tan leh Rs. nuai khat thleng chawi tura hremna pek theih a ni.
Zarzosangi hi ND&PS Act tlawhchhanin thubuai siam sak a ni a, nizanhmasa khan Champhai Plice Station lock Up ah tantir a nih hnuin nimin khan District Court ah hruai niin Champhai District Jail ah dah luh nghal a …

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai _ Tualchhung Chanchinthar ni 22.6.2018 (zirtawpni)

VENGSANG, ZOTE LEH HMUNHMELTHA TEN BAWLHHLAWH PAIH VE THEI LO :
Champhai khawchhung veng hrang hrang te chuan an mahni puala motor ruaiin bawlhhlawh an paih.
UD&PA bawlhhlawh paih motor hian Champhai khawchhung a chawm zawh loh avangin veng hrang hrang te chuan an VC te hmalaknain motor ruaiin bawlhhlawh hi an paih thin a. Hei hian nasa takin UD&PA Dept. te chu a pui a, veng hrang hrangte intih hmuh zelin tunah hian Champhai khawchhung a Veng 15 te chuan anmahni pualin bawlhhlawh hi an paih mek a, anmahni bakah hian UD&PA bawlhhlawh paih motor pawh an kal kual reng bawk. UD&PA Dept ngenna angin mahni puala bawlhhlawh la paih ve thei lo veng 3 - Zote, Hmunhmeltha leh Vengsang te pawh paih ve vat thei tura beisei an ni mek.

VENG/KHUA HMASAWNNA ATAN SAWM NGAIHTUAH SENG TURIN SAWM :
EDP-Mipui Mamawh Intawm Ruahmanna (MiMIR) chungchanga Champhai District NEDP MiMIR Committee chuan thuchhuah a siam.
Mizoram State dinhmun chawikanna atana ruahman, New Economic Development Policy -…