Skip to main content

CHAMPHAI AH TB VEI MI 68 AWM MEK

CHAMPHAI AH TB VEI MI 68 AWM MEK: Nimin khan District TB Centre, Champhai District buatsaihin Press Club-ah Journalist-te tan Revised National TB Control Programme chungchang zirho a ni a, he hunah hian Champhai District-ah TB vei, damdawi ei zo duhlo mi 5 an awm tih tarlan a ni. He hun hi C.Lahnunpuia, MJA Champhai District President chuan a kaihhruai a, Dr R.Lallianmawia, District TB Officer chuan Revised National Tuberculosis Control Programme chu Health Dept in Programmea kalpui tam tak zinga mi a nih thu leh District TB Centre inrelbawl dan a sawi a. TB natna chu khawvelin a la buaipui chhunzáwm zel a, kum 2030 ah chuan he natna hi umbo hman tum a ni, tih sawiin, India ram chuan kum 2025-ah umbo a tum thung, a ti a. TB natna chu khuh leh hahchhiau  atanga  boruaka  leng  chu  inkaichhawnna a ni a. He natna hi India ramah chuan puitling zaa 40 in an nei tura ngaih a ni, tih a sawi a. TB-ah  hian chi hnih, chuap leh chuap pawna mi a awm a, chuap TB chu inkaichhawn awlsam leh a tlan…

Champhai - Tualchhung Chanchinthar ni 16.4.2018 (thawhtanni)

KHAPNA THUPEK :
Champhai District Superintendent of Police Lalthiamsanga Sailo chuan thupek a chhuah hetiangin Champhai mipui him zawkna turin, Motor Vehicle Act 1988 Section 117 leh Govt. of Mizoram Notification (www.champhai.net)No B. 12021/10/04-TRP St. 25.09.2007 in thuneihna a pek angin Bethel Veng Presbyterian Kohhran Biak In atanga Zion Veng ramri inkarah lirthei lianchi 407 atanga ke 12 nei chin te dah a khap a, he thupek hi chhuah atanga thu leh awm hma chu hman tur a ni ang.

CO THAR CHAMPHAI CORPS IN NEI :
Salvation Army Champhai CO bial CO thar Maj Vanlalthlanga te nupa in an hna an zawm fel. Maj Vanlalthlanga te nupa hian APril ni 1 atang khan Champhai CO bial hi an vawng tan a ni. Maj Vanlalthlanga(www.champhai.net) te nupa hian Champhai bial an vawn hma hian Siaha CO bial an vawng a, hetihlai hian Champhai CO Maj Samuel Zothansanga te nupa chuan Area Officer hna thawkin Lawngtlaiah an awm thung a ni. 
Hetihlai hian nimin khan Corps Cadet Sunday a ni a, khawvel hmun hrang hranga Salvation Army te chuan he ni pual hian hun an hmang a. Corps chhungah hian naupang kum 11 chin chunglam tan Cadet hi a dil theih a. Sunday School naupang Corps Cadet te hian kum 6 chhung an zir hnuah Badge of Merit an dawng thin a ni. Coprs Cadet zirchhuak te hi Salvation Officer hna an dil a(www.champhai.net) nih chuan duhsak bik an ni a, Officer ah an tling a, an training a nih chuan duhsak bik an ni zel thin. He Corps Cader puala hun hmanah hian  item chi hrang hrang hmang a neih a ni bakah Cadet zirlaite hian an thutiam tiam thar lehna hun an hmang bawk.

ZIRLAI NGAIHVEN :
Champhai Vengsang Presbyterian Kohhran Social Front Committee chuan an Kohhrana zirlai naupang ti tha chawimawina hun nimin chawhnu khan an hmang. He hunah hian Nursery atanga Class XI zirlai 1-na(www.champhai.net) atanga 3-na zirlai 48 hnenah chawimawina hi an hlan. A huamchhunga zirlai pass zawng zawngte hnenah thilpek an hlan bawk. He huna naupang inkhawm hi mi 300 vel an ni.

TUIAH TLAHLUM :
Lalramlawma (25) s/o Thanpuia, Vangchhia chu nimin zing dar 6 vel khan Tiau luiah lenkhang zara an kal chu tuiah a tlahlum. Lalramlawma hi a kalpui a thianpa chuan chhan a tum ve nain tui thiam lo ani si a, (www.champhai.net)a chhan thei ta ngang lo niin thudawnna chuan a sawi. Chanchin buatsaih lai thleng hian a ruang hi zawn niin chanchin kimchang ngaihchan mek a ni. Lalramlawma hian fa pahnih neiin a fate hi a thihsan a ni.

CAMPING CHHUAK :
Champhai Vengthlang Presbyterian KOhhran chuan Synod Revival Speaker C. Lalramthara leh a thiante Gospel Revival Team ruaiin Chhanchhuahna Inah a chhawng hnihna atan Camping Zirtawpni thleng khan (www.champhai.net)an nei zui leh a, Camper 82 an lut. Inrinni zan atangin Followup prog a chhunzawm niin vawiin hian Puitling bik tan Lang Camp buatsaih leh a niin Zan lamah Followup a hun hman leh a ni ang. 

RII & HAWLA :
Chhangphut Field a khelh (www.champhai.net) mek Rii & Hawla Inter Village Football TOurnament chu Inrinni khan Quarterfinal League match khelh zawk a ni. Inrinni inkhel result hetiang hi a ni.
Vengthar 2-4 Vengthlang North
Kanan I 2-1 Hnahlan
Ruantlang United 3-12 Tlangsam
Vawiin atang hian Semifinal khelh tan ani dawn a, match hnih khel a ni ang. Inkhel turte
Vengthlang North (10:00) Hnahlan
Kanan I (2:00) Zotlang I

Comments