Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 17.4.2018 (thawhlehni)

GAS HARSATNA IN ZIAAWM LAM PAN CHHO MEK :
District Headquarters pali Champhai,  Serchhip,  Mamit leh Lawngtlai khawpuia Eirawngbawlna Gas semchhuaktu Mizofed in harsatna a tawh chhan ber chu Mualkhang Botlling Plant atanga phurchhuaktu (Carrying Contractor) ten mipui mamawh khawp Gas an phurh chhuah sak theih loh vang anih thu Mizofed (LPG) Disvisional Manager (DM) Pu Lalhruaitluanga chuan amah kawmtu MJA Champhai District memberte hnenah a sawi.
  MJA memberten Gas harsatna chungchang an zawhna chhangin Mizofed Divisional Manager Pu Lalhruaitluanga chuan thil man to chho zelah chuan Mualkhang Bottling Plant atanga Gas bur khat phurh man Rs 17.55 ni thin chu tih danglam atul tawh vangin Indian Oil Corporation (IOC) chuan Tender a chhuah a.  Mizofed enkawl mek District khawpui 4 a Gas phur tur hian AK Sethi,  M/s Biren Road Carrier leh Kamala te chuan Gas bur khat Rs 12.43 phur turin a chhang a.  Hetiang taka rate hniam a an chhang chung hian IOC chuan a pawmpui ta tho a.  Heng Carrying Contractor-te hian Gas phurhna tur bik lirthei 56 Mualkhang ah hian dah turin intiam mahse an dah tling ngai lo mai bakah a chang phei chuan lirthei 20 pawh dah tlin loh chang an nei a. Hetiang a nih avang hian mipui duh khawp an phur thei lo a ni, a ti.
IOC hnuaia Gas phurh hna thawktu Carrying Contractor ten an mawhphurhna an hlen chhuah loh chungchangah District khawpui 4 a Gas semchhuaktu Mizofed-in tih theih vak aneih loh thu leh tuna Carrying Contractor-te hian kumin September thla thleng Gas phur tura mawhphurhna an neih thu sawiin,  Pu Lalhruaitluanga chuan,  Sawrkar laipui a Ministry of Petrolium-ah Mizoram sorkar zualko se an duh thu leh thuthlen dan tur pawh Mizoram sorkar hnenah an thlen tawh bakah Mizofed chuan Mizoram sorkar hmalakna an ngaihchan mek thu a sawi.
Champhai khawpui a eirawngbawlna Gas harsa lutuk tih zia-awm anih theih nan District Magistrate Pu Vanlalngaihsaka leh khawtlang hruaitute hmalakna-in mimal lirthei pakhat Gas phur tir mek a ni a, tunah hian motor pakhat pawh buatsaih mek a ni a. Lirthei 2 te hi siam peihfel anih hunah he harsatna tawh mek hi sutkian theih ngei a beisei-awm thu he hunah hian tarlan a ni bawk.
Online a Gas Booking chungchang leh thildang zawkna chhangin Online a book hi a tih theih vek a, mahse anmahni In a va dah tur chuan Transportation man an chawi a ngai leh tho thin avangin a hmuna la mai tur hian an tih thin thu a sawi bawk. Tunah hian Champhai bikah Gas phur tur hian mimal lirthei hman a nih avangin bur khat zelah phurh man Rs. 40 belhin Gas bur khat hi Rs. 830 a pekchhuah mek a ni.

KHAWMAWI-AH KANGMEI NASA TAK CHHUAK :
Nimin tlailam dar 2:30 khan Indo Myanmar Trade khaw thenawm Khawmawi Triau ah kangmei nasa tak a chhuak in engmah chuh hmanlo in In 9 a kang ral.
Thenawm ram Myanmar rama Khawmawi Triau ah nimin tlai dar 2:30 vel bawr khan kangmei a chhuak nasa hle a, thudawnna in a tarlan danin dawr te pakhat atangin kangmei hi a chhuak a, kangkai zelin a bul vela chhungkaw 7 vel chenna In dinglai 9 chu a kang nasa hle a, In kang te hi eichawp dawr te, Phone dawr te, insakna bungraw zawrhna leh Zu zawrhna lai niin Kangmei chhuak hian heng dawr leh chenna In a bungrua te hi a kangral vek hman tep a, za zela 99 vel chu a kang ral hman a ni. 
Kangmei a chhuak tih hriat a nih atangin Rihkhawdar Fire Dept. te chuan theih twp chhuahin kangmei thelh hna hi an thawk nghal a, fire dept. bakah mipui tlawmngai te chuan thelh hna hi an thawk a, darkar 1 vel an thelh hnuah tlai dar 4 vel khan anthelh mit thei a ni.
Kangmei chhuak ah hian Gospel Pastor fanu Siangsiangi chu a kang nasa hle a, Rihkhawdar Damdawi In ah dah nghal niin hmunpui lamah refer nghal niin Siangsiangi lo hi chu thi leh hliamna tak tuar an awm lo niin kan thudawnna chuan a sawi.
In kang hriattheih te :
1. Hleihpari, Assam Type
2. Traioh Ma-i, Assam Type
3. Moli/Malsoma In 2-Assam Type
4. Shinga, Assam Type
5. Liani, Assam Type
6. Suitinliana, Assam Type
7. Moli-3, Assam Type 
8. Gov't Building, T&C(?)

TIAU LUIA TLA RUANG HMUH A NI :
Niminpiah zing khan Pu Lalramlawma Vanchhia chu Vanchhe Tiau luiah chesualin a mah hi thi a chhar a ni.
Kan thudawnna in a tarlan danin, Pu Lalramlawma kum 26 s/o Lalthanpuia Vanchhia chu Tiau lui Li kawi ah balu la in an kal a, an lenkhang zar chu Pathianni tuk zing dar 6 velah khan chesualin lui ah hian a tla zui a, lenkhang a zarpui a thianpa chu tui thiam lo a nih avangin a chhan thei lova, khaw chhung mite chu pun nghalin Vanchhe khua te chuan zawn hna an thawk nghal a, a chetsualna hmun Li kawi ah hian a ruang hi chaw eikham dar 9 velah khan hmuh a ni a, a ruang hi niminpiah vek tlailam dar 3:30 khan Vanchhe thlanmual ah vuiliam a ni. Pu Lalramlawma hian a fate pahnih chu a kalsan a ni.

BRANCH PAHNIH INHNUK DAWK :
Vengthlang North Branch MHIP leh Venglai Branch MHIP te chuan MHIP Champhai Sub Hqrs an zawmna an chhu chat  
MHIP Vengthlang North Branch te chuan MHIP Champhai Sub Hqrs atangin an inhnuhdawk thu thuchhuah siamin an tarlang a , Champhai Vengthlang North MHIP Executive Committee April ni 13 Zirtawp zana thukhawm chuan 
Champhai Sub Hqrs MHIP in min kaihhruai dan leh Block leh Branch te min pal zut dan hu uluk takin a ngaihtuah a, Kum 2018-2020 MHIP Sub Hqrs Champhai hruatu thlanna neih zawh takah thil felhlel a awm avangin Keini Vengthlang North MHIP Executive chuan lungrual takin Champhai Sub Hqrs MHIP chu zawm tawh loh nise tiin a rel a a ni tiin thu chhuah siamin an tarlang a. Vengthlang North MHIP member zinga Committe thu chhuak zawm lo va, Sub Hqrs MHIP Champhai zawm lui an awm anih chuan Membership fee pek let tur an nih bakah  Chhiatni Thatni Fund pawh pek let an ni dawn a, Vengthlang North MHIP member an nihna atangin an mahni an in paih a ni ang tiin an thuchhuahah hian an tarlang bawk.
Hetih lai hian ni 16.4.2018  zan a Venglai Branch MHIP Executive Committee chuan thu leh awm hma chu in MHIP Sub-Hqrs. zawm rih loh nise tiin an rel bawk.

SUMO PASSENGER KUT ATANGIN RUIHHLO MAN :
Zokhawthar atanga Aizawl pan tur khualzin phur lirthei a chuang zinga mi pakhat hnen atangin Champhai Police te chuan  nizan hmasa khan Khankawn Police Check Gate-ah Heroin Hawng 4 an man.
Heroin neitu a puh hi Champhai Police Station-ah ND & PS Act dan tlawhchhanin thubuai siam sak a ni. Champhai Police hotute hnen atanga thu dawn danin nizan dar 8:40 pm vel khan Champhai Khankawn Police Check Gate-ah Zokhawthar atanga Aizawl pan tur khualzin phur Maxicab a chuang zinga mi pakhat bungrua an enfiahna lamah Lalnunzira kum 24 S/o Lalduhawma Falkawn, Aizawl ni a insawi hnen atangin Heroin Hawng 4 leh Saidawi-um bur te 2 a khung Gram 55 an man a.
Heroin neitu a puh hi Champhai Police Station-ah ND & PS Act hmanga thubuai siamsak a niin, ruihhlo hlut zawng hi Cheng Nuai 2 leh Sangnga man vel nia chhut a ni. Heroin neitu a puh Lalnunzira hi Champhai District Court-ah hruai tur a niin,  Champhai District Jail-ah dahluh zui nghal a ni ang. 

INTHLANPUI NEIH TURIN MPF INBUATSAIH TAN :
Local Forum 22 awmna East Tuipui Constituency huapa Mizoram People Forum Committee te chuan kumin kum tawp ‘inthlanpuia’ an hmalakna turte relin Dungtlang Presbyterian Kohhran Sunday School Hall-ah Inrinni khan an thu khawm.
Committee chairman East Tuipui MPF President Rev Lalhunliana Royte chuan East Tuipui Constituency-a Mizoram People Forum din a nih dan leh MPF kalphung tlangpui a sawi a, Secretary Upa PC Lalluia’n hmalakna tur hma chhawp hrang hrangte tarlangin, MPF leh Political party hrang hrangte thawhhona thuthlung nikum May ni 16-a siam that chu local area tinte’n an mahni huam chhungah a zau thei ang bera sem tura rel a ni a. NGO leh Kohhran hrang hrang aiawhte chuan inthlanna dik leh felfai, ram rorelna tha a awm theih nana theihtawp chhuah leh mipui zirtir te, May ni 9 khian East Tuipui MPF committee member-te tana Seminar neihte an rel bawk a ni.

INKHEL HMAWR BAWK DAWN TA :
Nimin khan Champhai District chhunga Tournament ngaihhlut hlawh leh lawmman tamna ber Rii & Hawla Inter Village Football Tournament chu Semifinal khelh niin Hnahlan leh Kanan ten an tumpuite ve ve hnehin Final an lut.
Semifinal hmasa zawkah Hnahlan leh Vengthlang North inkhelin Hnahlan hian 3-1 in hnehna changin Final an in hlangkai a. Inter Village a nih hnuah Zotlang dawta a kum zawna Final lut leh hmasa ber an ni. Hnahlan Goal 2 khungtu Zaremsiama Chhangte chu man of the match atan thlan ani. Semifinal hnuhnung zawkah Champion lai Zotlang leh Kanan inkhelin Zotlangin Champion nawn tum viau mahse Kanan an ngam loh avangin Final an lut zo lo va. He inkhel hmuhnawm taka Goal awmchhun hi min 44 naa Ramdinthara khung a ni a, si 1 faia hnehna changin Kanan Vengin Inter Village Tournament a nih hnua a vawikhatna atan Final an lut a ni. Kanan Veng Player Lalsawmzela chu Man of the Match atan thlan a ni.
Final hi naktuk Nilaini ah Kanan leh Hnahlan ten an khel dawn a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…