Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 19.4.2018 (ningani)

MZP IN ILP CHECK BUAIPUI TUR DIN :
Nimin khan MZP Hqrs. Champhai Executive Committee chu an MZP Pisa CHANEM Building ah an thukhawm. (www.champhai.net) He thutkhawm hi an Vice President H. Lalramhluna chuan kaihhruaiin hnam dang ILP nei leh neilo check chungchang ral a ni a, hemi buaipui tur hian Sub-Committee an din nghal a ni. COmmittee chuan MZP Hqrs. huamchhung thuthmun Branch ah Mizo Zorlai Class 10 Distrinction leh Class 12 FIrst Division a pass te lawmpuina hun hman nise, 100% pass School te hnenah chawimawina pek nise, Champhai mi leh sa hmun danga lehkha zir, top 10 chin an awm a nih chuan chawimawina hlan nise an ti bawk a,(www.champhai.net)  hemi atan hian Organising Committee an din nghal a ni. May ni 17, a MZP rorelna sang ber dawt Federal Council neih turah aiawh mi 15 kal nise an ti a, Agenda thehlut duh tan thehluh hunte an siamdel nghal a. Ngur ah MZP Branch din nise an ti bawk. He hunah hian Information Secretary atan Kennedy Remruatsanga leh Jacob Lallawmsanga te ruat an ni a, Establishment & Property  ah VL Rinmuani ruat a ni bawk.

SAPTAWNG LAM DAN DIK ZIRNA LEHKHABU :
Nimin khan 'Improve Your English Pronunciation, Phonetics in Mizo" tih lehkhabu F. Lalrosanga ziak chu CHamphai DC Vanlalngaihsakan a tlangzarh. Tlangzarhna inkhawm Govt. Champhai COllege Seminar(www.champhai.net)  Hall a neihah hian thusawiin Champhai DC chuan CHamphai in lehkhabu tha tak tak siam thei mithiam kan nei chu lawmawm a tih thu a sawi a, he lehkhabu hi CHamphai mai nilo, Mizo zawng zawngten hmang tangkai thei se a duh thu a sawi a, zirlai leh zirtirtuten tangkai taka anhmana hma an sawn ngei theihna turin duhsakna a hlan a, lehkhabu hi a duh apiang lei theih turin a tlangzarh a ni. He hun hi Champhai Academy of Letters buatsaiha neih niin C. Lalmuansanga President CAL chuan inkhawm hi kaihruai a, B. Vanlalchenpuia, Secretary CAL hnen atangin lehkhabu tihchhuaha nihna tura hna an thawh dan report ngaihthlak a ni a, Dr F. Lalfakawm, Addt. Prof. GCC(www.champhai.net)  chuan lehkabu chhunga awm tlangpui a tarlang a ni. Lehkhabu ziaktu F. Lalrosanga chuan thusawiin he lehkhabu ah hian saptawng ziah dan dik leh a lam dan turte dah a nih thu a sawi a, zirlaite mai bakah Mizo mipuiten an tangkaipui theih tura buatsaih  a nih thu a tarlang a ni. Zirtirtuin naupangte saptawng hman dan kan zirtir fuh tawk thin loh avangin zirlai naupangte hian an thanhnan thin a, siamthat leh a harsa thin ani a ti a, zirtirtute chuan he lehkhabu hi chhiar ngei ngei turin a chah a, zirlaite zirtirna kawngah nasa taka puih ngei a beisei thu a sawi a ni.

CHAMPHAIAH RII & HAWLA INTER VILLAGE FOOTBALL TOURNAMENT HMAWR BAWK A NI :
Champhai District Football Association (CDFA) buatsaih Football team 30 telna, Champhai District chhunga Fotball tournament ngaihhlut hlawh leh lawmman keng tam ber Rii & Hawla Inter Village Football Tournament-2018 chu nimin khan zawh fel a ni. Final Chhangphut Field, Champhaia neih hi (www.champhai.net) Champhai District Bawrhsap Pu Vanlalngaihsaka chuan a telpui a ni. April Ni 4, 2018 atanga khelh tan football tournament hmawr bawkna Final hmuhnawm takah hian Hnahlan VC Team chuan 3-2 in Kanan VC Team an hneh a ni.
Champhai District Bawrhsap Pu Vanlalngaihsaka chuan Champhai District thalaite hma ngaia ram hruaituten football tournament an buatsaih thin chu lawmawm a tih thu a sawi a. Football tournament ngaihhlut tak a nih avangin District thalaite a fuih phurin football-ah hmasawnna  a thlen a ni, a ti a. Final khel (www.champhai.net) tur team pahnihte chu infiammi thinlung pu chung zela theihtawp chhuah tur in a fuih a. Chak zawk nih pawhin lawm dan tawk thiam tur leh chak loh palh pawha tuar dan thiam turin a chah a. Final hmuhnawm tak mipuite hlui sak turin duhsakna a hlan nghal a ni.
Lawmman dangte pawh sem chhuah a ni a. Lawmman dawngtute chu Fair Play Award- Kanan VC Team; Best Referee- Jonathan Lalngaihawma; Top Scorer- Zosangliana (11 Goals) Tlangsam VC Team; Best Player Zoremsiama Chhangte, Hnahlan VC Team-te an ni.
Champion team hian pawisa fai cheng nuai khat leh trophy an dawng a. Pahnihnain pawisa fai cheng singnga leh trophy an dawng a. Semi Finalist team Vengthlang North VC team leh Zotlang VC Team-I ten cheng(www.champhai.net)  sing khat ve ve an dawng a. Fair Play Award-in cheng sing khat dawngin heng bakah hian Top Scorer, Best Referee leh Best Player-ten cheng sangkhat theuh an dawng bawk a ni.

CHAMPHAI RUANTLANGA LIVE ANIMAL MARKET SAK DAN TUR REL:
Nimin chawhma khan DC Conference Hall, Keifangtlang, Champhaiah Live Animal Market, Champhai Ruantlanga sak dan tur chungchunga inrawnkhawmna  hun District  Bawrhsap Pu Vanlalngaihsaka hova neih a ni. AH& Vety Department hnuaia sak tur  Ran endikna leh zawrhna tur hmun sakna tur hi cheng nuai 260.839 senna tur a ni a. NABARD in cheng nuai 246.493 a tum anga, Mizoram sawrkarin cheng nuai 14.346 a tum ve thung dawn a ni. He project hi kum 2017-2019 chhunga zawh hman tura ruahman a ni.
Meeting chuan Mizoram sawrkar hmalaknaa Champhai hmun ngeia Live Animal Market din a ni tur chu lawmawm a tih thu a sawi a. Project chu District dinhmun leh awm dante ena a taka hman a nih ngei theih (www.champhai.net) nan hmalak zel tha tih a ni a.  Ennawn ngai leh her danglam ngaite uluk taka zirchian leh hnuah siam that nise tih a ni a. Mangement leh monitoring-te pawh tha taka tih nise, tiin meeting chuan a rel a. Meeting chuan India ram hmun danga awm ngailo project tha tak chu anihna ang taka tihhlawhtlin ngei anih theihna turin khawtlang hruaitu, mipui leh line department tawiawmna a ngen bawk a ni.
Champhai hi International Border area anih avangin ran lut leh chhuakte uluk taka endik anih a ran hrisel leh pangaite chauhte zawrh anih hi natna ven kawngah a pawimawh hle a ni. Heng bakah hian sawrkar phalloh ran lakluh dan a ni thei dawn a, sawrkarah chhiah  felfai taka pek a ni thei dawn bawk a ni. Ruahman dan chuan he hmunah hian ran hriselna  endik thin a ni anga, a hriselte(www.champhai.net)  chauh zawrh chhuah tura soundness certificate pek thin a ni dawn a ni. Ran hriselte chu a hmunah hian zawrh niin lei chhuah theih a ni dawn bawk a ni. Ran thite halralna tur leh damlote test zung zungna tur laboratory-te pawh bun tum a ni bawk. Ran te thlithlaina Quarantine, damlo dah hranna Isolation room leh thil dang te pawh Vety Doctor enkawlna hnuaiah dah tum a ni bawk a ni.
Meeting-ah hian Line Department aiawhte leh khawtlang hruaitute telin zau takin sawihona hun neih a ni a. A hma thei ang bera inrawnkhawmna meeting neih leh rel a ni.

CHAMPHAIAH  EVM ENDIKNA NEIH A NI :
Election Commission of India (ECI) thuchhuah bawhzuiin nimin chawhma dar 11;30 khan Champhai DC Office Strong Room-a (www.champhai.net) Electronic Voting Machine (EVM) kawllaite endikna Physical Verification chu neih a ni. Strong Room hawnna, EVM lakchhuahna, hawnna leh endikna hi Pu Liansangzuala Chhakchhuak, Addl DC Champhai District hova neih a ni.
He hunah hian DC Election Branch-in list a kawllai  EVM strong room-a dah that te chu Mobile App hmangin endik a ni a. EVM/ VVPAT te Bar Code chu mobile app hmangin scan vek niin hengte hi Election Commission Of India (ECI) ah submit leh vek a ni. 
Nimin EVM endikna hunah hian DC Office Election Branch Staff leh Political party aiawh theuhte an tel a ni.

MEASLES-RUBELLA VACCINATION CAMPAIGN LAUNCH A NI :
Sawrkar laipui programme pawimawh tak naupang thla 9 atanga kum 15 inkarte hnena Measles (Sentut) leh Rubella (German Sentut) hri laka invenna tur MR Vaccination  programme chu District Bawrhsap Pu Vanlalngaihsaka chuan a hawng. Hawnna inkhawm Govt Primary School-I, Kahrawt, Champhaia neihah hian Health Department, Social Welfare Department leh Education Department lama hotute an tel a ni.
District Bawrhsap Pu Vanlalngaihsaka chuan sawrkar laipui hmalakna hnuaia MR Vaccination campaign India rama naupang thla 9 atanga kum 15 inkarte hmaih nei miahlo pek a ni tur chu lawmawm a tih thu a sawi a.(www.champhai.net)  Champhai District chhunga vaccine la thei tur naupang 40,511 ten he vaccine hi an lak vek theihna turin line department-te leh mipuite tan rual angai tak meuh a ni, a ti a. A thlawna Sawrkar hmalakna hmanga vaccine pek ani tur chu natna do kawngah leh hriselna vawn kawnga pawimawh tak a nih avangin mitinte chu he MR Vaccination campaign hi phur taka tawiawm zel turin a chah a ni.
Hawnna hun hu Dr Vanlalnghaki, CMO, Champhai District chuan kaihruaiin kalkhawmte lawmna thu a sawi a. MR Vaccination programme chu national programme pawimawh tak a nih avangin a hlawhtlin theihna turin inpuahchahna nasa taka kalpui a ni, a ti a. District Task Force for Immunization (www.champhai.net) Committee-te din anih thu leh MR Vaccination Campaign District Core Committee, line department hrang hrangte huam tel pawh din niin,  meeting, training leh workshop-te kalpui thin a nih thu  a sawi a. Microplanning felfai tak leh review meeting mumal tak te neih thin a ni, a ti a. Measles leh Rubella te avanga nghawng thalo awm theite sawi zauin hemi avanga nunna chan anih dan te a tarlang a. Vaccination kalpuina tura inpuahchahnate WHO lam aiawhin an enpui thin thu sawiin naupang vaccine dawng thei tur zawng zawngin hmaih awm lova vaccine an lak vek theihna turin line department, khawtlang hruaitute chu thawhhopuiah a sawm nghal bawk a ni.
Vaccine pakhat hmanga natna pahnih hneh theihna  Vaccine hi District chhunga naupang thla 9 atanga kum 15 inkar mi 40,511 hnena pek tum a ni a. Measles Rubella (MR) Vaccine hi 30 chhunga District chhunga naupang thla 9 atanga kum 15 inkar zawng zawngte pek vek tur a ruahman a ni a.(www.champhai.net)  A tir hapta hnih chhung chu zirna in zawng zawngah pek tur niin, a dawt hapta hnih chhung chu vantlang/khawtlangah kalpui a ni ang a. A tawp hapta khatah chuan pek hmaih palh awmthei venthawn nan thual nawnna Sweeping phase neih tur a ni ang.
Nimin vaccination pekna hi room thumah then niin vaccination pek hmaa awmkhawmna (Pre- Vaccination Room), Vaccine pekna ( Vaccination Room) leh Vaccine la zo tawhte awm lailawka, endik an nihna tur hmun ( Post-Vaccination Room) te a ni.
Measles (Sentut) natna hian(www.champhai.net)  Pneumonia, kawthalo, hritlang, khawsik leh natna hlauhawm dangte a thlen thei a. Rubella (German Sentut) natna hian ruhna, thalbe vung, khawsik, naupai laiin a vei chuan nauchhiat, nausenah- mitdelna, bengngawng, rilru kimlo leh lung thalote a tlen thei bawk a ni. Hri danna hi a bi kim ngeiin naupangte lak tir thin tur a ni. MR Vaccine chungchanga hriatchian leh zual duh tan Health Department a thawktute, Health Worker, ASHA leh Anganwadi thaktute zawhfiah theih reng a ni.
Measles natna vang hian khawvel pumah mi 1,34,200 vel an thi a, heng zinga 49,200 chu India rama mite an ni. Rubella (www.champhai.net) vang hian khawvelah mi nuai khat vel thiin heng zinga mi singli vel chu India mite an ni. MR Vaccination hi India ram state 15 chhunga a naupang vaibelchhe 41 vel pek tawh niin naupang vaibelchhe 8 te chu pek leh vek tuma tanlak mek a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…