Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 20.4.2018 (zirtawpni)

VANGCHHIA AH WORLD HERITAGE DAY HMANG :
Archaeological Survey of India, Aizawl Circle huaihawtin niminpiah chhun dar 12:30 khan Vangchhe Community Hall ah World Heritage Day puala hun hman a ni.
Khuallian Lt. Gen. Dr. Anil Kumar Misua, Vice Chancellor, ACFAI University chuan thu sawiin WOrld Heritage Day  leh Swachh Bharat Niwas ni pualin kal khawmte chibai a buk a. Vangchhia chu khaw vannei, history ah hmun pawimawh tak luah tur a ni hthusawiin, NGO leh khawtlang mipuite chuan hmun hlui leh thil hlui an neihte humhalha vawnghim turin a fuih a, khualzinte tana hmun pawimawh leh khawtlang mipui pawhin an la chhawr hle tur a nih thu a sawi bawk a. ASI leh Vangchhe khaw mipuite chuan thawhhona tha tak nei zel se a duh thu a sawi bawk.
World Heritage Day pual hian zirlai naupangte tan hmanlai lungphun lem inziahsiak (Painting COmpetition - Any Monuments of India or Menhirs of Vangchhia) buatsaih a ni a. Pawl 1-3 zirlaite chu Junior Class, Pawl 4-8 Middle Class leh Pawl 9-12 Senior Class ah te thenin Painting COmpetition buatsaih a ni. Malzai leh lam hmanga inelna buatsaih a ni bawk.
World Heritage hmannaah hian ASI Aizawl Circle Superintendent Archaeologist Dr Sugeet Nayan leh Vangchhe VCP F. Malsawmtluanga ten thu an sawi bawk. Community Hall a hun hman zawkah ICFAI University zirlaite chuan kawtchhuah ropui hmunhma tifaiin an hnatlang nghal a ni.

HEADMISTRESS IN A HLAWH ATANGIN ZIRTIRTU 2 RUAI DAWN :
Vaphai Govt. Primary School I Headmistress C. Seithangi chuan a hlawh hmangin zirtirtu pahnih a rawih belh dawn. Niminpiah khan Govt. Primary School I Management Committee chu thukhawmin School hmasawnna tur hrang hrang rel niin he hunah hian Heasmistress C. Seithangi chuan an sikula zirtirtu indaih lohna phuhrukna atan a hlawh hmangin zirtirtu pahnih rawih belh an nih tur thu SMC ah hian a sawi a ni. Vaphai PS I ah hian zirtirtu 3 an thawk thin a, tunhnai khan pakhat a boral a, pakhat dang chu hmun danga thawk he sikul a an attach a ni a, C. Seithangi hian pahnih dang a rawih belh hian 4 an thawk dawn ta a ni. He School ah hian tun dinhmunah zirlai 33 an awm mek a ni. C. Seithangi chuan a hlawh atanag zirtirtu a rawih belh tur chungchang hi sawiin hausak vang a ni lo a, sawrkar sikul hian sikul tha, English Medium a lut ve thei lo mi harsa te te kan chang thina, chung mite chuan a nei zawk fate ang thoin thiamna an duh a, zirtirtu senior zawkten zirlai kan puih theihna hi tunlaiah chuan a tam tawh lo a, hetia thangthar mithiam zawkin naupang an enkawl hian sikul hian hma a sawnin naupangten hlawhtlinna an neih ngei ka beisei vang ani a ti a, ka fate enkawl nan ka hlawh tam zawk ka lo hmang tawh a, kan naupangte enkawl let ve nana hman ve hi aka rilruah a lang a, Pathian rinchhanin ka ti ta a ni tiin a thawhpui leh a faten an remtihpui avanga ti a ni thu a sawi a ni. C. Seithangin zirtirtu a rawih belh turah hian he School zirlai nu leh pate chu an lawm hle a ni.


FENCING TRAINERS TRAINING :
Ni 24.4.2018 (Thawhlehni) chawhma dar 11 atang hian DSYO  Office, Vanlallawma indooe Statium ah Fencing Trainers Training neih a ni dawn a. Hetiang lama tui mite chu ni 23.4.2018 thleng DSYO Office ah in report tur a ni. Directorate of SPorts & Youth Services, AIzawl atangin Fencing Coach te hi an lokal dawn a ni.

GAS CONNECTION :
Mirethei, hmeithai, BPL leh AAY te tana a thlawna Gas Connection neih theih dan tur chungchang inhrilhhriatna - LPG Panchayat chu vawiin chawhma dar 11 hian Kahrawt YMA Hall ah neih a ni dawn a. He hunah hian Champhai DC Vanlalngaihsaka chu khuallian a ni ang.

DIRECTOR AH KAISANG :
Tunhnaia Lawngtlai DC sawn chhuah tak, Sawrkarin Sspecial Secretary a a dah Dr Arun T. chu Kolasib DC ah dah a ni a, Kolasib DC tanglai R. Zarzosanga s/o R.Khawbula (L) Champhai Vengthlang chu Director Higher & Technical Education ah dah a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…