Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 21.4.2018 (inrinni)

CIVIL SERVICE DAY HMANG :
Nimin chawhma khan DC Conference Hall, Keifangtlang Champhaiah Civil Services Day-2018 hman a ni.
He hun Champhai Bawrhsap Pu Vanlalngaihsaka kaihhruaiah hian Champhai khawpui chhunga Sawrkar Department hotute an tel a. District Bawrhsap Pu Vanlalngaihsaka chuan sawrkar hnathawh chu mipuite tana rawngbawlna a ni tih hriat thar leh a tul thu a sawi a. Kan thawh sak mipuite tana hnathawh hi kan tihmakmawh a ni a, insiamthara inpe thar leh thin turin Officer-te chu a chah a. Sawrkar programme siam reng rengte chuan mipui a thleng phak tur a ni a, chumi tur chuan department zawng zawngte thawhhona tha a pawimawh a ni, tiin Civil Services Day hman tan dan tlangpui a sawi.
DC chuan thawhhona tha tak avangin Mizoramah Champhai District chu pawn lera inthiar awmlohna, ODF District hmasa ber leh India rama 82-na hial a ni chu chhuanawm a tih thu a sawi a. Sawrkar programme dangah pawh India rama langphak ni tur chuan Department hrang hrangte zingah thawhhona tha a awm angai a, nodal department kutah chauh tla bik loina theihna laiah Department dangte nena thawhho zel a ngai a ni, a ti.
Nimin hian Department thenkhatin an hnthawh tlangpuite report an pe a. Health & Family Welfare Department hmalaknaa Measles- Rubella Vaccination Campaign kalpui mek te, Ruantlang khua chu nikum December ni 15 khan Tobacco Free Village a puan a nih thu te leh, Damdawi In fai inelna Kayakalp 2017-ah Biate CHC chuan Mizorama fai ber lawmman a la a, District Hospital bik inelnaah Champhai Distritct Hospital chu State pumah 3-na a nih thu te an sawilang a. Programme leh scheme hrang hrang an kalpui dan chipchiar an tarlang a ni.
Government Champhai College, DIET, AH& Vety Department leh IDCS hmalakna te ngaihthlak a nih bakah Central sorkar scheme pali Pradhan Mantri Fasal Bima Yojana, Pradhan Mantri Awas Yojana Urban and Rural, Promoting Digital Payments leh Deen Dayal Upadhyaya Grameen Kaushalya Yojana-a Mizoram dinhmun te tarlan a ni.
Civil Services Day hi Mizoramah kum 2016 atanga hman tan a ni a. Ram puma hman hmasakna ber chu kum 2006 khan New Delhi-a, Vigyan Bhawan-ah hman a ni a. India ramin zalenna a neih hnua Home Minister hmasa ber Sardar Vallabhbhai Patela’n Administrative Services Officer, probationers-te puala Metcalf House, Delhi-a kum 1947 April Ni 21-a a thusawi pualin mipuite rawngbawl tura inhlanthar lehna atan he ni hi hman thin a ni.

INTODELH CHUNGCHANG INZIRTIRNA NEI :
Students’ Self-Support Union (SSU) Headquarters, Champhai chuan vawikhanna atan Intodelh leh Career Awareness Campaign chu Govt.Champhai College Multipurpose Hall ah Champhai khawpui chhunga college leh Higher zirlaite tan a buatsaih
He kaihhruaitu PC Lalramengmawia, SSU General Headquaters President chuan, Mizo thalaiten mahni intodelh tuma tan kan lak a hun tawh hle a, hnam dang thawchhuah sa ring mai lova keimahni thawhchhuah ngeia nun tum turin zirlaite chu a fuih a. Thalaite chu ruihtheihthila fihlim turin a chah bawk.
He hunah hian Champhai Headquarters huamchhunga zirlai, mahni intodelh thlanchhuah mi 5-te hnenah Intodelh chawimawina “Self-Support Award” hlan an ni a. He Award hian thuziak leh pawisa fai a keng tel a ni.
Chawhnu lam hi Career Awareness hun atana hman a ni a. Resource Person atan Pu C. Lalhriatpuia, Editor, Hillsgate Weekly chuan Champhai atanga competitive exam a tling an awm ngai lo lutuk chu a vei thu leh, Champhai thalaiten hetiang lama nasa zawka tan an lak a ngai takzet tih a sawi. Zirlaite chu a rang thei ang bera an lehkha zir chhan, an thiltum tichiang thuai turin a chah a. Mizoramah zirnain ngaihpawimawh a hlawh tawk lo a, zirlaite tan environment a tha lo takzet tih thu tarlangin, zirlaite chu an zirlaiah za a za rilru pe turin a chah a ni.
He hunah hian stream hrang hrang hnuaia hna awm thei hrang hrangte tarlanna, Career leaflet a thlawna sem a ni a, zawhna leh chhanna hun hman a ni.

BPL LEH AAY TAN GAS :
Nimin khan Kahrawt YMA Hall-ah Mizofed Champhai buatsaihin Ujjawala Diwas Pradan Mantri LPG Panchayat neih a ni a, Champhai Addl DC Pu Liansangzuala Chhakchhuak chuan khuallian niin a hmanpui.
Mirethei zawk AAY leh BPL chhungkua ten Gas connection a thlawna an neih theih dan tur in hrilhhriatna hi Pu Lalrindika Manager MIZOFED Champhai chuan a kaihhruai a. Khuallian Pu Liansangzuala Champhai Addl DC chuan thu sawiin PMUY programme hi Central sawkarin phut let neia siam a ni loh avangin a tangkai thei ang bera chhawr hi kan mawhphurhna a ni, a ti a.
Sawrkar laipui Minstry of Petroleum & Natural Gas in a kalpui niin Mizoramah chuan May ni 1, 2016 atanga bul tan niin mirethei zawkten leirem an rah a, hriselna leh hmasawnna an neih theihna nan te leh chhungkaw tin ten Mei hmang lova eirawng an bawl theihna tur leh Meikhu awm lohna khuaa kan khawtlang siam hi a tum a ni a. Thing leh meihawl hman avanga ram ngaw kan thiah thin avangin kan environment nasa takin a chhia a, boruak thianghlim kan hip tur thlengin harsatna a thlen thin, tiin, Chhungkaw tinin gas connection kan neih vek chuan hriselna kawngah hma kan sawn dawn a ni, a ti bawk.
Khuallian chuan LPG leh Ration Card te hi chhungkaw khat atangin pakhat bak neih phal a ni lo va, Kan mihausa leh Officer te hian kan LPG leh Ration Card te kan chan ngam chuan miretheite tan kawng kan hawn sak thei a, mahni in lum atangin hman hna kan thawk thei a ni tih kan hriat a ngai a ni a ti a. Champhaia a hmasa ber turin Pi Ankimi North Khawbung hnenah a thlawnin Gas connection hi a pe nghal a ni.
He hunah hian Pu K Lalawmpuia MIZOFED Staff hnen atangin PMUY chungchang ngaithlak niin zawhna leh chhanna hun hman a ni bawk a. Pu Lalhlawhliana Board of Director MIZOFED Champhai chuan lawmthusawiin he hun hi a khar a ni
PMUY hi Chhungkua Gas connection la nei lote tan LPG Distribuition te kal tlangin Forms fill up leh online hmangtea dil theih a ni a, Ration Card, Voters ID Bank Account, Tribal Certificate, Chhungkuaa kum 18 tling chinte Adhaar Card zawng zawng leh a diltu Passport size photo pahnih form ah hian thil tel bawk tur a ni.

WORLD EARTH DAY PUALIN :
Nimin khan World Earth Day pualin Govt. Champhai College chuan District Level drawing leh Essay writing Competition an buatsaih.
Ni 22 Pathianni lo awm tur hi World Health Day a ni a, he mi hi denchhen hian nimin khan RUSA Govt. Champhai College te buatsaihin District Level inelna, lemziah leh Essay inziah siak na hun Govt. Champhai College Seminar Hall ah neih a ni a, he inelnaah hian College zirlai mai bakah zirna in dang atang te in an tel thei a, mi thahnem takin he inelna hi an bei a ni.
Lemziak intihsiaknaa tel te hian Save Earth, Save Ourselves tih thupui hmangin lem an ziak a, Essay ziak te hian End Pollution to save earth tih thupui hmangin thu an in phuahsiak bawk a ni. World Earth Day pual a inelna Drawing leh Essay writing ah hian mi 50 te an tel thei a, lawmman pakhatna la tu chuan cheng 3000 leh Citation a dawng ang a, pahnihna la tu in cheng 2000 leh Citation, pathumna in cheng 1000 leh Citation a dawn dawn bakah a tel zawng zawng te hnenah Participation Certificate an pe dawn a ni.
Karleh thawhtan lo awm tur, ni 23 ah hian lawmman semna leh World Earth Day thupui zirhona Govt. Champhai College Multipurpose Hall ah neih a ni dawn a, kumin World Earth Day thupui atan End Plastic Pollution tih chu hman a ni.

ZIRLAI PAWLTEN ṬANPUINA HLAN :
MZP Hqrs Champhai chuan niminpiah khan Khawmawi Myanmara Kangmei Tuar Zohnahthlakte tanpuina an hlan.
He hun hi Mizoram Police Zokhawtharte'n ruahmanna siamin Tiau Khawmawi VCP leh a thawhpui te, RLYA - Rih Lentlang Youth Association leh TYA - Tio Youth Association President leh a thawhpui te leh Myanmar Police ten MZP lam te hi an lo dawngsawng a ni. He hun ah hian H. Lalramhluna Vice President MZP Headquarters Champhai atanga thusawi ngaithlak a ni a, Ramri in min then mahsela Mizo hnam hian ri a nei velo tih hi Mizo zirlaite dinna anih reng thu sawiin, kan inunauna tichhe thei apiang chu tangruala kan do angaih zel a ngaih thu a tarlang.
Myanmar lam atang hian Khawmawi VCP ,RLYA - Rih Lentlang Youth Association, TYA - Tio Youth Association hruaitute hnen atangin thusawi ngaihthlak a ni bawk. MZP Hqrs Champhaite hian Tanpuina tangka fai a tul tul a hman tur khawtlang hruaitute hnena an hlan bakah Class X zirlai, kan Zohnahthlak pui kangmei vanga hliam tuar enkawl mek hnenah MZP Champhai Hqrs hian pawisafai an hlan bawk a ni.

NUNGCHA HUMHALH TUM KHUATE INHMUKHAWM :
Niminpiah khan Khawthlir ah Tiau lui dung a nungcha humhalh chungchang ah Tuipuiral Group YMA leh VC Myanmar thalaipawl KYA te chuan Joint Meeting an nei.
Meeting ah hian Tuipuiral Group huam chhung leh Myanmar Tiau lui dung hrula awm khaw hrang hrang te chuan Khawthlir ah Joint Committee an nei a, Committee hi Tuipuiral Group OB Asst Secretary chuan kaihruaiin khaw hrang hrang aiawh kalkhawm te chuan tun ai a chak zawk a hma lak ni zel rawh se, tiin hi thutlukna an siam a, Dynamo, Bomb leh Lenkhang hmanglo tur in mi zawng zawng an ngen a, he an ngen na zah lo leh ti lui an awm a nih chuan an chungah eng pawh thleng se an vui theih loh tur thu an sawi a, na taka action lak a nih tur thu an tarlang a ni.
Joint Meeting neih hi Khawthir VC te leh KYA te chuan ei leh in siam sakin an lo dawng sawng a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…