Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 26.4.2018 (ningani)

KAHRAWT AH A THLAWNIN TARMIT SEM :
Nimin khan District Blindness Control Society  buatsaihin Kahrawt YMA Hall ah tarmit semna hun hman a ni.
K. Lalramhluna, Ophthalmic Asst. (www.champhai.net) chuan kaihruaiin inhmelhriattirna a nei a. Dr Vanlalhruaii, Eye Surgeon  chaun thu sawiin, kum lama upa zawkten Damdawi Ina mit entirna khawl tha tak tak an neih te chu hmang tangkai thiam tura a duh thu a sawi a. District tam zawkah heng khawl te hi an nei ve lo va, kan hman tangkai hi a pawimawh  dawn ani, a ti. Kum 45 chunglam te chauh ni lovin naupang atanga puitling thlengin Damdawi Ina an hmanraw neih te(www.champhai.net)  hi hmang tangkai tu ni theuh turin a sawm a ni. Kahrawt huamchhunga kum 45 chin chunglam te hnenah a hmasa ber atan a thlawnin tarmit an pe a. Kahrawt Veng chhunga kum 45 chunglam tarmit an pek te hi February ni 2 khan an mit an lo endik sak tawh a, tarmit mamawh te hnenah nimin khan a thlawnin tarmit an pe a ni.
Champhai District Blindness COntrol SOciety te hian Kahrawt, Bethel leh Vengthlang North ah te kum 45 chunglam te tan a (www.champhai.net) thlawnin an mit an endik sak tawh a, veng hrang hrangah a thlawna mit ensak  hi an kalpui mek a, remchan dan ang zelin veng tin a mit an ensak, tarmit mamawh te chu tarmit a thlawnin an pek zel bakah zai ngai an awm a nih chuan a thlawnin Damdawi In lamah an zai sak zel dawn bawk. Kumtin Zirna Inah a thlawnin zirlai leh zirtirtu te mit an endik sak thin a, kuminah pawh zirna Inah a thlawna mit endiksak tur a ruahman a ni.

RUIHHLO MAN :
Nimin khan Champhai Excise & Narcotics Squad ten Heroin gram 65.2 an man.
Heroin neitu a puh Kamsianmung (30) s/o Khupnang, Sesih Vengsang khua nia inchal chu an man a. Hei bakah hian Heroin dang gram 9.2 saranga dun kengtu nia puh mi pahnih James Lalrinfela (25) s/o MC Rualkhuma leh(www.champhai.net)  R. Lalfamkima (34) s/o R. Lalrammawia, Govt. Complex, Aizawl a khawsa ve ve anga inchhal pawh an man tel nghal bawk. Heng an mi man te hi NDPS Act. 1985 hmanga thubuai siamsak niin, nimin khan Champhai Court ah hruai an nih hnuah District Jailah dah luh nghal an ni.

LUNG RAHBI ZAWH CHHUAK :
INTACH Mizoram Chapter te chuan Mizoram khawchhak tlangdunga hmun hlui hai chhuah tharte endiah pahin niminpiah khan(www.champhai.net)  pipute kawng hlui, Kawtchhuah Ropui atanga Lung Ropui panna 'Lung Rahbi' an zawh chhuak.
Lung rahbi hi ram chheng chhe laia awm a nia, lung bang hmun remchang apiangah milem a pawng zawnga ker hmuh tur a awmin, lungrem sei tak tak leh Chhura-chi-rawtlung anga an siam tum, la siam zawh loh te pawh hmuh tur a awm a.Lung Ropui panna kawngah hian Lungsum leh lung verh kuak hmuh(www.champhai.net)  tur a awm bawk a ni. INTACH Mizoram Chapter atang hian Convener P. ROhmingthanga hovin member 5 te an tel thei a. Khawbung, Dungtlang leh Vangchhia ah khawtlang hruaitute kawmin pipu sulhnu, nunze mawi, ramngaw leh thil chi hrang hrang humhalh lama nasa zawka tan la turin an sawm a ni. Nimin lamah INTACH Team te hian TUalcheng khaw bula pipute hmun hlui enfiahin an zirchiang nghal bawk.

BADMINTON INELNA :
Nimin chawhnu dar 1 atang khan Champhai Town Hall ah Champhai District Badminton Association buatsaih CDBA khawmpui lian chu khelh tan ani a. He Badminton Khawmpui lianah hian Champhai(www.champhai.net)  District chhunga Basminton khel thiam mi 127 te an fuankhawm a, Inrinni ah Final khelh a ni ang. He TOurnament hi Ranking TOurnament a ni a, Player chet that dan a zirin TOurnament ankhelh leh turah nghawng a nei ang.

BDO TRAINING :
Champhai BDO chu training a(www.champhai.net)  a zin chhuah avangin tun thla chhung chu Champhai BDO Office dawt a remchang lo ang tih thu dawn a ni.

MOCK EXERCISE :
National Disaster management Authority, New Delhi leh Disaster Management & Rehabilitation Department huaihawtin (www.champhai.net) vawiin hian Nagaland leh Tripura te rualin Mizoram District hrang hrangah Mock Exercise on Earthquake Disaster neih a ni dawn a. He hunah hian lirnghing  a thlen palh a chhanchhuah leh chhawmdawl hnakalpui dan tur a taka tihchhinnna neih a ni dawn a ni.

ENTERPRENEURSHIP CHUNGCHANG ZIRCHIANNA :
Nimin khan Mizoram sawrkar  programme New Economic Development Policy (NEDP) bultumin Mizoram Entrepreneurship Development Monitoring Committee (MEDMOC), Indian Institute of Management Calcutta Innovation Park (IIMCP) leh Mizoram Consultancy Group (MzCG) tangkawp buatsaihin Govt. Champhai College Multipurpose Hall-ah Entrepreneurship chungchang zirchianna Awareness Programme neih a ni.
Programme hi Pu Liansangzuala Chhakchhuak, Addl DC Champhai chuan a kaihruai a. Mizoram sawrkar hmalakna NEDP hnuaia Entrepreneurship awareness programme  Champhai hmun ngeia neih a ni chu lawmawm a tih thu a sawi a. Mahni irawm chhuak thiam thil nei, bul tanna leh tan dan tur(www.champhai.net)  hriat loh avanga a tak ram thleng thei mailote puihna tura inhrilhhriatna hun neih a ni tur chu thil pawimawh tak anih  thu a sawi a. Nikum lamah pawh Business Plan Contest hlawhtling taka neih a lo nih tawh  thu pawh a sawi a. Hemi puala lokal Sawrkar department aiawh, helama tuimite leh zirlaite chu uluk taka zirtirnate ngaihthlaa, hlawkpui tum theuh turin duhsakna a hlan a ni.
He hunah hian Resoures Person atangtein zirtirna benglut tak tak ngaihthlak a ni a. Dr Samuel Vanlalthlanga, Master Trainer-in Entrepreneurship awmzia leh kalphungte sawi zauna a nei a. Entrepreneurship chu thalai leh zirlaite tinzawn deuh bik anih thu a sawi a. Heng bakah hian Entrepreneurship (www.champhai.net) Development Scheme (EDS) nihphung leh hmalaknate a tarlang bawk a ni. Pi Lalrinngheti Sangsiama, Managing Partner, Mizoram Consultancy Group-in Mizoram Kailawn, Plan B-Contest sawifiahna a nei a, a dil dan hmangte entirin a sawifiah nghal bawk a ni. Pu Zoramchhana, Entrepreneur, Mizoram Kailawn B-Plan Contest-2017 a tel hnen atangin a tawnhriatte ngaihthlakna neih  a ni a. Zirtirna hun hman zawh hnu hian zawhna leh chhanna hun neih a ni a, kalkawmten hriat duh an neihte zawtin hun hlawkthlak tak hmanho a ni.
EDS kaltlang  hian Master Trainer Batch khatna mi 10 te chu nikum khan National Institute for Micro, Small and Medium Enterprises (NIMSME) Hyderabad-ah leh IIM, Calcutta-ah te training neih tir a ni a.(www.champhai.net)  A batch hnihna pawhin NIMSME atangin tun hnai lawk khan training an rawn zo ve leh tawh bawk a ni. Master trainer-te kaltlang hian Entrepreneurship lama tuimite zirtirna leh an hriat duhte zawhfiah theih a ni a. Champhai District atangin tun hnai khan Pi Laldinfeli SDC leh Pu Lalthanpuia, Associate Professor, GCC-te chuan NIMSME, Hyderabad-ah training an zuk nei a ni.
Mizoram Kailawn B-Plan Contest-2018 a tel duhte tan April Ni 3 atang khan an website www.mizoramkailawn.org kaltlangin(www.champhai.net)  online application May ni 10 thlengin a tih theih a, diltu chuan kum 18 a tling tur a ni. Ruahman dan chuan May Ni 30 hian First round result puan tur a ni ang a. June Ni 13 atanga 16 chhung hian Second round atan Booth Camp neih a ni leh ang a. June Ni 18 atanga 19 hian Final neih pui tur  niin, June Ni 21 hian Entrepreneurship Summit neih a ni dawn a ni. 
Mizoram sawrkar chuan Entrepreneurship lama hmasawnna hmangin thalaite tan eizawnna kawng thar leh tha zawk(www.champhai.net)  a thlen thei a ni tih hriain New Economic Development Policy (NEDP) hnuaiah Mizoram State Entrepreneurship Development Monitoring Committee (MEDMOC) chu October Ni 25, 2016 khan a din a. MEDMOC chuan Entrepreneurship lama tui thalaite tan kawng  hawn sak a tum bakah an bul tanna tur thlengin a ngaihtuahsak dawn a ni. 
MEDMOC hnuaiah hian Entrepreneurship Development Scheme (EDS) kalpui niin Chief Secretary kaihhruaina hnuaiah(www.champhai.net)  Planning & Programme Implementation Department, Commerce & Industries Department leh Higher &Technical Department hotute an tel a, Non-official expert member 3 an tel bawk a ni.
MEDMOC thawhpui IIM Calcutta Innovation Park (IIMCIP) hi India rama Management zirna IIM-Calcutta hnuaia awm a ni a.(www.champhai.net)  India ram hmun hrang hranga entrepreneurship hmasawnna atana hmalatu ber niin India hmarchhakah pawh nasa takin hma a la mek a, Mizoram University leh tualchhung entrepreneur-te nen kum 3 kalta atang khan hma an lo la ho tawh a ni. 
Mizoram Kailawn hi Planning Minister Pu Lalsawta chuan Nikum July ni 18, 2017 khan I&PR Auditorium Aizawlah a hawng a ni.

MALARIA DAY HMAN A NI :
Nimin khan Mizoram hmun dang rualin Champhai District Vector Borne Disease Control Programme huaihawtin World Malaria Day-2018 chu CMO Conference Hall-ah hman a ni. Kumin Malaria Day(www.champhai.net)  thupui atan  hian Malaria hneh turin inpeih rawh 'Ready to beat Malaria’ tih chu hman a ni.  
He hun hi Dr. Vanlalnghaki, CMO Champhai District Hospital chuan a kaihruai a. Malaria do hneh turin Health Depertment hmalakna mai a tawk loh thu sawiin, NGO hrang hrangte chu thawhpuiah a sawm(www.champhai.net)  a. Khawvela cheng mi maktaduai 33 te chu Malaria natna vei thei reng dinhmunah an din mek thu leh kumtin mi maktaduai 4 in Malaria natna an la thihpui ziah thin thu a sawi a. Malaria chu khawvela natna  thihpui tam berte zinga pangana a ni  mek a ni, a ti.  
He hunah hian Dr. R Lianmawia, District Malaria Officer (DMO) pawhin thusawiin Malaria natna pu darh theitu thosi chu rannung te reuhte, hote anga lang ,mi tak tak thihna thlen theitu anih avangin ralpui(www.champhai.net)  phiara kan phiar a ngai a ni, a ti a. Champhai District chu Mizoram District   zinga Malaria tlemna ber a ni thei chu lawmawm a tih thu a sawi a. Dinhmun duhawm taka Champhai District-a awm theihna chhan chu  Damdawi lama thawktute'n  tha taka hna an thawh vang leh mipuiten tih tur an hlenchhuah avang a ni, a ti a.  Champhai District-ah a kum telin Malaria a tlem tial tial thu a sawi bawk a. Malaria tlemna ber district kan nih avang ringawtin kan inthlahdah tur a ni lo va, Malaria umbo ngei tura tan lak sauh sauh a tul a, Malaria hrik pai thosi inthlahpung thei lo va siam leh, Thosi inseh tir lo tura inven hi Malaria natna umbo dan awlsam ber a ni, a ti bawk. 
Pi Lalhmingmawii, DVB Consultant hnen atangin Champhai District report ngaihhtlak a ni a. Kum 2017 atangin Champhai District-ah  DDT kah a nih tawh loh thu leh Mizorama DDT kah ngaihlohna district awm (www.champhai.net) chhun a nih thu a tarlang a. Kum 2017 atanga vawiin thlengin Champhai District chhungah Malaria vanga thi an la awm lo a. Kum 2014 khan thisen test mi 15,594 atangin Malaria  hrik mi 95 ah hmuh a niin, mi 2 in an thih phah a. Kum 2015 khan thisen test 13,955 atangin Malaria hrik mi 63 ah hmuh niin mi 1in a thih phah a ni. Kum 2016 khan thisen test 14,514 atangin Malaria hrik mi 31 ah hmuh niin mi 1in a thih phah a. Kum 2017 khan thisen test 7963 atangin Malaria hrik mi 5 ah hmuh niin tumahin an thihpui lo a ni. Champhai District bikah AVI (Annual Parasite Incidence) chu DDT kah ngai chin 2 aia hniam 0.03 anih avangin DDT kah ngailo District a lo ni thei ta a ni. 
Malaria Day pual hian nimin tuk khan Champhai Hospital Veng KTP-te nena tangkawpin Cleanliness Drive an lo nei tawh a. Chawhnu lamah Leaflet an sem bawk a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…