Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Champhai - Tualchhung Chanchinthar ni 27.4.2018 (zirtawpni)

SIKUL DIN REL :
Nimin khan NGO Coordination leh Champhai Town chhunga Village Council te chuan Highger Secondary School din (www.champhai.net) chungchang I&PR Auditorium CHANEM Bulding ah an rel a. Session thar, 2018 ah hian Class tan nghal theih tura din nise, tiin an rel a. School hi ‘Chawnchhim Public Higher Secondary School’ ni se an ti a. Managing Board tur pawh an ruat nghal bawk.

TRAINING PE :
DPC SSA Champhai buatsiahin Khawzawl Block leh Ngopa Block thenkhata Sawrkar Elementary School tan training chu nimin khan Khawzawl Vengthar Hall ah tan ani.
C. Lalbiakzauva, DEO/SDEO Champhai,(www.champhai.net) C. Lalthanzira, SDEO Khawzawl leh K. Lalsiamliani, SPC SSA ten Role of Headmaster in School Administration Proffessional Ethics for Teachers, Rules, English Medium Vs Mizo Medium, Impact of Teachnological Advancement in School, Teaching of Maths/Science/English ah te zirtirna an pe. Vawiin hian chhunzawm ani ang a.(www.champhai.net) SMC Chairman te pawh tel tura beisei an ni a. SMC leh MDM chungchang bakah School a Account vawn chungchang an zir ang. Hetiang Training hi Khawbung, Champhai leh Ngopa Block ah te neih tawh in, tun hi a hnuhnung ber tur a ni.

ELITE LEAGUE :
Champhai District Basketball Association chuan thla thar khian Elite League a buatsaih dawn. Champhai District a Basketball inelna sang ber EWlite League hi ruahman dan chuan thla thar ni 23 atanga khelh tan tur a ni a.(www.champhai.net) Hemi pual hian CDBBA chuan vawiin hian Grand Dinner a buatsaih dawn a. He hunah hian League a Official Partner hrang hrangte nen inremna ziah a nih dawn bakah CDBBA Elite League kalphung tur sawifiahna neih a ni ang.

A THLAWNIN :
Naktuk Inrinni zing dar 10-12 chhung hian World Veterinary Day, State Vety Hospital, Champhai ah hman ani dawn a.(www.champhai.net) Hemi hun chhung hian a thlawna ran entirna leh ui a hri danna chiu/pek a ni dawn a, a duh apiang tan pan theih a ni ang.

KHAWZAWL CHAWM TUR TUI PUMP CHHIN :
Kum 2043 thlenga Khawzawlkhawpui chawm thei tua ruahman, Khawzawl Greater Water Supply Scheme hnuaia tui pumpna khawl(www.champhai.net) chu hlawhtling takin enchhin a ni a, km 14 a hla, Khawzawl Darngawn venga Sipai Cmap thlan a Tank ah harsatna awm lovin tui hi Pump thlen a ni.
Khawzawl Greater Water Supply Scheme hi 10% Lumpsump Grant hnuaia Rs. 24,97,00,000 sum ruahman hmanga thawh mek nin Gangwel Engineering & Construction Company Pvt. Ltd. in an thawk a. Thawhlehni khan PHE Engineer in Chief Er. Lalmuanzova hovin PHE Department hotute chuan TUi hi an Pump a darkar 5 chhung hlawhtling takin tui an pump a, tui hi(www.champhai.net) sipai tlanga Tank ah a lut a ni. E-in-C hian Khawzawl Greater Water Supply Scheme hnuaia hnathawh hrang hrangte chu en nghalin, Tuichang lui khuahna, nikuma tui lian in a tih chhiat siamthat dan turte enpuiin Damdiai atanga fur laia Gravity hmangatuilakna siam tur aruahmanna siamte a en nghal a ni. TUi hi pump theih ni tawh mah se Power Supply lak luh chungchangaah PHE leh P&E Dept. inkarah tih fel ngai a la awm avangin mipui ten KGWSS a tak taka an chhawr theih hun tur hi a la hriat theih rih loh a ni .
Khawzawl GWSS a tlawhnaah hian E-in-C hi CE Er. Lalremsiama, SE Lalrammawia bakah Champhai SDO Er. Danmawia ten an(www.champhai.net) tawiawm a. Khawzawl lam atangin PHED EE Er. Lalzakhama leh SDO Er. Lalnunfela ten lo dawng sawngin Khawzawl Joint VC aiawh leh MJA Member te pawhin an tawiawm bawk a ni.

LIRNGHING THLEN THUT PAWHA CHHAWMDAWL HNA THAWH DAN ZIR :
Nimin khan Champhai District Disaster Management Committee bultumin lirnghing thlen thut pawha chhawmdawl hna thawh dan tur leh chhiatna tam zawk a thlen lohna tur  atana chet lak dan   Mock Drill neih a ni. (www.champhai.net)Mock Drill hi khawpui chhunga hmun thlan bik panga: DRDA Office, Home Mission School, Bazar Pui, Dawrkai Kawn Area leh Tourist Lodge-ah te neih a ni.
Heng hmunahte hian chawhma dar 10:00 ah lirnghing entir nan Siren tih rik niin District thuneitu lam atanga thupek bawhzuiin chhiatrupna thlenna hmun lam panin chhawmdawl hna thawktu  Rescue team leh medical team-te an tlan nghal a, a tul angin chhanchhuah hna a takin an entir a ni. Chhanchhuah  hna hi (Rescue Team) : State Disaster Management Team (SDMT) 2nd IR Battalion  leh Adventure Club, Govt Champhai College-ten thawkin  hliam tuar leh mahni insaseng theilote chhanchhuah dan thiam takin an entir a. Fire & Emergency Services-te pawhin an hmanraw neihte nen thawk chhuakin kangmei chu a hun takah an thelh mit a. Champhai District Hospital Doctor-te leh Nurse-te pawh Ambulance nen thawk chhuakin hliam tuar leh(www.champhai.net) nunna chante bawihsawm dan a takin an entirin hliamna zuala anga langte chu Hospital lama phurh zel an ni bawk a ni. Traffic Police leh MPRO lam ten inkalpawhna leh inbiakpawhna lamte ngun takin an vil reng bawk a ni. 
Nimina Mock Drill hi Champhai District Bawrhsap Pu Vanlalngaihsaka, IAS hovin District Officer-ten District Emergency Operation Centre (DEOC) atana ruat I&PR Conference Hall-ah an an vil chilh reng a. An uapna hnuaiah hian Mock Drill hlawhtling taka neih a ni.
Mock Drill neih zawh hnu hian(www.champhai.net) debriefing I& PR Conference Hall-ah neih zui niin mawhphurhna hrang hrang neituten report tawi an pe a. Maj Vaibhav Joshi, Central lam atanga endik tura ruat chuan Mock Drill a hmuh dan tlangpui a report bawk a.  A tlangpui thuin Mock Drill chu a hlawhtling a, maherawhchu tih leh hunah hei aia tha zawka tih theih nise tih a ni. District Disaster Management Committee chuan Mock Drill hlawhtling taka neih anih theihna tura mipui leh sawrkar lama thawktute tawiawmnaah lawmthu a sawi bawk a ni.

DISTRICT LEVEL FIRE PREVENTION COMMITTEE THUKHAWM :
Nimin khan Champhai District Fire Prevention Committee chu an Chairman   Pu Vanlalngaihsaka IAS, Champhai DC hovin an thukhawm a, February Ni 12 atanga 17 chhunga Fire Prevention Week, 2018  hman dan leh Fire Season chhunga thilthlengte  thlirletnate neih a ni a. Heng bakah hian hmachhawp dangte sawiho a ni. 
Meeting-ah hian  kang mei ven(www.champhai.net) kawnga thawk tha khua thlan dan tur tehna hrang hrang leh District Level Fire Prevention Monitoring and Evaluation Format-te siam that anih hnuah  pawm a ni a. Champhai District chhunga Lo hal dan report kimchang leh kangmei chhuah dante ngaihthlak niin, kangmei ven kawngah tun aia nasa zawka tan lak anih theihna turin VC tinte chu hriattirna lehkha pek ni se tih a ni a. Kang mei veng zo lo khuate chungah dan anga hmalak nise ti a rel a ni a. Champhai Forest Division huamchhunga Range Officer pariatte report danin kumin Lo hal avang khan tum sarih ram a kanga,   hectare 138 a zau ram a kang ral a. Lo hal avang nilo, chhan hriat loh mei chhuak avangin ram tum 17 a kanga, hectare 240.7 a zau ram a kang ral bawk a ni.
Champhai District chhungah Voluntary Fire Fighting Squad 6: Farkawn Khawbung, Vaphai, Khuangthing, Bungzung leh(www.champhai.net) Champhai Vengthar-ah te din a ni a. YMA Branch tina din anih ngei theihna turin Sub-Hqtrs YMA leh DFO-te tangkawpin hmalak nise tih a ni a. Kawngpui kam ram humhalh dan loa vat tlang leh ram tikangte chungah dan anga hremna lek kawh ngei nise tiin meeting chuan a rel bawk a ni. Kangmei ven hapta chhung leh kang mei chhuah tam hun laia mipuite zirtirna kawnga chanchinbumite tawiawmnaah meeting chuan lawmthu a sawi bawk a ni.
Kumin hian Champhai Forest Division huam chhungah Lo nei lo khua tam tak an awm a. Lo nei khuate pawhin Lo hal hun(www.champhai.net) chhungin an hal vek hman a ni. Meeting-ah hian nikum lam ain kuminah ram kang report a tlem zawk thu tarlan a ni.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…