Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Champhai - Tualchhung Chanchinthar ni 9.4.2018 (thawhtanni)

CHAMPHAI TUITLAN TUIPUI HNAR TIFAI HNATLANG NEI :
Inrinni khan Vengthlang Presbyterian Kohhran Naupang Sunday School Pathianni chawhnu inkhawmte chuan TUipui luidung tifaiin an hnatlang.
Hnatlang tan a nih hmain Biak Inah hunserh hman ani a, Zote kai-ah innghak khawmin inkhawm tawi neih a ni a, Lalrammawia, SE PHED chuan a telpui a ni. Thusawiin Lalrammawia chuan thalai, nu leh pa(www.champhai.net) chenin kan tuiluan kawrte hi bawlhhlawh paihna emaw tia luikawra bawlhhlawh paih ching an la awm chu pawi a tih thu a sawi a. Hetianga luikawra bawlhhlawh kan paih thli hi keimahni vekin kan in leh thin a nih avangin kan hriselna atan a pawi thei a ni a ti. Champhai mipuite hi kan hriselna tur chuan kan tui thlan ber hnar kan tihthianghlim a tul a ni, a ti a. Bawlhhlawh paih mai ni lovin phaiah leilet neituten chemical(www.champhai.net) chi hrang hrang an hmanna thli hi luikawrah a luang a, kan tuilaknaah a luang lut a, tihthianghlimna kawngah theihtawp chhuah mah ila harsatna tam tak min thlen a ni a ti a, mitinte chu kan tuihnar tihthianghlimna kawngah nasa zawka tan la trin a ngen a, kan bawlhhlawh te lui luan kawngah te paihmai mai lo turin a chah a, bawlhhlawh chu bawlhhlawh bawmah paih zel turin a ngen a ni.
Lalrammawia chuan vawi tam tak kan sawi tawh a, tumahin ngaihven leh ngai pawimawh an awm lo nia a lan laia Vengthlang Kohhran tleirawl chawhnu inkhawmten hetianga kan tui tlan hnar tifai tura hnatlang an nei chu lawmawm a tih thu a sawi a, hnatlangte hnenah hian Rs. 10000 a hlan a ni.
Inkhawm tawi neih zawhah luidung tifaiin hnatlang hi neih chhunzawm a ni a, Zote kai  luidung chu an tifai a, a hnar leh a mawng lamah inthendarhin luidung a bawlhhlawh awmte chu an chhar fai a ni.
Vengthlang Presbyterian Kohhran Pathianni Chawhnu Inkhawmah hian Intermediate, Sacrament leh Senior Dept. te awmin(www.champhai.net) kumin chhunga tih tur Project hrang hrang siamin luidung tifaia hnatlang an neih hi an project zinga pakhat a ni a, hnatlangah hian zirlai 160 vel an kal thei a ni.

WORLD CLASS EDUCATION :
Govt. Primary School, Mualkawi chuan zirtirtu in daihlohna avangin, nu leh pa leh zirtirtu țangkawp chuan an fate hmakhua ngaiin thlatin Rs 5000/- hlawh turin zirtirtu pakhat an lak belh.He school (www.champhai.net)ah hian zirtirtu 3 awmin class la turin an in daihlo hle thin ani.Sawrkar atanga zirtirtu dah belh tura an nawrna pawhin awmzia a awm thei silo a, nu leh pa leh zirtirtu țangkawp te chuan zirtirtu an lak belh ta ringawt mai a ni.Kum thum chhung chu hetianga zirtirtu lakbelh hian an lo kal tawh ani.
Hetihlai hian Govt. Primary School IV, Kanan ah pawh zirtirtu indaih loh avangin zirtirtu 2 lak belh an ni a, hei hi(www.champhai.net) Kanan VC in vantlang inkhawm an koh hnua thutlukna an siam a ni. He School ah hian zirtirtu 4 dah an ni a, naupang 73 vel awmin Class la tua zirtirtu an indaih lo hle a ni. Zirtirtu 1 hian Rs. 5000 thla tin an hlawh ang a, hlawh hi an veng mipuiin an thawhkhawm thin dawn a ni.

MEIZU 3 MAN :
Inrinni zing khan Champhai Anti Tobacco Squad chuan Bazarpuiah Squad Drive an nei. CHamphai ATS hian puipunna hmuna mei zute, an vai a, Inrinni zinga Squad Drive  neihah hian puipunnaa mei zu mi 3 an man a,(www.champhai.net) heng mi mante hi COTPA 2003 Sec. 21 na hmanga pawisa chawi tir an ni a, puipunnaa meizu tawh lo turin an hriattir nawn leh a, tilui man an nih chuan dan anga hrem zel an ni dawn a ni.

HLAKUNGPUI MUAL CHUANCHUNG TIFAI :
Mizo hla phuah thiam leh thuziak mite chawimawina hmun Mizo Hlakungpui Mual din champha April ni 7 pualin Hlakungpui ram(www.champhai.net) chuanchung chu Khawbung Branch YMA chuan hnatlangin an sam fai. Kum 1986, APril ni 7 khan Mizo hla phuah thiam leh thuziak mite chawimawina lungdawh Mizo Hlakungpui Mual hi hawn niin kum 10 danah sengluh thin an ni a, hawn ni pual hian seminar emaw a hmunhma tihfai hnatlang emaw neih thin a ni a, kumin 2018 ah pawh Hlakungpui ngaw hnuai samfai hnatlang neih a ni. Hlakungpui ramhi hmun 2 ah then in a chuanchung chu ngaw hnuai hnim lehhruai zam chu samfai thin a ni a, a chuanhnuai chu a ram tualto dan ang anga thing le hnim zuah ani thung. Mizo Hlakungpui Mual ah hian hla phuah thiam 21 (www.champhai.net)leh thuziak mi 15 sengluh tawh niin sengluh leh hun hnai ber chu kum 2026 ah a ni.

RII & HAWL :
Champhai Football TOurnament (www.champhai.net) lian ber Rii & Hawla Inter Village Football Tournament Inrinni inkhel result.
Vengthar 4-0 Sialhawk
Vengthlang 2-4 Vengthlang North
Zote 2-4 Dilkawn
Vawiin chawhma dar 10 hian inkhel tan leh tur a ni a, inkhel turte chu :
Ruantlang Vs Bulfekzawl
Vengsang Vs Hnahlan
Kanan Vs New Champhai

Comments