www.champhai.net

DISTRICT THUNEITUTEN TIAU LEI CHUNGCHANG NGAIHTUAH :
Nimin khan Indo Myanmar inkalpawhna Zokhawthara Tiau Lei dan anih avanga harsatna leh buaina awmte Champhai DC Vanlalngaihsaka hova ngaihtuah a ni a. He hunah hian Champhai SP Lalthiamsanga Sailo, Assam Rifles lam houte leh mi pawimawh dangte an tel a ni.
Champhai District thuneitute chuan thil thalo leh buaina a punlun loh nan theihtawp chhuahin hma an la zela. Vawiin meeting-ah pawh (www.champhai.net) hian boruak awm dante thlirho niin hmalak zel dan turte ngaihtuahho a ni. District administration lam chuan vawiin vek khan Home Department, GAD leh Chief Secretary hnenah lehkha an thehlut a. Sawrkar hotulu lam atangin hmalak zel dan tur ngaihchan mek a ni.
District thuneitu leh dan kengkawhtu chuan Mipuite (www.champhai.net) tawiawmna a ngena. Thubelhchian dawllo leh dan pawisaklohna ang chi reng reng tilui lo hram tur leh thuneitute zai ngai hram hram turin a ngen a ni.
Indo Myanmar border area a state hrang hrangte chu kumin March ni…

CHAMPHAIAH DISTRICT LEVEL REVIEW COMMITTEE THUKHAWM :
Nimin khan DC Conference Hall Keifangtlangah Champhai District Consultative Committee/District Level review Committee chu Zosangzuali Pachuau DC charge la mektu kaihhruaina hnuaiah neih a ni.
He meeting-ah hian Champhai District chhunga a bank-te annual credit plan target atan 70.89 Crore ruahmman a ni a. Bank in hmalakna hrang hrang a neihte sawihona hun neih niin tun aia Champhai District mipuite tana hlawk zawk leh tangkai zawka hman theih tura hmalakna turte sawi ho a ni bawk.
He huna hian March quarter 2018 a bank hrang hrang hnathawhte thlir let niin Champhai District Bank zawng zawng CD Ratio march quarter 60% ah 58.04%  tihhlawhtlin a ni tih tarlan a ni a. Bank ho zawng zawng in 40% Priority (www.champhai.net) sector advance a an target hi 58.44% in an khum a ni. Agriculture loan hi march quarter chhungin 20% pek chhuah a ni a, Kum 2018 a PMEGP target 65 an neih atangin 63 pekchhuak a ni bawk. Tunah hian Champhai District huam…

PAWNGSUALTU KUM 10 TANG TURIN TI :
Nimin khan pawngsualtu a puh Thangthianga (42) s/o Vankunga (fam) Vanzau khua chu Champhai Pesial Judge R. Vanlalena chuan kum 10 chhung lungin tang tur leh Rs. 9000 chawi turin a chungthu a rel sak.
Kum 2014 October thla khan pawngsualtu Thangthianga hian hmeichhe naupang kum 7 mi sikul  bang chu an inah (www.champhai.net) zui hawin a nu te awm loh hlanin he hmeichhe naupang hi ama chenna in lamah hruaiin, a mobile phone a flim tha lo awm chu hmeichhe naupang hi entirin hmeichhe naupang chu inbual turin a ti a, hmeichhe naupang inbual tur inphelh ruak lai chu Thangthianga hian a khumah mitpui ta a ni.
He thubuai hi SI B. Kapthanzawna, Champhai Police chuan chhui nghalin pawngsualtu hi man nghal a ni a. Hmeichhe naupang hi CHamphai District Hospital ah Medical Exam tura hruai niin DOctor te chuan hmeichhe naupang taksaa an endiknaah  hian mipa khawihna hnuhma hmuh ngei a ni a. Police Officer hian thubuai a chhuina report kimchang chu COurt ah theh lutin…

LIRTHEI HMANGA TIAU LEI KAN PHAL LO :
India leh Myanmar inkalpawhna kawngpui ber, ZOkhawthar kaltlanga Myanmar luhna kawngpui, Indo-Myanmar luhna kawngpui, Indo-Myanmar Border Trade Centre ni bawk Tiau lei chu Chawlhkar 2 zet lirthei kal phal a ni tawh lo.
Thu dawnna sawi danin, he kawngpui hi a lun thin hle a, India atang leh Burma atangin nitin lirthei bungraw phur chi ten an zawh reng a. Lirthei lian bungraw phur chi pawh phurh kai phal chin neiin kalpui a ni a. (www.champhai.net)Nikum mai khan he tuai lei hi a sawprawp deuh tawh avangin MPWD ten a tharin an thlak vek a. Chumi hnu phei chuan bungraw phur lirthei kal an phal mumal ta lo a ni. Hetih lai hian private lirthei leh motor te dang tan luh harsatna a awm ngai lo.
Tunhnaiah hian helai hmuna Assam Rifles Duty te chuan Two Wheeler tih loh lirthei dang reng reng, he Lei zawha Myanmar luh chu an khap a. Helai bawra khawawm Zokhawthar, Rihkhawdar, Haimual leh Khawmawi te hi Border Trade Centre an nih avang leh a mi chengte pawh Zohn…

TRACTOR THAR LAWM :
Agriculture Mnister KS Thanga`n Vaphai Community Hall ah WRC Farming Society te Tracktor thar lawmna leh Buhthar lawmna hun a hmanpui.
Vaphai khuaa leilet neitute “WRC Farming Society” te chuan an tractor thar leh buh thar lawmna hun nimin khan Vaphai Community Hall ah an buatsaih. Lawmna inkhawm hi an Vice President Rothangpuia`n  (www.champhai.net) kaihruaiin khuallian KS Thanga chuan Vaphai khuain zau hrang hrang 5 awmna Saikhumphai zawl zau tak an nei chu Vaphai khawtlang tan thlamuanpui tham a nih thu sawiin, Ruahmanna fel tak nen Vaphai lo neitute chu hna thawk uar tur leh thalaite pawh leilung hausakna hai chhuak kawnga tan la turin a fuih a. Naupangte pawh nu leh paten an thawh awm tawk chhungkaw hna thawh tur ruahman sak a, an thawhawm tawk hna an thawh hian taimakna an than lenpui thin niin a sawi. Secretary Ngursawithangan report pe in, leileta siam theih 190 hectares awmin, siam tawh 94.80 hectares a awm bawk a ni. Kum kalta khan buh 1870  qntls. an thar …

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten…

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…