Skip to main content

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

CHAMPHAI-AH YOUTH SUMMIT & ROAD SHOW 2018


Mizoram Youth Commission chuan Mizoram thalaite hmasawnna tur leh nakin hun atana chhawr tlak leh hna tha tak an thawh theihna turin Youth Summit & Road Show 2018 chu District hrang hrangah a buatsaih chho mek zel a. 

*Champhai District pualin ni 4.5.2018 (Zirtawpni) hian Kahrawt Community Hall-ah buatsaih a ni ang.*

Youth Summit-ah hian stall 20 chuang a awm dawn a, zirna leh eizawnna kawng hrang hranga hmasawnna turin mi thiam rawn tur thahnem tak an awm dawn a, lemziak leh thlalak lam te, rimawi chi hrang hrang, pangpar khawi, designing leh puanthui, kut themthiamna lam leh zai lamah te experience lo nei tawh mi eng emaw zat an tel dawn a, a thlawn veka biak rawn theih an ni ang.

Zirlaite tan phei chuan he hun hi hmaih phal chi a ni lo ang, ramchhung leh foreign thleng pawha zirna in tha tak tak te nen thawhho a nih avangin he hunah hian hun tha a inhawng nasa dawn a, eizawnna kawnga ngaihtuahna seng mek te tan pawh hun remchang tak a ni. All India Service leh Central Service dangah te Mizo thalai an luh chur chur theihna tura Coaching class hawng mek an nih angin Youth Summit chhung hian coaching class kal theih dan tur leh hotel management lam, cabin crew thlenga zawm theih dan tur inrhilhhriatna hun hman a ni dawn bawk a, mi thiam rawn tur an awm reng dawn bawk a ni.

Art exhibition ropui taka buatsaih tum a ni bawk a, thlalak leh lemziak (painting) thahnem tak pho chhuah a nih dawn mai bakah he lama mi thiam bikte’n a thlawna zirtirna hun an hmang bawk ang. Tin, thalai hna zawng mekte tan sorkar deparment thlan bik te’n online leh offline registration tih theihna an chhawp chhuak dawn bawk a, LESDE hnuaia employment registration ti duh tan pawh he hun hi thil tih awlsam lai tak tur a ni.



Comments

Oskar Glauber said…

bookmarked!!, I love your website! aol.com email sign in