Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 1.5.2018 (thawhlehni)

CHAMPHAI THALAI PAWL INTHLANG :
Champhai thalai, Champhai hmasawnna duhtuten pawl an din Champhai Thalai pawl (CTP) chuan nimin khan Vengthlang YMA Run ah kum 2018-2020 chhung atan an hriatu thar thlanna hun an hmang. An thlanchuahte chu :
President : Lalnunsanga Fanai, Vengthlang
Sr. Vice Pre : Hrangthansiama Mizo, Kahrawt
Secretary : Lalrinmawia Hnamte, Vengthar
Treasurer : Hranghmingthanga Chawnghlut, Ruantlang
Heng hruaitu thlan thar te hian Vice President leh Joint Secretary bakah Executive Committee Member te an ruat ang.

MAXI CAB CHUAN MAN SANG LUTUK VANGIN SERVICE TUR DANG :
Champhai to Zokhawthar inkar Sumo chuan man sang lutuk duh lovin nimin atang khan Zokhawthar khawtlang chuan Sumo Service an dang.
Zokhawthar VC kaihhruaia Public Meeting neih chuan an beisei anga Zokhawthar leh Champhai inkar Sumo chuan man kalpui a nih hma chuan Zokhawthar leh Champhai inkarah Sumo Service tir loh nise tih chu nimin atang khan kalpui tanin Sumo Service te an dang a. Mipuite tana thatna tura ti an nih avangin mipuite chu thlawp tur leh harsatna an tawk a nih pawhin lo tuar hram hram trin an ngen a ni. 
Thusawnna in a sawi danin Zokhawthar leh Champhai inkar kawng kilometer 28 chauh atana Sumo Weldare ten Rs. 150 an la hi mirethei tan a hautak lutuk a ni an ti a, khaw dang service fare ngaihtuah chuan Rs. 100 aia sang lo turin Sumo neitute pawh ngenin Sawrkar thuneitute hnenah pawh an harsatna an then tawh thin thusawiin vawiin thlenga an ngennain awmzia a neih loh avanga hetianga hma la ta an nih thu an sawi bawk.
Sumo Welfare te hian khawtlang hruaitute nen DTO Office ah Rs. 50 atangin Rs. 85 ah lungrualin rate an siam thu pawh sawiin chu chu bawhchhiain Rs. 100 ah anmahni thuin an tisang a, Rs. 100 atangin Rs. 150 ah tumah berawn lovin, “Kawng chhiat chhung atan” tiin an tisang leh ringawt  ni a sawiin, kawng dinhmunin that lam a pan tawh hnuah, kawng chhiat vanglai taka Sumo Welfare te chuan rate siam chawp Rs. 150 chu, Oil leh Parts man sang chhuanlamin hmanzui zel an tum ta niin an sawi bawk. Zokhawthar kawng hi tun dinhmunah a chhe ber lova, kan kawnga Service te tan chauh Oil man leh part man a sang bik a ni hek lova. Chuvangin hmun dang mila rate hi tihhniam kan phut tlat a ni” an ti bawk.
Zokhawthar khawtlang chuan Champhai to Zokhawthar, Zokhawthar to Champhai Sumo Service reng rengte vawiin atang hian Sumo Welfare ten an rate Rs. 100 aia tam lova an tihhniam hma chu tlan tir an tum tawh loh thu te, Sumo Driver, Champhai leh Zokhawthar inkara fare Rs 100 aia sang service lui tupawhin harsatna an tawk palh a nih pawhin anmahni cho chhuah a nih tur thute leh an hmalaknaah boruak a fel hma chu Counter hawng lo tur leh Sumo Service ho tanpui zawnga hma la lo hrim hrim turin Zokhawthar a Counter te an beisei tih an tarlang bawk.

CONVEX MIRROR :
Champhai a hmasa ber ni turin CHamphai Vengthlang Dawr Veng Welfare te chuan Convex Mirroe an vuah. Champhaia a hmasa ber ni turin nimin zing khan Champhai Vengthlang Dawr Veng Welfare te chuan lirthei chetsualna laka lirthei a him zawkna tur leh mipuite him zawkna atan Convex Mirror hi hmun hnihah vuahin CR Two Wheelers bul leh Vengthlang YMA Runn bulah te vuah a ni a. Heng Convex Mirror te hi Sainawta Charity Society ten Vengthlang Dawr Veng Welfare te hnena an donate a ni.

RUIHTHEIHTHIL PHUR CTOA ATANGIN BAN ANG :
Nimin chawhma dar 9 khan Champhai Taxi Owners Association te chuan Champhai Vengsang Hall ah Members Meeting an nei a, he hun hi Vanlaltluanga, Vice President, CTOA chuan kaihruaiin Lalchhandama, Executive Member chuan hunserh a hmang bawk.
He hunah hian Lalthuammawia hnen atangin Secretary Report ngaihthlak a nih bakah Rodinpuia hnen atangin Finance Report ngaihthlak a ni bawk. CTOA Member Meeting chuan Association Annual Fee pek hun chu kumtin March thla chhungin pek hun hawn thin nise an ti a, an dan bu a, ‘Sawrkar phal loh, ruihtheihhtil phur leh a ti man an nih chuan a motor neitu/a neitute chu pawl hming an tih chhiat avangin CTOA Member atanga hnawhchhuah tur a ni” tih chu ‘CTOA atangin an mahni leh mahni an in ban a ni ang’ tih in thlak nise an ti bawk.
Hei bakah hian Member atanga hnawh chhuah tawh leh member ni lo membera lak luh leh hun siam nise Executive ten ruahmanna lo siam se an ti bawk.

BADMINTON RAKING TOURNAMENT ZO :
Inrinnni khan CDBA Inkhawmpui 2018 Champhai District Badminton Raking Tournament chu khelh zawh a ni. He Ranking TOurnament hi Category 13 ah then niin 
Under 11 Mipa : 
Champion - Malsawmtluanga, CDBA
Pahnihna - F. Laltlanhlua, CDBA
Hmeichhia
Champion - Zoramthar, CDBA
Pahnihna - JK Vanlalmalsawmi, CDBA
Under 15 Mipa : 
Champion - Saihmingmawia Sailo, CDBA
Pahnihna - Lalramdinpuia, CDBA
Under 17 Mipa : 
Champion - C. Lalruatzela, CDBA
Pahnihna - K. Lalrotluangpuia, CDBA
Hmeichhia
Champion - F. Zoramsangi, CDBA
Pahnihna - Rodinsangi, CDBA
Under 19 Mipa : 
Champion - Lalhmingliana, KBC
Pahnihna - JH Roluahpuia, CDBA
Women Doubles ah Lalrinhlui leh C. Lalnunpuii CBC te tangdun chu Champion in F. Zoramsangi leh H. Lalchhanhimi CDBA te tangdun chu pahnihna an ni bawk.
Mens Singles ah Lalawmpuia CSBC Champion in Jerry Zodinthara, CDBA chu pahnihna a ni a. Mens Doubles ah Lalrindika leh Lalmuanpuia te tangdun Champion in Lalawmpuia leh Joseph Lalhnehzela te tangdun chu pahnihna an ni bawk.
Senior Mens Kum 35 chunglamah R. Vanlalzuia, KBC Champion in Malsawmtluanga RVBC chu pahnihna a ni a, kum 35 chunglam Doubles ah Hualdingpuia leh C. Zothansanga RVBC te tangdun an Champion in Tlanghmingthanga leh Malsawmtluanga RVBC te tangdun chu pahnihna an ni bawk.
Mixed Doubles ah Lalrindika RVBC leh Rodinsanga CDBA te tangdun Champion in CS Lalrongura RVBC leh K. Lalnunhlui RVBC te tangdun chu pahnihna an ni a. Veteran kum 45 chunglam Doubles ah F. Zirliana CSBC leh Rosangliana CDBA te tangdun champion in C. Zaihmingthanga ZVBC leh Lalremruata CDBA te tangdun chu pahnihna an ni bawk.

VENGSANG TIFAI :
Swachh Bharat Fortnight pualin nimin khan Vengsang Branch MHIP te chuan hnatlang an nei. Vengsang Branch MHIP hian nimin khan an veng chhung hmun hrang hrang tifaiin hnatlang an nei a, khawlai dunga bawlhhlawh awmte chu an phiatfai a ni. Hnatlangah hian MHIP Member 50 chuang an thawkchhuak a, tlai lamah chawhlui an kilho nghal a ni. Swachh Bharat Fortnight hi India ram hmun hrang hrangah hman mek a nia, Champhai ah pawh hemi pual hian PHE Dept. leh Vengsang Branch YMA chuan faina lam hawiin hnatlang an lo nei tawh bawk.

KHAWZAWL AH SAPEL THINTE KO KHAWM :
Nimin chawhma khan Khawzawl Zuchhip Branch YMA hnuaia Zuchhip Sanctuary Sub-Comt leh Khawzawl Wildlife Division bul tumin Khawzawl Khawpui chhunga sapel thinte leh ramvak mite hnenah nungcha humhalh pawimawhzia inzirtirna buatsaih a ni. Khawzawl Wildlife Division Office a Awareness Campaign buatsaih hi Lungmuanzova Range Officer, Lengteng in a kaihruai a, Rev. Malsawmtluangan hunserh a hman zawh hnuah Khawzawl Gr. YMA Secretary Lalnunsanga Renthlei chuan thusawiin Khawzawl Wildlife Division DFO Jenny Sailo thahnemngaina zarah Khawzawl Gr. YMA leh Khawzawl Wildlife Division ten nungcha humhalh kawngahthawhhona tha tak an nei chu lawmawm a tih thu a sawi a. He thawhhona hi vawnnun zel an beisei tih sawiin tunah ian Khawzawl Gr. YMA chuan Tuichang lei hnuaia tuikhuah siama sangha dah an tum thu leh he an hmalakna turah hian thawhpuia Tuichang lui humhalhpui turin kalkhawmte a ngen nghal a ni. Ramthanga, Chairman Zuchhip Sanctuary Sub-Committee pawh thusawiin Khawzawl Wildlife Division hmalakna zarah Rs. 55000 an hmuh hamngin an sanctuary ah kangmei chhuak thei ven nan meilam satin Sanctuary enkawlna ah pawh chak takin hma an lak theih phah tih a sawia. An sanctuary huamchhunga nungcha leh thing leh mau leh ramhmul awmte chu Sub-Comt tan ringawt chuan ven sen a ni lo tih sawiin sapel thinte leh ramvak thinte chu Sanctuary humhalhpui turin a sawm ve bawk. Awareness Campaign neihah hian thin leh mau leh nungchate hlutna leh humhalh pawimawhzia tarlanna hla leh recitation te ngaihthlak a ni a, sapek thin leh ramvak thin mi 34 vel telin DFO Jenny Sailo leh Zuchhip Br YMA hruaitute bakah MJA Member ten an telpui a, hemi hnu hian Khawzawl khawpui chhung kawngpui dudng langsar laiah te nungcha humhalh pawimawhzia tarlanna poster an tar nghal a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…