Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 10.5.2018 (ningani)

SERVICE DAN TURAH LA INREM THEI LO :
Champhai to Zokhawthar Maxi Cab Welfare te chu DTO in Sawrkar  Rate a tlan tura a tih avangin nimin khan an duty an chawl lailawk.
Thudawn danin Champhai DTO chuan Champhai to Zokhawthar Sumo Service tur chu Sawrkar rate Rs. 67 a tlan turin thu ape a, hetianga Champhai to Zokhawthar Sumo te an harsatna hrethiam duhlo va anmahni chauh sawrkar rate a tlan tura DTO in a hriattir chu pawi an tih thu an sawi a. Remchang hmasa berah DTO hi hmuh an tum a, lehkha pawh an thehlut tawh a, nizan lam khan Champhai to Zokhawthar Maxi Cab Welfare te hian an kal zel dan tur an sawi ho ang a, vawiin atangin an duty chhunzawm leh mai thei niin thudawnna chuan a sawi.

RUIHHLO MAN LEH :
Niminpiah tlai dar 4 vel bawr khan Excise & Narcotics Dept. Champhai Station te chuan Champhai Vengtharah Heroin Gram 18.6 hawng khat leh a chanve an man a. A kengtu TLangkungi (32) w/o Lalhmunsanga, Chawngtlai khua nia insawi chu an man tel nghal bawk. Nimin khan ruihhlo leh a neitu nia puhte hi Court a hruai nghal an ni.

TANPUINA AN HLAN :
Niminpiah a Aizawl G 90s leh Champhai Hranghlui te inkhelnaa sum hmuh chu District Hospital ah hlan ani.
Kum 1990 chhoa Mizorama inkhel thiam rual intelkhawm G Ninetys leh Champhai Hranghlui te chuan Chhangphut Field ah niminpiah khan Charity Match an khel a, an inkhel hi a hmuhnawmin hlut a hlawh hle a, khawchhe tak hnuaiah inkhel en mipui pawh an thahnem hle a, G Ninetys te hian 6-2 in Champhai Hranghlui te hi an tlawm a ni. He Charity Match khelh zawh tak atanga an sum hmuh ang angte chu nimin zing khan C. Hualrikhuma, President CDFA kaihhruaiin District Hospital Poor Fund atan an hlan a, heng sum hmuh te hi Dr Zatluanga, DMO chuan a dawng a ni.
Dr Zatluanga, Medical Superintendent chuan thu sawiin Champhai District Hospital hi Aizawl leh Lunglei tih lovah chuan District HOspital a thawktu Doctor leh Nurse nei tha ber te zing a mi an nih thu a sawi a. Pantu mipui pawh an pung zel a, mi harsa tak tak, enkawltu tur chhungkua pawh neilo te tam tak an lo kal thin a ni, a ti a. Chung mi harsa tak tak te tana Kohhran leh NGO hrang hrang ten Poor Fund an pek thin tih a tarlang a. Infiammi ten mi harsa zawkten enkawlna tha tak an dawn ve theihna tura an puala an inkhel chu lawmawm a tih thu a sawi a, entawn tlak an nih thu sawiin midang zel te pawhin mi harsa zawkte tana hun hman hi uar deuh deuh se a duh tih a sawi a, duhsakna a hlan nghal bawk a ni.

MNF HOTUPA LOKAL :
Nimin tlia lam khanMNF Party President Zoramthanga chuan Champhai a rawn thleng.
Zoramthanga hian Champhai North & SOuth Block hruaitu leh member te chuan Darthangvunga Traffic Point ah an lo hmuak a ni. Nizan khan Champhai North  & South Block te chuan Zoramthanga hi kawmna hun an hmang a, vawiin chawhma dar 11 ah Political Training, Kanan Community Hall ah an nei dawn bawk a ni.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…