Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm tawh thin a, Chipko Movement te phei chu tun thlenga Environment humhalh kawnga hmalakna chhuanawm a la ni a; ramngaw humhalh tur hian mitinin(www.champhai.net)  tih ve theih kan neihzia lantirtu a ni, a ti a. Champhai Nature Consevancy- in Project Tlaizawng a kalpui hian khuarel thil humhalh kawngah mitin fuih thar se a duh thu sawiin, Project Tlaizawng chu Mizoram hmun dangte pawhin entawh se a duh thu sawiin, tun atanga chhuan lo la awm zel turte tana malsawmna a ih ngei theih nan a Project Tlaizawng chu a hawng a ni.
Project Tlai zawng hnuaiah hian tlaizawng tiak 300 leh a chi 300 a vaiin 600 bawr vel chu Darthlalang tlanga Assam Rifles Helipad ah te, CHANEM Complex leh Champhai Circuit House Complex ah te phun a ni a. Tuna mi bakah hian remchangah Champhai leh a chheh vel hmun dang dangah CNC chuan a phun(www.champhai.net)  hna hi thawh leh an la tum ani. Hnatlang hian zirlai naupang thenkhat bakah he hmalakna tuipui mi thahnem tak an thawk chhuak a. CNC chuan nimin a hnatlanga thawk chhuakte leh Project Tlaizawng phurpui a, an mamawh tumsaktu leh thilpek petute hnenah lawmthu a sawi a ni.
Champhai Nature Conservancy hi Champhai leh a chheh vela khuarel thil hrang hrang humhalhtu atan leh helama Champhai cheimawi turin kumin atang khan an ding tan ani.

PAWNGSUALTU KUM 10 TANG TURIN HREM :
Nimin khan Champhai Session Court chuan Hmeithai fa, hmeichhe naupang kum 15 mi vel pawngsualtu Khamsavunga, Ngur khuaa awm thin chu thiam loh chantirin kum 10 chhung Jail tang turin a chungthu rel a ni ta.
Pawngsual thubuai chungchangah Court thuremna hi nimin khan Champhai Special Judge R. Vanlalena chuan a puang a. Nimin Court a pawngsualtu chungchanga thuremna puanchhuah tuma hemi chungchang tarlan a nih dan chuan -  ni 10.12.2014 zan dar 8-9 inkar vel khan hmeichhe naupang kum 15 mi vel (www.champhai.net) chu a chhungten an lensan hlanin pawngsualtua puh hian va luh chilhin a pawngsual a. He thu hi pawngsual tawktu hmeichhe naupang hian a chunga thil thleng hi a nu  leng haw hnenah pawh hrilh thei lo khawpin a lungchhia a. A thiannu leh a kawmngeih tak hnenah erawh a sawi chhuak thei hram a. A ni hian a tukah a nu hnenah hian sawiin, he hmeichhe naupang khawngaihthlak tak hian a hma zana a chunga thil rapthlak tak thleng hi a hrilh ve thei ta a. Champhai Police Station ah thubuai thehluh a ni a, he hmeichhe naupang hi kum 2011 khan a pa in a lo boral san tawh a. A nu ho chauha awmin khawsak harsa takin an awm a, hei vang hian a dinhmun hi a khawngaihthlak lehzual hle a ni.
Hemi chungchang thubuai hi SI Zonunsanga, Champhai Police chuan chhui nghalin pawngsualtu hi a man nghal a. Hmeichhe naupang hi Champhai District Hospital ah enfiah tura hruai nghal a ni a. Doctor te chuan mipa khawihna hnuhma chu an hmuh ngei tih finfiah a ni a. Police Officer hian he thubuai a chhuina(www.champhai.net)  kimchang hi Court ah a thehlut thuai bawk a. He thubuai hi Court chuan uluk taka relin thuhretu hrang hrangte a ko a. Chung zingah chuan hmeichhe naupang pawngsual tuartu, a nu, Doctor leh Case IO bakah midang pawh koh an ni a. Pawngsaultu a puh Khamsavunga pawh hi a thiam thu sawina hun Court chuan a pe bawk a. Amah tantu leh thuhretu pawh 3 lai Court chuan kovin an thu a ngaihthlak sak a. Khamsavunga aiawha ding Ukul chuan he thubuai ah hian pawngsual tih finfiahna tha tawk a awm lo va, DNA Test pawh a awm bawk lo a, Police lamte thuhretute thusawi hi a rinthlak tawk loa, chuvangin thilsual titua puh hi chhuah zalen turin Court chu a ngen a. Hetihlai hian Sawrkar Ukil lam chuan, finfiahna an nei tha tawk a, thuhretu - A tuartu ngei, Doctor leh Case IO te thusawi chu a vaia innghahna tlak a nih avangin pawngsualtu hi hrem ngei turin Court chu a ngen thung.
Thuhretu hrang hrangte thusawi hi Court chuan ngun taka khaikhina a enfiah hnuah hmeichhe naupang khawngaihthlak tak hian pawngsual a tawk ngei a ni e, tih chu a thutlukna a ni ta a. Special Judge hian pawikhawihtu(www.champhai.net)  hremna hi puangin, kum 10 chhung Jail tang tur leh pawisa Rs. 9000 chawi turin a ti ta a ni. Pawngsual tawktu hi Danin a ruahmanna ang ngeiin a phu tawk zangnasawmna (compensation) te turin District Legal Service Authority, Mizoram pawh a hriattir nghal bawk.

ANGANWADI WORKER TE TRAINING PE :
Nimin khan Champhai District Programme Officer ICDS buatsaihin Training on Pradhan Mantri Matru Vandana Yojana chu I&PR Auditorium ah neih a ni.
He hun hi WC Zorammawii, CDPO, Champhai chuan kaihruaiin H. Zaimawii, DPO chuan a hman a. Thusawiin H. Zaimawii chuan nu naupai leh naupawm te tana hmathatna tur thil an zir dawn avangin training hi tangkai taka hmang turin a chah a. Anganwadi Centre hrang hrang atanga kalkhawm te chu an hnathawh te thatchhe tak leh dawngdah taka thawh chi a ni lo va, midang tana malsawmna nihna a nih avangin a Pathian thu a, taimak chhuah a, theihtawp chhuah a tul a ni, a ti a. He hna hi  an chawlhsan hunah pawh tihsual an neih chhui let tur awm lova thawk turin a chah bawk. (www.champhai.net) Naupang atanga tar thleng a enkawl thin an nih avangin rawngbawlna a ngai tak tak tan lo chuan thawh theih chi a ni lo, a ti a. Nu naupai te chu Vitamin leh Calcium an pek  in hmun thenkhatah chuan a ei dan tur sawi lovin an pe ringawt a, hei hian an naupai ah nasa takin a chhe zawnga nghawng a neih theih thu a sawi a. Fimkhur leh thlin taka thawk turin a sawi a, worker te fel loh avangin tar lawmman la tur la lo te an awm phah a, hetianga inthlahdah hi awm tawh lo se a duh thu a sawi a ni.
Rodingliana, DPC (PMMVY) leh Amy Lalthanzuali, DPA (PMMVY) te hnen atangin nu naupai leh naupawmte tana hamthatna awm te, (www.champhai.net) hamthatna an dawn theihna tura an tih tur pawimawh tak tak ngaihthlak a ni a. Nu naupai April ni 1, 2016 hnulama nau vawi khatna nei te tan Rs. 5000 dawn theih a nih thu te, dawng tura tih tur pawimawh te ngaihthlak a ni bawk.

RUIHHLO MAN :
Zokhawthar panna kawng Champhai District Park peng a Police Duty ten Zokhawthar atanga Aizawl panpui tur Heroin Hawng 20 (Gram 265) chu nizan hmasa khan lirthei pakhat a chuang hnen atangin an man.
Champhai Police hotute sawi danin District Park peng a POlice Duty te hian lirthei pakhata chuang Lalthansangi kum 36 d/o Darluaia, Zokhawmawi (Myanmar) tuna Aizawl Zemabawk North  a cheng ni a insawi hnen atangin Heroin Hawng 20 (Gram 265) chu nizan hmasa khan an man a. Ruihhlo neitu a puh(www.champhai.net)  Lalthansangi hi ND&PS Act tlawhchhan a thubuai siamsak niin, nimin khan District Court a inlantir a nih hnuah Champhai District Jail ah dahluh a ni. NImin khan Champhai Police te hian Khankawn Check Gate ah Champhai leh Aizawl inkar Maxi Cab  Service a Passenger, Lalthanthuama, kum 23 s/o Rochharliana, Aizawl Zuangtui nia insawi hnen atangin Heroin hawng khat an man bawk.
Tunlai hian ramri hrul a Heroin man hi a tlahniam ni a hriat a ni a, Heroin hawng khat Rs. 25000 vela an lei thin laiin, tunah hian Hawng khat(www.champhai.net)  Rs. 18000 vela lei a nih thin thu dawn a ni a. Hetia ramri hrul a ruihhlo man a tlak hniam vang hian ram chhunga ruihhlo lo lut pawh a hluar phah hle ni a thu dawn a ni.

SEMI FINAL KHEL ZO :
T. Khupzachina Memorial U-16 Football Tournament khelh mekah nimin khan Vengthlang chuan Venglai chu 5-2 a hnehin (www.champhai.net) Final an lut a. Hnahlan leh Zokhawthar chu 1-1 a in draw a, penalty shoot out ah Hnahlan hian 4-2 a chakin Final an lut bawk. Final hi karleh Thawhlehni ah khelh a ni ang.

ZIAL AN MAN :
Champhai Anti Tobacco (www.champhai.net) Squad leh Legal Metrology ho ten nimin khan Bethel kawnah Drive neiin Foreign Cigarette tam tak chu COTPA 2003 leh Legal Act bawhchhiatna a nih avangin an man.

BIATE KHUA-IN INDIA RAM FAINA INELNAAH LAWMMAN A LA
Ministry of Housing & Urban Affairs, Govt. of India chuan Swachh Bharat Mission (Urban) hnuaia kum tina faina kawnga India (www.champhai.net) ram khawpui (cities and urban towns)-te inelna Swachh Survekshan a buatsaihah Mizorama Biate khua chuan Best City in 'Innovation & Best Practices' – NE ZoneAward a la a ni.
Swachh Bharat Mission (Urban) hnuaia kum tina neih thin Swachh Survekshan-ah hian kumin 2018 hian khawpui 4203 zet an inel a, (www.champhai.net) Swachh Survekshan 2018 result hi 16th May, 2018 khan Pu Hardeep Singh Puri, Union Minister for Housing & Urban Affairs chuan a puang a ni. Swachh Survekshan intihsiakna lawmman chi hrang hrang category 52 puan chhuah a ni a, category pakhatah Biate khua hi a tel pha a ni.
       UD&PA Minister Pu Zodintluanga chuan India ram pum huap khawpui 4303 zet inelnaah Mizoram urban town 23 zinga pakhat Biate a lo lang ve hi hmasawnna ropui tak a ni, a ti.  Minister chuan Central lam atangin khawfai endiktute(www.champhai.net)  lo kalin, tehfung mumal tak duan sa nen an teh hnuah lawmman dawng tlaka Biate an thlang hi a lawmawm em em a, Biate hi Mizoram chhunga urban area te faina kawnga inelna kum kaltaa neihah khan khawfai ber lawmman an lo dawng tawh a ni, a ti.
       UD&PA Secretary Dr C Vanlalramsanga pawhin Biate-in India ram pum intihsiaknaa lawmman a dawng chu lawmpuiin Mizoram chu India rama State fai berte zinga mi a nih theih thu leh chumi atan chuan Sorkarin mipui thlawpna a mamawh thu a sawi a. Mizoram chu hmar chhak State te zingah chuan a titha pawl (www.champhai.net) tak ani chho ve reng a, kan têtna te hi remchangah kan hman thiam chuan India ramah faina kawnga hmahruaitu kan ni thei a ni, a ti.
Kum 2018 Swachh Survekshan Competition buatsaihah khawpui 4203 zet inelna-ah hian nikuma pakhatna lo ni tawh Indore chu a pumpuiah pakhatna a ni a, Bhopal-in a dawt a, Chandigarh chu pathumna a ni.

Comments

Popular posts from this blog

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai Tualchhung Chanchinthar ni 14.6.2018 (ningani)

DISTRICT LIBRARY HLUT : Kumin chhungin District Library tlawhtu mi 2094 anawm tawh. Champhai District Library-ah member 1809 an awm mek a, puitling 1591 leh naupang 216 an an ni a, member thar puitling 3 leh naupang 2 an awm bawk. Lehkhabu thar 276 awmin lehkhabu 29,164 a awm mek a . Library tlawhtu hi mi 2094 an awm tawh ani. District Library ah hian mizo chanchinbu 5 awmin magazine mizo ziak 4 leh saptawnga ziah 1 a awm bawk. District Library member hi nih theih reng niin a duh apiang tán inziahluh theih reng a ni a, zirlai te tan zirna atana tangkai leh pawimawh tam tak en tur a awm a, zirlai ni lo tan pawh Pathian thu, hriatzauna leh thawnthu bu chi hrang hrang chhiartur a awm ani.
RUAHSUR NASA LEH CHAMPHAI : Ruahsur nasa avangin PHE Dept ten Tuipui lui, tui an pump na hmun thenkhat chu tuiin a chim tawh. Ruahsur nasa avang hian Champhai tui lakna ber, Tuipui lui chu a lianin a nu nasa hle a, pump tlak a nih loh avangin PHE Dept te hian ni 5 chhung chu Champhai khawpuiah tuisem a…