Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net) kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net) lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunzawm tura sawrkarin thutlukna a siam chu hna tha zawk a thawh a nih theih ngeina turin hmalak nise an ti a. YMA kumpuan ‘Ram leh (www.champhai.net) hnam humhalh’ hawnna Programme chu ni 26.5.2018 hian neih nise an ti a, kumpuan hawnnaah hian Sub-Hqrs. YMA OB, thuthmun Branch oB zawng zawng, SEC Member zawng zawngte leh Kumpuan Squad member zawng zawngte tel ngei nise an ti bawk.
District Hospital a Trauma Centre dahna tura Hospital Building Extend turin YMA Khualbuk a sutchhiat tur chungchangah Contractor  te nen a tul anga hmalaka inbiakna neih zel nise an ti a.
Central YMA atanga lehkha hmun ‘Retailer ten buhfai bik thling an pekchhuah theih ngeina tur leh Gas buk tling ngei mipui hnena sem a nih theihna tura hmalka dan tur chungchang chu Sub-Hqrs. YMA ten a(www.champhai.net)  tul anga buaipuia hmalak ngei nise an ti a. Central YMA atanga YMA Day vawi 83-na tangkai taka hmang tura ngenna pawh min ngenna leh min beisei ang ngeia YMA Member ten YMA nih phung hre renga hmang turin an inchah bawk.
Heng bakah hian Sub-Committee hrang hrang atanga lehkh alutte sawiho a ni a, hmalakna tur hrang hrang awmah te thahnemngai leh chak taka hmalak nise an ti a, Zokhawthar Maxi Cab  atanga Sumo(www.champhai.net)  Rate chungchanga Maxi Cab hruaitute leh Zokhawthar  khawtlangte inrem theih lohnaah Sub-Hqrs. YMA te palai hna thawk tura an ngen angin an harsatna sutkian sak  an nih nge ithiehna turin Sub-Hqrs. YMA OB ten CHamphai DC Vanlalngaihsaka sawipui nise an ti bawk.

ENVIRONMENT HUMHALH :
Khawbunga zirna In hrang hranga nungcha leh ramngaw humhalh chungchang inzirtirna chu Khawbung Branch YMA, Association for Environmental Preservation (ASEP) leh Environment, Forest & Climate Change Dept. Khawbung Range tangkawpa buatsaih a ni. Khawbung Branch YMA chuan nungcha leh ramngaw humhalh kawnga an hmalakna peng pakhat atan ASEP leh Khawbung-Farkawn Forest Range sawmin Zirtawpni khan Khawbunga Zirna In hrang hrangah nungcha leh ramngaw humhalh chungchang inzirtirna an nei a, ASEP Campaign Director(www.champhai.net)   H. Lalhmunsiama, Nungchate Thian chuan zirtirna pein thangtharten chenna tlak khawvel an neih theih zelna turin khuarel nungcha, sava leh ramngaw te inbuk tawka an awma mihring mamawh chi hrang hrang an phuhruk theih zelna tura humhalhtu, hmangaihtu leh venghimtu ni theuh turin zirlaite a fuih a ni.

PASS THARTE LAWMPUI :
Inrinni khan Education & Human Resources Development Committee, Vengthlang Branch YMA buatsaihin HSLC leh HSSLC pass tharte lawmpuina hun hman a ni.
He hun hi Govt. Champhai College Multipurpose Hall ah hman niin K. Hrangdawla, Chairman Education & Human Resources Development COmmittee Vengthlang Branch YMA chuan a kaihruai a,(www.champhai.net)  C. Lalthanpuia, President Vengthlang Branch YMA chuan thu sawii hun rei tak atang tawhin ruihhlo hi Vengthlang Branch YMA hian a lo do tawh thin a. Duty te insiamin hma nasa tak a lak thin a ni a ti a, nimahse Duty loh karah ruihhlo chu a hluar lehnghal zel tho a, sum leh tha nasa tak kan seng thlawn a ni a ti a, an beidawn thu sawiin ruihhlo ti ve lo zirlai tithate chawimawi hi sum leh tha sennaah pawh a thanat thlak loh a, a nuamin a hlimawm a, kan theih chen chenah chuan zirlai tithate hi chawimawi zel kan tum a, sum leh tha an tana sen hi kan huam reng ani a ti.
Ruihhlo avanga khawlaia insual chinte, buaina siamte hi mi huaisen hna ani lo a, mi dawihzep ber hna a nih thu sawiin mi tupawh a tum ram thleng chu mi huaisen a ni a ti a. Mi huaisen ni tur chuan lehkha(www.champhai.net)  thiam a ngaih thu tarlangin mi tupawh mite tana entawn tlaka awm hi model dik tak a ni a, chutiang mi ni tur chuan fuihin HSLC leh HSSLC pass tharte chu a lawmpui thu sawiin an kal zelna turah duhsakna a hlan a ni. HSSLC pass te hnenah Liankunga IAS (Rtd) ziak ‘Ka lungkham’ tih lehkhabu an pe a, HSLC Pass tharte hnenah ‘I thil tumte a tak ram thlenpui rawh tih lehkhabu Lalzapara lehlin chu an hlan bawk a ni.




Comments