Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match hmasa zawk ah Kahrawtians leh Vengsang Boars te an intum ang a, Match hnihna hi dar 9 ah tan leh ani ang a, Bethel Minikins leh Venglai Tribal Sonic te an inkhel dawn a ni.

KHAWBUNG MUBU RAMA HMUN HLUI LAI TAN TA :
Mizoram Archaeological Excavation hmasa ber dawttu tur Khawbung Mubu rama hmun hlui laihchhuah hna chu nimin khan Archaeological Survey of India Excavation Team ten an thawk tan.
Khawbung Mubu rama hmun hlui laih chhuah hna hi Mizoram, Tripura leh Manipur bialtu Aizawl Circle Superintendent(www.champhai.net)  Archaeologist Dr Sujeet Nayan hovin tan ani a. Mubu hmun hlua lung inrem leh intiangkhawmte chu Vangchhia a Excavation an tihna hmuna sulhnute nen inlaichinna thuk tak a awm niin Dr Sujeet Nayan chuan a sawi a, hnathawh zawh hunah thil nihphung chiang zawk a hriat theih a beisei thu a sawi ani.

KHAWPNA THUPEK :
Abraham Beirazi Khithle, Sub-Divisional Magistrate, Champhai District, Champhai chuan khapna thupek a chhuah.
Khapna thupek a tarlan a nih danin Venglai Community Hall hnuai kawng, F. Thangvela In leh Dengrikhuama In inkar chu (www.champhai.net) kawtlang hmasawnna hnathawh mek a nih avangin chak zawka he hnathawh hi a kal theih nan leh mipu iharsatna siam rei lo tura zawh vat a nih theih nan ni 9.5.2018 atanga ni 9.6.2018 chhung lirthei kaltlang phal lohna hmun atan a puang a, he thupek zawm lova tilui chu IPC Sec 188 hmanga hrem an ni ang.

ZPM CM CANDIDATE LOKAL :
ZPM Chief Ministerial Candidate Lalduhawma chuan nimin khan Champhai a lo thleng. ZPM Chief Ministerial Candidate Lalduhawma chuan nimin khan ZOkhawtharah tlang nghalin nizan dar 7 khan Public Meeting a nei a, (www.champhai.net) vawiin chawhma dar 10 ah Champhai Press Club ah thuthar lakhawmtute kawmin chawhnu lamah Ruantlangah Political Training a telpui leh ang a, zan dar 7 ah Venglai Community hall ah ‘Bana kaih policy’ leh Kuthnathawktute hmasawna, 6 Basic Needs atd. thupui hmangin Public Meeting a nei ang a, naktuk nilaini ah Aizawl panin a haw leh dawn a ni.

KHUPZACHIN MEMORIAL :
T. Khupzachin Memorial U-16 Football Tournament 2018 chu vawiin hian Final khel tur niin a hmawr bawk ani dawn ta.
Kar kalta Zirtawpni khan T. Khupzachin Memorial U-16 Football Tournament 2018 chu Semi Final khelh zawh a (www.champhai.net) lo ni tawh a, Semi Final inkhel hmasa zawkah Vengthlang leh Venglai te inkhel in Vengthlang hi 5-2 a hnehna changin Final an inhlang kai a, inkhel hnuhnung zawkah Hnahlan leh Zokhawthar te inkhel in hun pangngaiah 1-1 a an inhneh tawk hnuah Penalty ah 4-2 in Hnahlan te hian hnehna changin Final an inhlang kai ve bawk.
Vawiin hian Final hi Chhangphut Field ah chawhnu dar 2 ah khelh chhunzawm a ni ang a, Vengthlang leh Hnahlan te chu Finalah hian an inkhel dawn a, mipui te a hmunah inkhel en theuh turin CDFA chuan a sawm a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…