Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 24.5.2018 (ningani)

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten an tel lova kan awm theih loh thil, kan mamawh reng reng te chu kan ngaipawimawh dawn a ni a ti a, chhungkaw tinin kan mamawhte kan neih vek hi thil dang zawng zawng aiin kan ngaipawimawh hmasa dawn a ni tiin thing tuah tawh lova, chhungkaw tinin GGas an hman vek theihna turin hma kan la dawn a ni a ti a. Eng kan mamawhna a sang tawlh tawlh a, eng kan hnainghnar theihna turin hma kan la ang a, mithiamte chuan Mizram ah hian Power mW 3663 siamchhuah theih a nih thu an sawi laiin kum 40 chhungin mw 10 chauh kan ramin Power Supply kan la nei thei a ni a ti a, helama kan hmasawnna hi a muang mah mah niin a tarlang a, sawrkarin sum a sen zozai kha a uihawm hle a ni a ti a, Hydel Project 8 harsa taka din tawh, hman tlak ni zui lo 8 kan nei tawh a, Thermal Porject hluihlawn 1 kan nei tawh bawk a ni a ti. Tangrual Pawl te an sawrkar a nih chuan a tharin hma an lak tur thu a sawi a, ramdangin an tawm ve loh turin Tlawng lui leh TUivai lui te chu khuah a nih tur thu a sawi a, Hydel leh thermal ah tangkawpin term 1 chhunga eng intodelh hman turin hma kan la nghal dawn a ni a ti. Chhungkaw tinin eng kan hnianghnar theihna turin intinah solar kan dah ang a, solar atanga eng lakluh te chu in 1 in a hman sen loh chu sawrkar in aleisak thin dawn ani a ti a, Bill chawi pawh a tlemhle dawn niin a tarlang a ni. heng bakah hian thlai ching a eizawng te tan ham thatna awm thei ang siam a nih tur thu te, Mizoram hi keimahni thar chhuah ngei a inchawm theih an tum tur thu a sawi a ni.
Lalduhawma chuan heng kan hmalakna tur kan ram in a mamawh chi hrang hrangte a hlawhtlin theihna tur chuan mipuite kan pawimawh ani a ti a, ram tan hmasawnna awm hleithei tawh lo hi hmu thiamin he hun tha hi hmang tangkai ang u tiin mipui te a sawm a ni.
He hun hi C. Lalramliana chuan kaihruaiin K. Sapdanga hnen atangin ZPM in hma an lakan turte ngaihthlak a ni bawk.

KHAWMAWI KHUA KANGMEI TUARTE TANPUINA HLAN :
Nimin chawhnu khan Champhai Officers’ Club (COC) leh Sub-Hqtrs YMA, Champhaite chuan  kumin April Ni 16 a Myanmar ram chhung, India ramri depa awm Khawmawi khuaa kangmei chhuak avanga chhiat tawkte tanpuina tura member-te atanga vehbur tlingkhawm hlanna an nei.
Hemi pual hian inkhawm tawi buatsaih niin Pu PC Lalrawnliana Secretary, Sub-Hqtrs YMA Champhaiin a kaihruai a. Pu Lalnunmawia, Ex-Principal, Govt. Champhai College, President, Champhai Officers' Club leh Pu VL Chama Hnamte President, Sub-Hqtrs YMA Champhai ten thu an sawi bawk a. Pu Lalhnehliana, President, Rih Lentlang Youth Association (RLYA), Tiau Branch-in chhiat tawh dan leh chhawmdawl hna thawh dan tlangpui report a pe a ni
He hunah hian Champhai Officers Club (COC) hruaitute, Sub Hqtrs YMA, Vanhnuailiana Group YMA leh Zokhawthar Branch YMA hruaitute an tel bakah  Rih Lentlang Youth Associations, Tio Youth Association, Khawmawi VC leh khawtlang hruaitu dangte pawhin an telpui a. Mizorama Zohnahthlak unauten pa chan changa an tawiawmna leh thlamuanna avangin lawmthu an sawi a. In kang senghawi leh tanpui ngaihna apianga chet an thawhna chu fakawm an tiin inunauna tizualtu ni ngei thei se an duh thu an sawi bawk a ni. Thilpek petu lam atangin tanpuina tlingkhawm chu beitham mahse thinlung taka pek anih thu leh, lawmna leh lungngaihnate chu intawmpui tlat a tul thu an sawi a. Ramin ri a nei a, hnam erawhin a neih loh thu leh hnam hmelma apiangte do tlang zel a tul thu tarlan a ni bawk.
Nimina COC bultuma tanpuina sum tlingkhawm hlan tak hi Rs 150000/- a ni a, Champhai Officers’ Club aiawhin Vice-President Pu RL Thianghlima, Principal, DIET Champhaiin a hlan a. Sub-Hqtrs. YMA hnen atangin Rs 313610/- leh Vanhnuailiana Group YMA atangin Rs 51900/- te RLYA Tiau Branch kutah hian Pu VL Chama Hnamte-in a hlan  bawk a. Vawiina tanpuina sum hlan tak hi avaiin Rs 515510/- a ni.
Kumin April Ni 16 chawhnu dar 2:30 vel khan vanduaithlak takin Khawmawi khuaah hian kangmei a chhuak a, In 9 vel a kangral a ni.

VAIHLO THAT LOHZIA ZIRTIRNA HUN HMANG :
Nimin khan Zokhawthar School hrang hrangah Champhai Anti Tobacco Squad leh District Tobacco Control Cell tangkawpte buatsaihin Awareness Campaing neih a ni a. School naupang 500 chuang na kalkhawm a, zirlai naupangte hnenah hian zuk leh hmuam that lohzia leh taksaa natna a thlen theih dante hrilh hriat an ni. Signage chi hrang hrang sem chhuah nghal ani a. Tlai lamah Police Outpost Duty te hnenah COTPA chungchang hrilhfiahna neih niin zirho nghal ani a. Champhai Anti Tobacco Control Cell te hi HL Malsawma, OC chuan zanriah a buatsaih sak bawk.

BUH CHI DAH TAN :
Tunlai hian Champhai zawla loneitute chuan Buh chi an dah tan mek a, sawrkar lamin buh chi naupang phun a that zawk thu sawi thin mahse a tlangpui thuin loneitute hian buh chi hi thlakhat dawna upate an ching thin a, tun hma atanga an lo tih than tawh a nih avangin buhchi upa chin hi an la ching chhunzawm zel niin a lang. Champhai zawl hi loneitute hian an hmang tangkai hle a, buh chi a hun loh lai pawhin thal thlai chingin sum tam tak lak luhnan an hmang thin a. A chawmtu tur tui duhthusama tam awm thei se hei aia tangkai zawk hian hman theihin a rinawm.

FARKAWN A HSLC LEH HSSLC PASS TE LAWMPUI :
Nimin khan Farkawn Educational Staff Association chuan kum 2018 HSLC leh HSSLC an khawchhunga pass te lawmpuina hun an hmang a, Bialtu MLA T. Sangkungan khuallian niin he hun hi ahmanpui. 
Kum 2018 ah hian Farkawn khawchhunga HIgh School pahnih atangin HSLC Exam mi 64 an awm a,heng zingah hian Govt. Thanchhuma High School atangin Exam mi 43 zingah 39 an pass a. Tin Farkawn High School ah Exam mi 21 awmin an zingah hian mi 18 an pass thung. Kumin a Farkawn khawchhung High School pahniha HSLC Pass zawng zawng chu mi 57 an ni.
Tin, kumin hian Farkawn HSS atangin HSSLC Exam mi 47 zingah mi 40 an pass bawk. Kumina Farkawn khaw chhunga School atangin HSLC leh HSSLC pass zawng zawng chu mi 97 an ni.
HSLC leh HSSLC Exam a Distrinction a pass te hi Rs. 2000 leh Citation pek an ni a, First Division a pass te chu Rs. 1000 leh Citation leh Letter Marks hmu te chu an Letter hmuna Subkect ah Rs. 500 zel pek an ni. TIn, HSLC leh HSSLC pass zawng zawngte hi Bialtu MLA hian ENglish Mizo Dictionary Pu Remkunga siam a pe vek bawk a ni.

ZOKHAWTHAR HSS IN PASS KIM LAWM :
Zokhawthar Higher Secondary School Managing Board chuan an School in HSSLC Examination 2018 a candidate zawng zawng zirlai 19 te an zavaia an passed vek avangin lawmpuina buatsaihin chawhlui an kilpui.
Zokhawthar Higher Secondary School hi 2013 kuma din niin, kumin hi tum 5 Board Exam an hmachhawnna alo ni ta a. Din tan a nih kumah zirlai pass an nei lo tih loh chu kum dang zawng zawngah result tha tak tak nei thin a, kumin hian Mizoram pumpuia Exam zawng zawng passed vekna School 36 zingah an lo tel phak ta hian a. hei hi Managing Board, Teaching Staff, nu leh pate leh zirlaiten thahnemngaihna tangkhawm a niin Board chuan a ngai a. Lawmpuina hi buatsaih a ni ta a ni.

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…