Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…

Champhai - Tualchhung Chanchinthar ni 28.5.2018 (thawhtanni)

LIRTHEI HMANGA TIAU LEI KAN PHAL LO :
India leh Myanmar inkalpawhna kawngpui ber, ZOkhawthar kaltlanga Myanmar luhna kawngpui, Indo-Myanmar luhna kawngpui, Indo-Myanmar Border Trade Centre ni bawk Tiau lei chu Chawlhkar 2 zet lirthei kal phal a ni tawh lo.
Thu dawnna sawi danin, he kawngpui hi a lun thin hle a, India atang leh Burma atangin nitin lirthei bungraw phur chi ten an zawh reng a. Lirthei lian bungraw phur chi pawh phurh kai phal chin neiin kalpui a ni a. (www.champhai.net)Nikum mai khan he tuai lei hi a sawprawp deuh tawh avangin MPWD ten a tharin an thlak vek a. Chumi hnu phei chuan bungraw phur lirthei kal an phal mumal ta lo a ni. Hetih lai hian private lirthei leh motor te dang tan luh harsatna a awm ngai lo.
Tunhnaiah hian helai hmuna Assam Rifles Duty te chuan Two Wheeler tih loh lirthei dang reng reng, he Lei zawha Myanmar luh chu an khap a. Helai bawra khawawm Zokhawthar, Rihkhawdar, Haimual leh Khawmawi te hi Border Trade Centre an nih avang leh a mi chengte pawh Zohnahthlak unau vek an nih bawk si avangte, Hospital pawh CHamphai leh Rihkhawdar HOspital te chu englai pawha pan a, in mamawh tawn reng an nih avangin mipui chetvel a tikhaihlak nasa hle a. A bikin helaia khuate hian nasa taka tuarin harsatna an tawk mek a ni.
He harsatna chinfel tum hian Zokhawthar khawtlang hruaitute chuan nasa takin hma an la ve reng a. He harsatna hi Assam RIfles te chuan March 9, 2018 a Ministry of HOme Affairs (Border Management) Special (www.champhai.net)Secretary hova meeting minute COpy an dawn avanga lirthei kal phal lo an nih thu an sawi thung. Hetih lai hian Zokhawthar Police OC erawh chuan he thu ah hian engmah an hriat ve loh thu leh Assam Rifles ten an tanchhan lehkha chu Mizoram Home Commissioner leh Mizoram DGP te pawhin an dawn ve tho thu leh, Meeting minute mai ala nih thu leh chumi bawhzui tura Instruction engmah an la hmu ve loh thu a sawi thung.
He inkalpawhna hi lirthei hmanga zawh phal a nih loh avangin sumdawng bungrua lakkai lamah harsatna a thleng nasa hle a. Lei zawh lo va lui daikai theihna remchanga Burma leh India motor indinzawma bungraw(www.champhai.net) in transit tura Assam RIfles ten ruahmanna an siam chu Burma Sawrkar hotuten remti loin, inkapawhna tura lei siamah lirthei te chi takngial pawh kal an phal lo leh Myanmar hruaitute hriatuina tel lova Assam Rifles ten an duh duha Ramri enkawlna an kalpui ve ringawt chu in tham lohna ah ngaiin hei hi tihdanglam anih phawt loh chuan lui daikaina atanga bungraw inhlan chhawn chu phal lovin kawng an lai chhe nghal vek bawk a. Tunah hian tawlailir leh mihring chauhin bungrua an thiar kai avangin Mizoram lam leh Burma neitute leh lirthei neitute bakah load leh unload ringa inhlawha eizawngte tan harsatna a thlen nasa tawh hle bawk.
Zokhawthar khawtlang hruaitute chu an hmalaknain awmzia a neih loh avangin an mangang hle a. Sawrkar hotu lian lam pawh an hriattir tawh a. Mipui mangang authawm chhan turin, nunna hial pawh an hlan ngam (www.champhai.net) thu leh silai hmanga mipui te chu kah hial an ngai a nih pawhin Zokhawthar VCP chuan amah chu kaphlum hmasa ber tura an hmaa a din ngam thu Zokhawthar Assam Rifles Post Commander, Major HS Walia chu a Office ah a hrilh bawk.
He ramri lei ah hian India leh Burma lam mipui te hian sumdawnna bungraw phur lirthei lian tlan an ngait lova, private  car te erawh zalen taka Border trade centre a nih ang ngeia inkalpawh an ngiat, tih thudawnna chuan a sawi.

KUMPUAN HAWNNA HUN HMANG :
Inrinni khan Venglai Community Hall ah YMA Kumpuan hawnna hun hman a ni a. he hun hi F. Lalrinmuana, Vice President, YMA Sub-Hqrs. Champhai chuan kaihruaiin Pastor R. Vanlalruata, Vengthlang Bialtu Pastor chuan hunserh a hmang a ni.
YMA General Conference neih zawh takin a lo pawm tawh angin kumin kumpuan thupui atan ‘Ram leh Hnam humhalh’ tih chu hman ani a.(www.champhai.net) VL Chama Hnamte, Presidet SYMA Champhai chuan ram leh hnam humhalh tih hi vawi tam tak hman alo ni tawh thin a, hei hian nasa takin kan ram hi hma a sawn tir a ni,a ti. Kan ram leh hnam humhalh tura ke pen a ngaih ni a, pen chhuah tum lo, mahni awmhmun a thawkchhuak te lo sawisel ching kan tam lutuk hi kan ram thanmawh bawk pakhat a ni a. Kan sim a hun tawh a, ram leh hnam humhalh tura kan intih huaisen a hun tawh a ni, a ti. Lan ram hi hnamdang te rual a kawng hrang hranga hma a sawn theihna tur chuan zirna lamah hian tan kan lak a ngai a ni, a ti a. Certificate ringawt ni lova, chhawr tlak ni tura kan inzir hi a hun takzet tawh a ni a ti a. Lehkha thiam hna nei lo tam tak an awm te leh mi awmpui ni tura lehkha thiam tak tak te ram changkang zawkah an kal thin chu thanat thlak a tih thu sawiin heng zirna kawngah hian zir satliah ve mai ni lova hlawhtlin gtlak khawpa tan kan lak a tul a ni, a ti.
Kan thalai tam tak, naupang zawk te ruihhlo in a la tihcuai ve lohte he ruihhlo laka chhanhim an nih theihna tura tan lak hi kan ram leh hnam humhalhna pawimawh tak a ni a ti a. Ruihhlo tih chin pawizia leh a ti tawhte inchhiar lo an awm ngai loh thu hi an rilru ah kan tuh ngheh a ngai, a ti. Nu leh pa te (www.champhai.net)chu fate zirnaah theihtawp chhuahpui turin a sawm a. Kan ram leh hnam humhalh tur hian huaisenna tak leh a taka chetchhuah ngem a ngai a. Kan tawngte kan ngaihsan thar a tul, tiin ramngaw leh nungcha humhalh kawngah tanlak leh hmasawn a ngaih thu a sawi a. Kum 2018 kumpuan ‘Ram leh Hnam humhalh’ tih chu a hawng a ni.
PC  Lalrawnliana, Secretary, SYMA Champhai chuan inhmelhriattirna neiin report a pe a, kum 2018 a HSLC leh HSSLC a Top 10 a inhlang kai thei YMA Sub-Hqrs. Champhai huamchhung a mite chawimawina hun hman a ni a. JK Malsawmzeli d/o JK Lalrotluanga, Khawzawl, HSLC  8-na; Lalthangliani d/o VR Muanpuia, Hnahlan, HSSLC Commerce a 6-na; Lalramsanga s/o Lalchamliana, Zawlsei,(www.champhai.net) HSSLC a Commerce a 8-na leh TBC Vanlalpeka s/o C. Lalbiakzauva, Hnahlan HSSLC Commerce a 9-na te hnenah Chawimawina hlan a nih bakah Meghalaya Board of School Education  atanga HSSLC a 8-na Lalduhthlana s/o C. Lalchhuanawma, Zotlang hnenah he chawimawina hi hlan a nia, chawimawina hian Rs. 1000 leh Memento a keng tel a ni.

KHAWBUNG MUBU RAMAH HMALAKNA LIAN ZAWK :
Archaeological Survey of India Excavation Team ten Khawbung Mubu rama hmun hlui an lai hchu sulhnu hlui hmuh chhuah belh zel theih tura a lan avangin hmalakna lian zawk siam turin an thil laih chhuah leh meter 800 vel bial an laih hmabak chhunga lung inrem awm fante an chhinchhiah fel.
Khawbung Mubu rama hmun hlui laih hna hi Assistant Archaeologist M. Jackson Singh chuan a ho a, lung inrem chi hrang hrang inhmun lui ni ngeia lang te, hmanlai inphumna hmun ni a hriat te, hlum bel keh them tam tak leh lungsum laih chhuah tawh a ni a. Hetih lai hian Khawbung Dinthar venga lung ker khuar dangdai tak leh Vangchhe khaw bula lun gker khuar ang chi ASI Axcavation Team ten an (www.champhai.net) hmuhchhuah chu Zirtawpni khan Khawbung HSS ‘Heritage Club’ ten ASI mithiamte kaihhruaina hnuaiah an hai chhuak bawk.

YMA CHHANG FAINA HNATLANG :
Venglai Branch YMA Chhangte chuan an lo tih thin angin Inrinni khan Veng chhung tifaiin hnatlang an nei leh.
Kumin January atang khan hnatlang hi kalpui tan a ni a, Inrinni thleng khan kalpui thin ala ni. Hnatlan apiang hian mi 110 vel hnatlang (www.champhai.net)ziah thin ang an ni a, hnatlangah hian hming lam thin a ni bawk. Veng chhung tifaia hnatlan bakah hian kumin Janaury atang vek khan Mizo hnam lam, Zirtawpni tlai apianga zirpui thin an ni bawk.

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…