Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 3.5.2018 (ningani)

CHAK LOH HUAM A KUM DIK TAK AN TIRH THIN AVANGIN CDFA FAK :
Nimin chawhma dar 11 khan Champhai District Football Association rorelna sang ber CDFA General Boady Meeting 2018 chu I&PR Auditorium CHANEM Building ah neih a ni a, he hun hi IC Hranglura, CDFA Hony. Vice President chuan kaihruaiin Er. Lalrammawia, SE PHED chuan khuallian niin a hmanpui.
Khuallian chuan thusawiin Football in hma a sawn dawn chuan Player te tlukzetin hruaitute hian mawhphurhna sang tak kan nei a, hmathlir nei lova, lalna leh thuneihna duh ringawt hruaitu kan nih chuan kan pawl hian buaina a tawk ang a, football hian hma a sawn dawn lo tih kan hriat reng a ngai a ni a ti a. hun vawn dik loh chuan kan nun nasa takin a ei chhia a. Hlawhtlinna tak tak nei tur chuan engkima hun leh a hmunah tak tih a ngai a. Mizo ten hun kan vawn dik tawk loh thinna hi infiamna hmangin siam that kan tum tur a ni a ti bawk.
Khuallian chuan CDFA te chu dikna tan ngam tura fuihin Age Level Football Tournament ah Champhai District in chak loh huam a, kum dik tak an tir thin chu hmasawnna ropui tak a nih thu leh hlawhtlinna rahbi pawimawh tak a nih thu a sawi bawk.
He hunah hian C. Hualrikhuma, President CDFA pawhin thusawiin Champhai District in infiamna hmanrua tur tha tak a neih theihna tura Mizoram sawrkarin hmalakna leh duhsakna an dawng chu lawmawm a tih thusawiin Champhai District chu Aizawl District tih loh Phullem phahna khelmual pahnih nei awm chhun an ni thei chu inchhuanna tham a nih thu leh infiamna hmunhma tha tak Champhaiin a neih te a nih tur ang taka hmang tangkai chu District mipuite mawhphurhna anih thu a sawi bawk. Hualrikhuma chuan Football inelna sang ber World Cup chu The Greatest Show On Earth an tih hial thin a nih avangin Football hi infiamna zinga ropui ber a ni a, Mizote zingah phei chuan inkhel ang aw kan tih chuan kan rilruin Football a tinzawn ber thin a ti a. Mizote zingah Football leh zirna kal kawp tir thiam lo kan tam em em hi kan ramin nasa taka a tuar thin avangin Football hruaitute chuan Zirna leh Football hi thil kal kawp thei a ni tih kan lan tir a, naupangte chu Lehkhathiam leh football khel thiam nih kawp tir kan tum a ngai a ni a ti bawk.
Champhai District Football Association hi nung taka  kal theihna chhan chu Football Club hrang hrangte leh Zone Football Association te vang a nih thu sawiin Champhai Football in hma sawn zel theihna turin theihtawp chhuah leh zual turin a chah bawk.
He hunah hian Champhai District chhung atanga AIFF D License Coaching  Course pass mi 7 : Christopher Lalthlamuana, Bethel; PC Lalmuanpuia, Bethel; Tochhawng Lalremruata, Khawzawl; Isaac Lalrinngheta, Vengthlang; Lalfakzuala, Vengthlang North; Malsawmdawngliana, Vengsang leh Rochamliana, Kawlkulh te hnenah Certificate hlan an ni bawk.
He hunah hian Lalbulliana, Hony Secy leh Vanlalpeka, Fin. Secy te hnen atangin report ngaihthlak a ni a. Chawhnu lamah rorel inkhawm neiin kum 2018-2020 chhung CDFA hruaitu tur thlanna neih nghal a ni. CDFA General Body Meeting 2018 hi MFA Hony Vice Presidetn Lalsawma leh Francis Paul, MFA Executive Member ten an rawn telpui bawk a ni.
President : C. Hualrikhuma
Sr. Vice President : IC Hranglura
Vice President : B. Lalramngheta
Hony. Secretary : Lalbulliana
Jt. Secretary : K. Lalremsiama
Treasurer : Zonunthara
Fin. Secretary : H. Vanlalpeka

KUDAM LA THIAT LO :
April thla chhunga Champhai leilet zawla dan phal loha leivung paih leh Kudam satute thiat tura thupek Champhai District Task Force ten a lo chhuah tawh chu zawm a hlawh lo hle a. Nimin thleng khan Kudam thiah hmuh tur a la awm lo. Champhai District Magistrate chuan February ni 19, 2018 khan Champhai zawl leilet kama Kudam sa leh lei vun chhek te tawpsan vek tur leh thiat vek turin hriattirna alo chhuah tawh a, hmalak engmah hmuh tur a awm loh avangin Champhai District Task Force te chuan Champhai District Magistrate thupek bawhzui hian March ni 29 khan a hmunah kalin In leh Kudam sa tute hi tawpsan vek tura hriattirna hnuhnung ber ni turin lehkha pek nawn leh vek an ni a. April thla chhunga hmalakna awm lo a nih chuan dan angin Action lak ani tawh dawn thu pawh hriattir nghal an ni.
Hriattirna hnuhnung ber pek an nih atanga hun tiam chhung April thla a ral hnu nimin thlengin Champhai leilet zawla dan phal loha In leh Kudam thiah a la awm lo a ni.

PRISM HMA THLIR :
Vawiin chawhma dar 11 hian PRISM Champhai Dist. Hqrs. chuan Kahrawt YMA Hall ah kum 2018 General Election lo awm tur thlir lawkna leh Champhai District Potential te sawina hun a buatsaih dawn a. hemi hunah hian President Gen. Hqrs. PRISM in thusawina hun a neih zawkah ‘Interaction’ neih zui tur a ni a. Zawhnate hi Distr. Hqrs. leh Gen. Hqrs. hruaitute hian chhanna hun an hmang nghal dawn a ni.

CHAMPHAIAH KISAN KALYAN KARYASHALA/DIWAS HMAN A NI :
Nimin khan Agriculture leh a kaihhnawih Department dangte tangkawp buatsaihin Kisan Kalyan Karyashala/Diwas  (Farmers Welfare Campaign) chu Kahrawt  Community Hall, Champhaiah hman a ni a. He hun hi Pu TT Zothansanga, Champhai North bialtu MLA chuan khuallian niin a hmanpui a. Kisan Kalyan Karyashala hi Gram Swaraj Abhiyan-Special Interventions (Village Self-Governance Campaign) kalzelin a kentel programme pakhat Loneitu leh Kuthnathawktute puala buatsaih a ni.
Khuallian Pu TT Zothansanga chuan mihlim thei ber berte chu mi taima leh kuthnathawktu, mahni kutkawih hmanga intodelh thin mite hi an ni, a ti. Kisan Kalyan Karyashala chu Sawrkar laipui hmathlir kum 2020 a kuthnathawktute sum deh chhuah a leta tihpun  tumna programme kentel anih thu a sawi a. Sawrkarin kuthnathawktute chawikanna turin  theihtawp a chhuah thu sawiin, sawrkar kuta engkim dah mai lova sawrkar hmalaknate umpha ve tura tan lak  a ngaih thu a sawi a. Loneitute kutah thui  takin  sawrkar a ingnhata, an tana tha tur hmanruate pawh sawrkarin a pek thin thu leh  Agriculture link Road kilometer 2000 chuang pawh siam anih tawh thu a sawi a.  Pu TT Zothansanga chuan leilung mila hmasawnna kalpui a tul thu leh  tuihna tha nei tur chuan ramngaw humhalh angaih thu a sawi a. Champhai leileta tui tlem chhan leh Tuipui tui tlem tak chhan chu tuihna siamtu ber ram ngaw tih chereu vang a ni, a ti a. Sawrkar lama thawktuten loneitute hmunhma kal chilha hna an thawh hian rah duhawm a chhuah thin thu a sawi a. Khuallian chuan ram buai avanga tawrhna leh hliamte a dam fel tawh a, zalenna hnuaia leng mek Mizote hian  midangte elpha ve turin finna, thiamna leh theihna kan neihte kan chhawr tangkai thiam theih phawt chuan hma kan sawnin hnam dang kan khum thei dawn a ni, a ti a. Champhai phaizawl zau tha tak chu a neituten mahni rohlu anih tih hriaa, neitu thinlungpua an enkawl a tul thu sawiin, a neitu tak tak ten a hlutna pawchhuak thei tur khawpa an chhawr tangkai a tul tawh tak zet thu a sawi a. Leilet zawl tui mamawhte pawh pek  anih theih nan Irrigation and Water Resources Department hmalaknain hna thawh mek zel anih thu a sawi a.  Loneitu kalkhawmte chu Kisan Kalyan Diwas chu tangkai taka hmanga, mithiam zawkte atanga thiamna zira,  a taka chhawr tangkai turin duhsakna a hlan nghal a ni.
He hun hi Pu Vanlalngaihsaka, Champhai DC chuan kaihruaiin kalkhawmte lawmna thu a sawi a. Kisan Kalyan Karyashala chu India ram pumah Gram Swaraj Abhiyan hun chhnga hman anih thu a sawi a. Gram Swaraj Abhiyan April Ni 14 atanga May Ni 5 thleng awh hun chhunga programme neih tawh dan leh hmabakte tarlanna a nei bawk a ni.
Kisan Kalyan Karyashala theme song awmzia Pu Dajied Lalthlamuana, Block Technology Manager (BTM) in hrilhfiahna a neih hnuah ngaihthlak a ni a. Hemi hnu hian Champhai Block huamchhunga Agriculture leh a kaihhnawih Department dangte atangin Loneitu  chawimawi tlak thlanchhuah  2 theuhte (avaiin mi 10) chanchin chhiarchhuah  niin khuallianin Progressive Farmers Award  pawisa fai cheng 2000 leh certificate kengtel a sem a. Pu James Vanlalluaia, District Agriculture Officer (DAO) & PD ATMA in lawmthu sawina neiin hun hmasa hi a khar a ni.
Chawhnu lamah Dr M.Zohmingthangi, District AH&Vety Officer (DVO) kaihhruaina hnuaiah technical session neih a ni a. Dr M. Zohmingthangi chuan Loneitute chu kuthnathawh chawikanna kawnga theihtawp chhuaha, sawrkar laipui thil tum kum 2020 a sum lakluh a leta tihpun tum theuh turin a chah a. Kuthnathawh chu eizawnna tlak anih zia lantirtu nih tum theuh turin a chah bawk a ni.  Pu James Vanlalluaia, DAO Champhai  pawhin  thu sawina  tawi neiin technical session neih dan tur kalhmang tlangpui a sawi a. Pu Dajied Lalthlamuana, Block Technology Manager (BTM) in Kisan Kalyan Karyashala chungchang leh awmzia tlangpui a sawifiah a. He hunah hian Scheme Song awmzia lehlin anih hnuah nghaihthlak ho leh a ni a. Hemi hnu hian Agriculture leh a kawppui Department hrang hrang hnuaia Central Scheme awmte zirhona presentation hmanga neih a ni a. Presentation  benglut tak tak Agriculture, Sericulture, Horticulture, Fisheries leh Animal Husbandry  atangte a ngaihthlak a ni a. A duh apiangte tan zawhna hun hawn niin Loneituten an harsatna leh hriat duhte mithiamte an zawt a ni.
Technical session neih anih chhung hian AH&Vety Department-ten Animal Health Camp an buatsaih a. Mipuiten an hlut hle a ni. Nimin Programme hi Pu Lalvansanga  SDHO, Horticulture Champhai Sub-Division-in lawmthu sawina neiin a khar a ni.
        Kisan Kalyan Karyashala/Diwas tum ber chu Loneitute kum 2020 a an sum lakluh a leta tipung thei tura zirtirna leh hmalakna neihpui a ni a. Loneitute leh mithiamte inkawmhona hun Farmers Scientist Interaction siam niin hemi hmang hian Loneitute harsatna hrang hrangte sut kian tum a ni a. Ran a thlawna entirna neih  niin, kuthnathawktu chawimawi phute pawh chawimawi an ni bawk a. Sawrkar laipui scheme-te chipchiar taka inzirtirnna neih a ni bawk a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…