Skip to main content

CHAMPHAI ṬHALAI PAWL THUCHHUAH

CHAMPHAI ṬHALAI PAWL THUCHHUAH :
Champhai Ṭhalai Pawl ten Champhai Damdawiin Solar Plant chhia siam tha tura Mizoram Sawrkar vawi li lai a ngen hnuah an lehkha No. B. 11013/99/2012/SOLAR/DHME (PP) 252 a chhanna kan hmu hi kan lawm hle a.

Champhai Damdawiin Solar Plant siam that nan hian Zoram Energy Development Agency (ZEDA) hnenah a sum mamawh zat tur ruahmanna siam tirin Champhai Damdawiin Solar Plant siam that nan sum tam tak sen ngai lova Rs. 3,30,792 chauh sen a ngai lehzel tih ZEDA lehkha No.T.11082/01/2018-ZEDA in Mizoram Sawrkar an hriattir leh hi lawmawm kan ti takzet a.

Champhai Ṭhalai Pawl chuan August thla chhunga siamtha ngei turin Mizoram Sawrkar hnuaia Hospital & Medical Education, Aizawl chu a phutin a ngen tak meuh meuh a. Champhai Ṭhalai Pawl    huntiam August thla chhunga hmalakna a hmulo a nih chuan Champhai Ṭhalai Pawl chuan a remhriat angin hma ala dawn a. Engpawh lo thlengse Champhai Ṭhalai Pawl in mawh a phur lo ang.

Tin, Trauma sak mek Sawrkarin nikum 2018…

Champhai - Tualchhung Chanchinthar ni 30.5.2018 (nilaini)

CHAMPHAIAH DISTRICT LEVEL REVIEW COMMITTEE THUKHAWM :
Nimin khan DC Conference Hall Keifangtlangah Champhai District Consultative Committee/District Level review Committee chu Zosangzuali Pachuau DC charge la mektu kaihhruaina hnuaiah neih a ni.
He meeting-ah hian Champhai District chhunga a bank-te annual credit plan target atan 70.89 Crore ruahmman a ni a. Bank in hmalakna hrang hrang a neihte sawihona hun neih niin tun aia Champhai District mipuite tana hlawk zawk leh tangkai zawka hman theih tura hmalakna turte sawi ho a ni bawk.
He huna hian March quarter 2018 a bank hrang hrang hnathawhte thlir let niin Champhai District Bank zawng zawng CD Ratio march quarter 60% ah 58.04%  tihhlawhtlin a ni tih tarlan a ni a. Bank ho zawng zawng in 40% Priority (www.champhai.net) sector advance a an target hi 58.44% in an khum a ni. Agriculture loan hi march quarter chhungin 20% pek chhuah a ni a, Kum 2018 a PMEGP target 65 an neih atangin 63 pekchhuak a ni bawk. Tunah hian Champhai District huamchhungah hian bank hrang hrang 22 awmin ATM khawl 9 a awm bawk a ni.
He hun hi Ankit Agrawal Manager RBI Aizawlin a rawn hmanpui thei a, Convenor Pu SP Sharmah Lead Bank Manager chuan lawmthu sawiin he hun hi a khar a ni.

TIAU LEI DAN AVANGIN HARSATNA THLENG MEK :
India leh Myanmar inkalpawhna kawngpui ber, Zokhawthar kaltlanga Myanmar luhna kawngpui, Indo -Myanmar Border Trade Centre ni bawk Tiau lei chu Assam  Rifles ten India atang leh Burma tanga nitin lirthei bungraw phur (www.champhai.net) chi te zawh an phal loh avangin mipui ten harsatna an tawk mek.
Nimin thleng khan Tiau lei ah hian Assam Rifles te duty in Two Wheeler tih loh lirthei dang reng reng he lei zawha Myanmar luh an la khap avangin helai bawr a khua awm Zokhawthar, Rihkhawdar, Haimual leh Khawmawi khaw mipuiten harsatna an tawk mek a ni. 

ZIRLAI TITHA CHAWIMAWI :
Champhai Town Multipurpose Cooperative Society (CTM-PACS) chuan an school Champhai Higher Secondary School a zirlai ti thate chawimawina hun Society Office ah an hmang a, he hunah hian School Board (www.champhai.net) Chairman R. Lalchhuanawma chuan a kaihruai a , zirlai ti tha an chawimawi te hi an vaiin mi 10 Distinction 1 leh First 9 te an ni a, lawmpuina sum fai hlan an ni. Chawhnu lamah School Board Member te leh Staff ten kum in Session a an kal zel dan tur te sawi ho in meeting pawimawh tak an nei nghal bawk a ni.

Comments