Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Champhai - Tualchhung Chanchinthar ni 31.5.2018 (ningani)

DISTRICT THUNEITUTEN TIAU LEI CHUNGCHANG NGAIHTUAH :
Nimin khan Indo Myanmar inkalpawhna Zokhawthara Tiau Lei dan anih avanga harsatna leh buaina awmte Champhai DC Vanlalngaihsaka hova ngaihtuah a ni a. He hunah hian Champhai SP Lalthiamsanga Sailo, Assam Rifles lam houte leh mi pawimawh dangte an tel a ni.
Champhai District thuneitute chuan thil thalo leh buaina a punlun loh nan theihtawp chhuahin hma an la zela. Vawiin meeting-ah pawh (www.champhai.net) hian boruak awm dante thlirho niin hmalak zel dan turte ngaihtuahho a ni. District administration lam chuan vawiin vek khan Home Department, GAD leh Chief Secretary hnenah lehkha an thehlut a. Sawrkar hotulu lam atangin hmalak zel dan tur ngaihchan mek a ni.
District thuneitu leh dan kengkawhtu chuan Mipuite (www.champhai.net) tawiawmna a ngena. Thubelhchian dawllo leh dan pawisaklohna ang chi reng reng tilui lo hram tur leh thuneitute zai ngai hram hram turin a ngen a ni.
Indo Myanmar border area a state hrang hrangte chu kumin March ni 9 a Special Secretary, Ministry of Home Affairs (Border Management) hova meeting neih chuan Lirthei kal phal loh a ni a ti a. Hemi thu zawm hian hmalak niin, Tiau Leia Lirthei kal tlang hi khap a ni.

MLA IN NATUM OFFICE HAWNG :
Nimin khan National Trade Union of Mizoram Sub-Hqrs. Champhai Office thar, CHANEM 2nd Floor C 56-58 chu khuallian TT Zothansanga, MLA Champhai North Bialtu chuan a hawng.
Thusawiin khuallian chuan Dept. thenkhatah chuan kum 7 an thawhin an ngheh thin laiin thenkhatah chuan an pension thak thleng a nghet lo an awm thu a sawi a. Champhaiah pawh sawrkar hnathawk nghet lo tam tak an awm chu pawi a tih thu sawiin kan sawrkar pawh hian hetianga inrual lo lutuk hi a hrut rual a ngai a ni, a ti. MR ni mek te, la thalai zawkte chu hnual lo tur leh mahni inzir peih a, taimak chhuah turin a (www.champhai.net) chah a, MTUM member nih reng tum lova, NTUM chhuahsan thei khawp a mi inzir mi ni tura bei turin a chah a. Eng hunah pawh ban theih nih hi thil nuam a ni lova, thlamuang takin a awm theih loh avangin rilru nei a, theihtawp chhuah turin a sawm a ni.
TT Zothansanga chuan hruaitu te an pawimawh thu sawiin hruaitute kan kaihhruaia te awm dan leh an hmalam hun hi eng emaw chen chu an kutah a awm a ni,a ti. Mipui engmah hrethiam lo ten kan Dept. hrang hrang Office an dawr a, Office thenkhat chuan thingtlang mi, Office dawr ngai reng reng lo te lo vin a, lo ngaihsak lova sawisel kai tam tak an awm tawh a, hei hi thil pawi tak niin, Dept hmingchhiatna a ni, a ti a. Kalkhawm te chu tupawhin an Office an dawr a nih chuan tha tak leh hawihhawm taka lo dawngsang thin turin a chah a, an dept hming thatna mai bakah anmahni an intihhmingtha a ni,a ti bawk. NTUM Sub-Hqrs. Champhai chuan harsatna engpawh an tawk anih chuan hreh hauh lova sawi thin turin a chah a, a theihna apiangah puih zel a inhuam thu sawiin NTUM Sub-Hqrs. Champhai Office thar hi a hawng a ni.
He hun hi C. Zoremsiama, Working President, NTUM Sub-Hqrs. chuan kaihruaiin TBC Lalthangzawna, President, NTUM PHE Unit chuan (www.champhai.net) hunserh hmangin C. Vanlalpeka, Gen. Secy NTUM Sub-Hqrs. hnen atangin report ngaithlak a ni bawk. Laihnuna, President NTUM Sub-Hqrs. leh C. Remtluanga, President NTUM Gen. Hqrs. te hnen atangin thusawi ngaihthlak a ni bawk.

NAUPANG TANPUINA AN SEM CHHUAK :
Nimin khan District Child Protection Unit Champhai te chuan Sponsorship and Foster Care Fund semchhuahna hun an hmang.
Sponsorship and Foster Care Fund hi naupang 41 te hnena pek a ni a. He fund hi naupang dinhmun khirhkhan, chhungkua harsa te hnena pek an ni a. Naupang zirna tih hmasawnna tur te, dammawh hritlana an senso phuhrukna turte, ei tur tha an dawn theihna tur leh hmasawnna dang mamawha an hmanna tura ruahman a ni. He hun hi R. Lalrinchhani, DCPO in kaihruaiin, Lalnunmawia JJB member leh VL Chama Hnamte, (www.champhai.net) Chairman CWC ten an tel pui bawk. Anni hnen atangin nu leh pate hnena fuihna thuchah ngaihthlak a ni bawk a. Thu leh fate laka an mawhphurhna hre chiang tur leh sawrkar atanga tanpuina dawn hian nu leh pa pangchang hring chhuak loin, tanpuina dawn ngai loa  tanlak a tul zia hriat a pawimawh thu te an hnen atang hian ngaihthlak a ni.

KHAWL CHHIA :
Mizofed Champhai Oil Depot a petrol pek chhuahna khawl chu a chhiat avangin pek chhuah theih a ni rih lo a. IOC lam atangin khawl(www.champhai.net)  siam thiam hi an rawn tirh lo nghah a ngaih avangin mipui hriatthiamna an ngen.

NUAR :
Postal Dept hnuaia Gram Dak Sevak te chuan India ram pumah tun thla ni 22 atang khan an thil phut tihhlawhtlin anih (www.champhai.net) theihnan nawrh an huaihawt chu kalpui chhunzawm zel a la ni.Mizoram GDS Staff te chuan nawrh hi an thlawp ve a ni.
Hetihlai hian nimin atang khan ram chhung hmung dante rualin SBI hnathawkte chuan sawrkar laipui kar nan nawrh an huaihawt a ve bawk a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…