Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 5.5.2018 (inrinni)

CHAMPHAI MZP IN PASS LAWMPUI :
MZP Hqrs. Champhai chuan HSLC Examination 2017-2018 result chhuaka Zirlai pass te an lawmpui thu an sawi.
MZP Hqrs. Champhai chuan High School Leaving Certificate Examination 2017-2018 result MBSE in niminpiaha a tihchhuah taka Champhai District huam chhung atanga zirlai pass(www.champhai.net) zawng zawngte lawmpui thu thuchhuah siamin an tarlang a, MZP Hqrs. Champhai chuan  thinlung takin kan lawmpuia, Ram leh Mizo Hnam tana thahnem ngai taka zir zel tur leh theih tawp chhuah zel turin kan ngen a ni an ti a. Zirlai ten result tha an neih theihna tura Zirtirtute inpekna leh thawhrimna chu lawmawm an tih thu leh hlawhtling zotalo te pawh theihtawp chhuah chhunzawm zel turin MZP chuan a ngen tih tarlangin zirlaipui ti tha te chawimawina hun ropui taka neih an tum thu an sawi bawk.

UNDER 16 TOURNAMENT ATAN MANAGER MEETING :
Champhai District Football Association buatsaih T. Khupzachina Memorial Football TOurnament for Under 16 neih tura Manager Meeting chu nimin khan CDFA Office Chhangphut Field ah neih a ni.
Karleh Thawhtanni atanga khelh tan tur, T. Khupzachina Memorial Football Tournament for Under 16 Manager Meeting chu nimin a neih a Lalbulliana, Technical Board Chairman (www.champhai.net)hnen atangin manager te hriattur pawimawh hrang hrang ngaihthlak a ni. He Tournament ah hian Team 21 an in lan thei dawn a, Team te hi Pool 8 ah then niin Point hmusang pahnih ten Quarterfinal an lut dawn a ni. Thawhtanni hian Match 4 khelh a ni ang a, Zotlang FC leh Aizawl FC Academy, Khawzawl an i nkhel ang a, Zokhawthar leh Vengthlang II, Kahrawt FC leh Vengsang FC, Venglai FC leh Zote FC an inkhel bawk ang.

VENGLAI MS ECO CLUB IN KHAWLAI THIANFAI :
Nimin khan Govt. Venglai Comprehensive Middle School Eco Club te chuan hnatlangin khawlai an thianfai. 
Swatch Bharat Mission hmalakna kal zel bawhzuina atan nimin khan Govt. Venglai COmprehensive Missle School a Eco Club te chuan an School leh a chhehvel mai bakah venglai (www.champhai.net)huamchhunga bawlhhlawh awmte thianfaiin hnatlang an nei a, Nursery leh KG naupang te tel lovin School naupang 200 chuang te leh zirtirtute chu Group 4 ah inthen darhin Vengchhung thenfai hna hian thawk a ni.
Govt. Venglai COmprehensive Middle School te hian School chhehvel leh Vengchhung thenfai hnatlang hi kumtin an lo nei tawh thin bakah Eco Club te chuan kumin chhung hian Thing Tiak a tam thei ang ber phun tum in ruahmanna an siam mek bawk a ni.

LA INREM LO :
Champhai to Zokhawthar Maxi Cab Service leh Zokhawthar VC leh NGO pawl hrang hrangte Sumo rate a an inrem anga tarlan chu Maxi Cab Welfare Association lam chuan thudik (www.champhai.net)lo a nih thu an sawi. Ni 2.5.2018 a DTO Office a inbiakna chuan rah tha a la chhuah thei lo a, Maxi Cab Service ho chu nimin khan Zonunsanga huan bul, Ruantlang pengah an Duty a, inbiakremna neih hma chu Duty chhunzawm zel an tum tih thu dawn a ni.

VANGTLANG HIGH SCHOOL :
Niminpiaha MBSE in HSLC Examination 2018 Result a tih chhuaha Vangtlang High School atanga Zirlai pass an awm lo ti a tarlan chu DEO Office, Champhaiah zirlai exam(www.champhai.net) awm lo nia Record a alan vang leh Result bua Vangtlang High School a lan loh vang ani a. Vangtlang High School te hian Permission an la neih loh avangin Govt. Mizo High School, Khawhai hmingin an exam a, zirlai exam 10 awmin an pass vek a, 1st Division ah 3, 2nd Div. ah 6 leh 3rd Div ah mi 1 an pass bawk a ni.

BIAL KTP TE MIDANGTE TAN :
Nimin chawhma dar 10 khan Champhai Vengthlang Pastor Bial KTP Conference in "Bial KTP hmingin District Hospital Champhai ah tanpuina pek ni rawh se" tih an lo pass chu(www.champhai.net) bawhzuiin Pulse Oximeter pahnih hlanna hun an hmang.
He hlanna inkhawm tawi hi F. Lalrinawma, Secretary Bial KTP chuan kaihruaiin R. Laltanpuia, Asst Secretary, Bial KTP in Rodingpuii, Nursing Superintendent hnenah Damdawi In in tangkai taka an hman atan Pulse Oximeter pahnih hi a hlan a ni. He hun hi Dr. Zatluanga, Med. Supt. a hmanpuiin lawmthu sawina hun a hmang bawk.
Nimin khan Kahrawt Pastor Bial KTP te chuan a mamawh te hman turin a thlawnin thisen an pe.
January thlaa Kahrawt Bial KTP Conference(www.champhai.net) in Bial huapa thisen pek nise ti a alo rel tawh bawhzuiin nimin khan Kahrawt Bial KTP te chuan a mamawh apiang te hman theih turin Kahrawt Presbyterian Kohhran Hall ah an thlawnin thisen an pe a, District Hospital a thawktute chuan a hmunah kalchilhin thisen hi an laksak a, mipa 26 leh Hmeichhia 15 an vaiin mi 41 te chuan thisen hi  an pe a ni. District Hospital a thawktute chuan phal taka midang tana thisen pe tute chungah lawmthu an sawi a ni.

DOCTORATE DEGREE :
Ellie Lallianpuii w/o Joseph Vanlalpeka, Champhai Vengthlang tuna Govt. Champhai College a Asst Prof. hna thawk mek chuan MZU atangin PhD degree a hmu. Doctorate Degree hi(www.champhai.net) Education Dept atanga hmuin a thesis chu " Medium of Instruction at School Level in Mizoram: Policy Review, Impact on Academic Achievement and Perception of Stakeholders" tih a ni.

CHAMPHAIAH YOUTH SUMMIT LEH ROAD SHOW BUATSAIH A NI :
Nimin khan Kahrawt Community Hall, Champhaiah Mizoram Youth Commission huaihawtin MYC Youth Summit leh Road Show, 2018 neih a ni a. He hunah hian Pu TT Zothansanga, Champhai North bialtu MLA chu khuallian niin MYC Youth Summit & Road Show, 2018 hawnna a nei a. Pu Joseph Lalhimpuia  MLA, MYC Chairman  chuan he hun hi a telpui a ni.
Khuallian Pu TT Zothansanga chuan Champhai hmun ngeia MYC hmalakna a Youth Summit leh Road Show buatsaih a ni chu lawmawm a tih thu a sawi a. Zirna leh thiamna zir kawngah a(www.champhai.net) bulthum atanga thar thawh angaih thu leh mi hausa leh thiltithei deuhte chu zirna leh khawtlang tihhmasawn kawngah luangchhuak ve se a duh thu a sawi a. A mawmawh leh neilote hmakhua ngai chung zela hmathar zaua,   khawtlang leh hnam tana ngaihtuahna sen huama penchhuah chu a tul tawh a ni, a ti a.  Khawvel mila inherdanglam a ngaih tluk zetin tunlai thiamna social media hman kawngah chin tawk neih angaih thu a sawi a. Tunlai chhanah  zirna chu indona a ni a, chu indonaah chuan dawngdah leh zawmthawt a thianglo a, thil thiam dem dum aiin kalna lamah a tha ber leh thiam ber nih a pawimawh tawh zawk a ni, a ti a. Nu leh pate pawh fate lehkhabu chhiar tam tur leh  zirna lama tlan tura fuih turin a chah a. Zirna lamah Champhai chu a than harh a hun thu sawiin zirlaite chu zirlai an  nih lai atanga tum mumal tak nei tur leh chumi thleng thei ngei tura theihtawp chhuah turin a chah a. Khuallian chuan MYC   ruahmanna leh  remhriatna zara Youth Summit and Road Show buatsaih chu a remchanna lei a, tangkai thei ang bera chhawr  turin a chah nghal bawk a ni.
He hunah hian Pu Joseph Lalhimpuia, MYC Chairman pawhin thu sawiin MYC Chairman anih angin thalaite khawvel thar siam tura hmachhawp tam tak a neih  thu a sawi a. Nimin lama MBSE buatsaih HSLC result tihchhuah taka pass thar zawng zawngte a lawmpui rualin  pass zo ve lo vanduaina tawkte  thinlung taka a tuarpui  thu a sawi a. Zirlai vanduaite chu hnual mai lova, vanduaina chu hlawhtlinna hmahruaitu a ni tih hre thar leh turin a chah a. Champhai hmuna MYC Youth Summit leh Road Show buatsaih anih theihna tura tha thawhtute chungah lawmthu a sawi a.(www.champhai.net) Mizote chu thiamna zir kawngah tuna aia kan tan zual angaih thu leh abik takin All India Level Exam-ah  kan elpuite hmakhalh ngei thei tura tan lak angaih thu a sawi a. Tunlai khawvel inelna sang takah sumdawnna, zirna leh thiamna hmanga ram chhan a ngaih tawh thu sawiin, tunlai mil tur hnam Pasaltha chherchhuah kawngah MYC chuan tan a lak zel dawn thu a sawi a.  MYC chuan thalai lehkhathiam, tanpuina mamawh leh beiseiawmte a theih ang tawkin sum leh pai, coaching, training leh thil dangtein a tanpui thin thu a sawi a. Thangthar leh naupang zawkte entawn  turin district tin atangin mi entawntlak Thalaite Idol nih tlin ngei tur mite thlan anih tur thu a sawi lang bawk a ni. MYC Chairman chuan Jet Airways nen thawk dunin tunhnaiah Cabin Crew 5 lak anih thu a sawi a, Zirlai titha hlawhtlinnna chang leh beiseiawm tak takte kalzelna puihna turin Cash incentives pawh semchhuah anih thu sawiin, tunhnaiah   cheng nuai 30 chuang sem a ni tawh bawk a ni, a ti a. Youth Summit & Road Show chu zirlai leh thalaiten an hlawkpui ngei theihna turin duhsakna a hlan a ni.   
He summit leh Road show hawnna hun hi (www.champhai.net)Pu Vanlalngaihsaka, Champhai DC   chuan a kaihruai a. Pu C.Lalbiakzauva, DEO&DPC (RMSA) Champhaiin lawmthu sawina neiin hun a khar a ni. He hunah hian Aizawl lam atangin LE&IT leh ITI hotute, Champhaia sawrkar Department hotute, Sikul naupang, khawtlang leh NGO lam hotute an tel a ni. MYC Summit leh Road Show 2018-ah hian Stall hrang hrang 17 hawn niin, hengah te hian a duh leh mamawhtute tan hriat duh zawng leh mamawhte thlen theih a ni a, Stall hawngtuten lo dawngsawngin an lo buaipui dawn a ni.
Mizoram Youth Commission (MYC) chuan, Mizo ṭhalaite'n kawng hrang hranga hma an sawn theih dan tur ngaihtuahin, ‘Thalaite Khawvel zauh ang aw’ tih thupui hmangin  April 17, Thawhlehni aṭang khan Youth Summit & Road Show hi a lo buatsaih tan tawh a. May thla tawpa district khawpui tin tuam chhuak vek hman turin Youth Summit and Road Show, 2018 hi an kalpui mup mup a ni.
Nimin MYC Youth Summit &  Road Show hi mi 1500(www.champhai.net) chuangin an chhim a. Commerce & Industries hnuaia handloom Stall-in Rs 30000/- chuang an thil phochhuahte an hralh a. Champhai Local Entrepreneurs pahnihte  chu an item mipuiin an hlut em avangin Lungleia Youth Summit & Road Show kharna neih anih hunah stall hawng ve tura tih an ni a.  LESDE hnuaia Workers Welfare Board-ten 'On the spot registration' an buatsaih chuan mi ngaihven a hlawhin awareness hlawhtling tak an nei a. He programme hi School leh College zirlai naupangten an hlawkpuiin an  hlut hle a ni.

BAWLHHLAWH HMAN TANGKAI DAN ZIRTIR:
Nimin khan UD&PA Department Champhai buatsaihin Presbyterian English School (PES) Vengthlangah School naupangte tan bawlhhlawh leh thil hluihlawn atanga thil tangkai siam chhuah dan zirtirna hun ‘Workshop on Reuse, Reduce and Recycling waste’ tih chu buatsaih a ni. He hunah hian Pu K.Lalhmuakliana,(www.champhai.net) District Urban Development Officer (DUDO) Champhai chu khuallian a ni.
Khuallian Pu K.Lalhmuakliana chuan tunlai khawvel bawlhhlawh pung zelah bawlhhlawh atanga thil tangkai  siam  chhuah a  tul thu a sawi a. Workshop chhim tura kalkhawmte (www.champhai.net) chu hun tha taka hmanga thil thar chhawrtlak tak zir chhuah tum turin  duhsakna a hlan a ni.
Swachh Bharat Mission (Urban)  hnuaia  hmalakna  Workshop hi Pi Zairemtluangi Khiangte, Principal PES, Vengthlang chuan a kaihruai a. Pu C.Lalengkima, Social Development Specialist, UD&PA Champhai in Workshop kalphung tur leh hmalak tawh dan a sawi bawk a ni.
He hunah hian Champhai khawpui a Middle School hrang hrang  12 atangin Zirlai leh Zirtirtu  100 vel an kalkhawm a. Workshop-ah hian Swachh Bharat Mission (Urban) Model School atana thlan PES Vengthlang, Champhaia thawk zirtirtuten   bawlhhlawh leh hluihlawn thil atanga thil hlu zawk siam chhuah dan (www.champhai.net)nilengin an zirtir a ni.
UD&PA Department Champhai hian faina atan nasa takin hma an la mek a. Tun hnaiah hian inzirtirna leh inhrilhhriatna  lamte thlengin nasa takin an kalpui ve mek zel a, nimin a Workshop pawh hi an hmalakna pakhat zing a mi a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …