Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …

Champhai - Tualchhung Chanchinthar ni 8.5.2018 (thawhlehni)

DAMCHHUNG TANG TURIN A CHUNGTHU REL :
Nimin khan Champhai Additional Judge R. Vanlalena chuan tualthattu Kumar Subha chu damchhung lung in tang turin a chungthu a rel sak.
Tualthattu Kumar Subja hi Khawzawla khuai Lui zauah amahin thlamah a riak thin a. Kum 2014 August thla khan Vanlalfela, Khawzawl Zuchhip Venga awm leh a thiante pahnih chu thingtuah tur la in Kumar Subha thlamah hian an riak ve thin a, an riah hmasak ber zan hian han inbah palh deuhte pawh an nei nia hriat a ni a. August ni 8, 2014 zana an mu tur chu in hau buaina em em pawh awm lovin Kumar Subha hian Vanlalfela nghawngah chempuiin a sat ta a, Vanlalfela hi a hmunah hian a boral zui nghal a ni.
He tualthlattu hi Khawzawl Police Station ah FIR thehluh a ni a, Vanlalfela ruang hi Postmortem a nih hnuah leh tualthahna chungchang hrang hrang Case IO JH Ssanghmingthanga, SI chuan a chhui chian hnuah he thubuai hi Aizawl COurt a hearing neih a ni a. Hemi hnuah hian Champhai lama rawn thawn chhoh leh niin, Champhaia Additional Judge chun he thubuai hi ngaihtuahin tualthattu Kumar Subha hi damchhunga tang turin a chung thu a rel sak ta a ni.

DAN BAWHCHHIA :
Champhai Traffic Police te chuan thla kal ta April thla chhung khan lirthei dan bawhchhia 2wheeler 12, 3wheeler 9 leh 4wheeler 30 an man a, 2 wheeler atang hian Rs. 4400 hmuh a ni a, 3wheeler atangin Rs. 4500, 4wheeler atangin Rs. 16800 hmuh niin APril thla chhung khan liethei dan bawhchhia man atangin Rs. 25,700  hmuh a ni.

VAWK HRI ZOKHAWTHAR ATANGIN :
Tunlai Mizoram vawk hri leng mek  PRRS leh Classical Swine Fever (CSF) chungchangah Department hmalakna thlirhona leh hmalak zel dan tur Dept hotuten an thlirho.
Meeting ah hian tunlaia vawk hri leng mek chu Zokhawthar ah a intan nia hriat a nih thu sawi a ni a, Zokhawthar atang hian Vawk damlo thisen 12 lak a ni a. 11 chu PRRS positive a ni tih Disease Investigation Laboratory, AIzawl ah march ni 21 ah hmuhchhuah a ni. Vawk hrilenghi a darh zel loh nan Vawk leh vawksa lakluh khapna Champhai DC  chuan March ni 27 ah a tichhuak a, a hrileng darh zel loh nan District Veterinary Officer, Champhai leh Staff ten tna la nghalin PRRS kai darh zel loh nan Awareness Campaign leh a tul angin ran damlo te enkawla hmalak nghal a ni. 

ENG KHAILAK :
Champhaiin kawlphetha a lakna ber Khawzawl leh Saitual  inkarah line fault a awm nia hriain nimin khan Power & Electric  Dept chuan line hi uluk takin an chhui a. Hei vang hian nizan zantir lam thleng khan Champhai lam chuan power supply a dawng thei lo a ni. P&E Dept. chuan tun fur intan, tek tlak tam lai hian khawl lama harsatna an tawh thin bakah, tekin khawl a denchhiat venna atan Power Supply pekchhuah tihtawp a ngai thin tih an sawi a, mipu ihriathiamna an ngen a ni.

SPORTS AWARD :
Vawiin chawhma dar 11 hian Sports & Youth Services Dept. chuan Govt. Champhai College Multipurpose Hall ah Sports Incentive Cash Award an sen dawn a. Champhai North Bialtu MLA TT Zothansanga chuan khuallian niin a hmanpui dawn.

MLA IN A BIAL CHHUNG SCHOOL 2 TLAWH :
Nimin khan Champhai North bialtu MLA Pu TT Zothansanga chuan a bial chhunga School pahnih Govt. Champhai High School, Vengthlang North leh Govt GM Higher Secondary School, Vengsang-a mite chu a tlawh a. He hunah hian School zirtirtute leh naupangte kawmna hun neiin an dinhmun tlangpui a enpui a ni. Champhai North bialtu MLA hi Pu C. Hualrikhuma, Dy. DPC RMSA leh Dr Lallawmkima, DIPRO Champhaite chuan an tawiawm a ni.
Pu TT Zothansanga chuan zirlai naupangte chu tum mumal tak nei  tur leh inthununna, taihmakna leh beih hram hram peihna thinlung pu turin  a chah a. Mi  tam tak zinga hlawhtlinna chang tlemte an awm thin thu sawiin, chung zinga tel ve thei tur chuan nu leh pa, zirtirtu leh Pathian thuawih angai a ni, a ti a.   Result tha tak nei thei tur chuan zirlai thiam bel angai a, social media hman dan chin tawk thiam pawh angai a ni, a ti a. Mi taima, bei fat fat thin leh teirei peih te chu hlawhtlinna tlanga ding thinte an nih thu sawiin, a bial chhunga Mizoram Board Exam-a top ten a lang phate chu lawmman atan cheng singnga zel a pek thin tur thu a sawi bawk a ni. Thiam thil neih dem dum aiin kalna lama thiam filawr nih a tul thu leh bengvar tum luat ai chuan zirlai lama tanlak angaih zawk thu a sawi a. Champhai tlang chu zirna lama hmun dangte elpha ve tura tan lak a ngaih thu leh Nu leh pa te pawhin hemi lama fate kan hruai harh leh chu thil pawimawh tak a ni, a ti a. National level Exam leh Entrance test-ah kan elpui hnam dangte kan tluk theih nan a bulthum atanga hmalak angaih thu leh  chumi tur chuan tun hun zel hi a pawimawh thu a sawi a. Mahni awmna hmunah chauh hna zawng lo a, state pawn leh ram pawn tleng pawha chhuah hrehlo turin  a chah a. Nakin lawka  Champhai innghahna tur zirlai naupangte chu nawmsak hmasak lova, hrehawm tuar huam tura chahin, thiam theih ringawt aiin teirei peih a that zawk thu a sawi a. Zirlai naupangte chu ruihhlo leh a kaihhnawih laka inthiar fihlim tur leh  tihtur hriat loh pawhin tih loh tur tal hrethiam turin a chah a. Role model school  ni thei tur leh result duhawm tak nei thei tura tan la thar leh turin zirtirtu leh zirlai naupangte chu a chah nghal bawk a ni.
Pu C.Hualrikhuma, Dy.DPC, RMSA Champhai  leh Dr Lallawmkima, DIPRO Champhaite pawhin  School tlawhna hmunahte hian zirlaite fuihna thu an sawi ve bawk a ni.
Champhai North bialtu MLA-in Govt Champhai High School, Vengthlang North a tlawhna hunah hian Headmaster Pu Vanlalsawma, a thawhpuite leh Vengthlang North khawtlang hruaituten MLA hi an lo dawngsawng a. Khawtlang aiawhin Pu R. Lalfakawma, VCP Vengthlang North pawhin thu a sawi bawk a. Govt GM Higher Secondary School a tlawh tum hian Principal Pu K.Pazawna leh a thawhpuiten an lo dawngsawng a. School thuneitute hian school chanchin leh harsatna tlangpuite an lo thlen a. Bialtu MLA chuan lo enzui sak a tum thu a sawi a ni.
School a thawktu leh khawtlang hruaitute chuan bialtu MLA thahnemngaihna leh tawiawmnaah  lawmthu an sawi a ni.

Comments