Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai - Tualchhung Chanchinthar ni 29.5.2018 (thawhlehni)

PAWNGSUALTU KUM 10 TANG TURIN TI :
Nimin khan pawngsualtu a puh Thangthianga (42) s/o Vankunga (fam) Vanzau khua chu Champhai Pesial Judge R. Vanlalena chuan kum 10 chhung lungin tang tur leh Rs. 9000 chawi turin a chungthu a rel sak.
Kum 2014 October thla khan pawngsualtu Thangthianga hian hmeichhe naupang kum 7 mi sikul  bang chu an inah (www.champhai.net) zui hawin a nu te awm loh hlanin he hmeichhe naupang hi ama chenna in lamah hruaiin, a mobile phone a flim tha lo awm chu hmeichhe naupang hi entirin hmeichhe naupang chu inbual turin a ti a, hmeichhe naupang inbual tur inphelh ruak lai chu Thangthianga hian a khumah mitpui ta a ni.
He thubuai hi SI B. Kapthanzawna, Champhai Police chuan chhui nghalin pawngsualtu hi man nghal a ni a. Hmeichhe naupang hi CHamphai District Hospital ah Medical Exam tura hruai niin DOctor te chuan hmeichhe naupang taksaa an endiknaah  hian mipa khawihna hnuhma hmuh ngei a ni a. Police Officer hian thubuai a chhuina report kimchang chu COurt ah theh lutin he thubuai hi(www.champhai.net)  COurt chuan uluk taka relin thuhretu hrang hrang Hmeichhe naupang pawngsual tuartu A nu, Doctor leh Case IO bakah midang te a ko va, Pawngsualtua puh hi a thiamthu sawi vena hun pawh Court hian pe thlapin amah lam tantu thuhretu pathum lai Court ah hian hruaiin thu sawi tir an ni ve bawk.
Pawngsualtu aiawha ding Ukil chuan he thubuaiah hian pawngsual thu finfiahna tha tawk a awm lova, DNA Test pawh a awm lo a, Police lamte Witness thusawite hi a rintlak tawk loh avangin thilsual titua puh  hi chhuah zalen turin Court a ngen a. Sawrkar Ukillam chuan finfiahna an nei tha tawk a, thuhretu, a tuartu, Doctor leh Case IO te thusawi hi a zavaia innghahna tlak a nih avangin pawngsualtu hi hrem ngei turin a ngen ve thung a ni.
Thuhretu hrang hrangte thusawi hi Court chuan chik taka khaikhina a enfiah hnuah hmeichhe naupang khawngaih thlak tak hian pawngsual a tawk ngei a ni e tih chu a thutlukna a ni ta a ni.
Special Judge hian thil sualtitu hremna hi puangin kum 10 chhung lung in tang tur leh pawisa Rs. 9000 chawi turin a ti ta a. (www.champhai.net) Pawngsualtu hi Champhai District Jail  a tang mek a nia, a tan rei chhung tur Court in a puan takah hian a lo tan tawh sa chu paih then tur a ni a. Pawngsual tawktu hi danin a ruahman ang ngeiin a phu tawk zangnadawmna pe turin Special Judge hian District Legal Service Authority pawh a hriattir nghal a ni.

MIPUI THAWH KHAWMIN KAWNG SIAM :
Champhai Electric Veng VC te chuan khawtlang mipui sum thawhkhawm hmangin kawng an siam.
Champhai Electric Veng VC te chuan tunlai hian MGNREGS (ni 100 inhlawhna) atanga mipui pawisa thawhkhawm hmangin Chawngvawra Workshop  leh Vaihmun inkar kawng chhe zual lai chu cement concrete hmangin an thawm tha mek a. Electric VC te hnen atanga thu kan dawn danin he lai kawng hi (www.champhai.net)  kum 2014 vela PWD in an siam bak chu khawih chhunzawm tawh loh a ni a, he la ihi kawng lun tak leh lirthei zawhtu an thahnem thin avangin kawng hi a chhiat zual tak tak hmaa siam that a ni thu an sawi a.
Kawngsiamna atan hian Electric Veng chhunkaw tin te chuan ni 9 hlawh atanga Rs. 100 an lak theuh bak chu kawng siamna atan hian an thawh khawm vek a ni. He lai kawng hi siam a nih chhungin Champhai Superintendent of Police Lalthiamsanga Sailo chuan lirthei tlan khapna thupek a lo chhuah tawh a. Electric Veng khawtlang pawhin kawngsiam ti khaihlak thei zawnga tlan lo turin lirthei neitute an ngen bawk.

ZOPUI HUMHALH DUH :
Mizo Lal te zinga ropui ber ni a sawi Lallula Sailo lalna hmun Zopui khua tlawhtu Govt. Champhai College a Education Dept. zirlaite chuan Zopui hmuna hmanlai lungphun milem inker tlabal chu nasa zawka humhalh nise an duh thu an sawi.
Govt. Champhai College a Education (www.champhai.net)  Dept. zirlaite chuan Tuipuiral tlangdunga pi pu dulhnu hlui chi hrang hrang hmun pawimawh tlawhin, khualzin tam zawk tlawh pawh loh Lallula Zopui hmun, Samthang Branch YMA ten a hmunhma an humhalh ngaw an tlawh a. Zopui khaw hmun hluiah hian milem a pawnga inkerte awmin heng milem inkerna lungphunte hi a bung then tawh a. A bun gla awm ang angte chu zawm a, ruah leh nisa in a tihchhiat loh nana hulhliap siam nise an tih thu an sawi a ni.

THIM DAWN :
Vawiin atanga  ni 1.6.2016 chhungin chhunah Power Supply Champhai in kan nei dawn lo. Executive Engineer Power Project Division Champhai hnen atanga thu dawn danin vawiin atanga ni 1.6.2018  chhung hian (www.champhai.net)  Saitual leh Khawzawl 132 Kv line chu Jungle Clearance hna thawh a nih dawn avangin 9 - 5 chhung Shut down  lak a ni thin dawn a, hemi hun chhung hian Champhai leh Khawzawl tlangdungten Bukpui Sub-Station kal tlangin 33Kv Level in Power Supply hi dawn tum a ni.

DC HAW BEISEI :
Champhai DC Vanlalngaihsaka chu (www.champhai.net)  National Security Strategies chungchang Meetinga pawimawh New Delhi a a tel hnuah vawiin hian a lo haw leh beisei a ni.

Comments

Popular posts from this blog

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai Tualchhung Chanchinthar ni 14.6.2018 (ningani)

DISTRICT LIBRARY HLUT : Kumin chhungin District Library tlawhtu mi 2094 anawm tawh. Champhai District Library-ah member 1809 an awm mek a, puitling 1591 leh naupang 216 an an ni a, member thar puitling 3 leh naupang 2 an awm bawk. Lehkhabu thar 276 awmin lehkhabu 29,164 a awm mek a . Library tlawhtu hi mi 2094 an awm tawh ani. District Library ah hian mizo chanchinbu 5 awmin magazine mizo ziak 4 leh saptawnga ziah 1 a awm bawk. District Library member hi nih theih reng niin a duh apiang tán inziahluh theih reng a ni a, zirlai te tan zirna atana tangkai leh pawimawh tam tak en tur a awm a, zirlai ni lo tan pawh Pathian thu, hriatzauna leh thawnthu bu chi hrang hrang chhiartur a awm ani.
RUAHSUR NASA LEH CHAMPHAI : Ruahsur nasa avangin PHE Dept ten Tuipui lui, tui an pump na hmun thenkhat chu tuiin a chim tawh. Ruahsur nasa avang hian Champhai tui lakna ber, Tuipui lui chu a lianin a nu nasa hle a, pump tlak a nih loh avangin PHE Dept te hian ni 5 chhung chu Champhai khawpuiah tuisem a…