Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Champhai Tualchhung Chanchinthar ni 23.6.2018 (inrinni)

BABY LEAGUE KAL ZEL DAN TUR REL :
Nimin tlai khan Young Legend khelh mek Sponsor tu 8 One Foundation leh CDFA hruaitute chuan League kal zel dan tur relin Joint Meeting an nei.
He hun hi CDFA Office, Chhangphut Field ah neih niin C. Hualrikhuma, President, CDFA chuan a kaihruai a, Young Legend League, Baby League ti a hriat bawk kal zel dan tur sawi ho a ni a, he league hi nikum October thla atang khan khelh tan niin vawiin hian Final khelh a ni ang. Final Match hi chawhma dar 10 ah khelh a ni ang a, Final Match hmanpui tur hian 8 One Foundation atangin Varun Achreja leh Prakhar Soni te an rawn kal a ni. Final hi U-8, U-19 leh U-12 ten an khel ang.
Tlai dar 3 ah Closing Founction hman tur niin C. Hualrikhuma, President CDFA in a kaihruai ang a, 8 One Foundation hotute leh MFA atanga lokalte hnen atangin thusawi ngaihthlak a ni ang. He hunah hian Champhai District atanga ISL leh I League khel Players - Lalchhawnkima (Mohun Bagan), Indian National Player Lalruatthara (Kerela Blaster) leh Robert Lalthlamuana (North East United) te hnen atang hian thusawi tawi ngaihthlak a ni dawn a ni.
Final Match khelh zawhah lawmman awm thei ang angte semna hun neih nghal ani ang a, Champion team, Runners Up, Top Scorer, Best Goalkeeper leh Man of the Match lo dawng tawhte hnenah Trophy leh sumfai hlan a ni dawn a ni. He League hi 8 One Foundation hian Rs. nuai 6 in an Sponsor a, Tournament khel naupang zawng zawngte hnenah Jersey leh mawza an sem a ni. Vawiin hian TOurnament khel naupang nu leh pa te leh Champhai mipui te inkhel en vek turin CDFA chuan a sawm a ni.

SAZEP KHUA NILO :
Sazep khawtlang chuan Heroin a kawl avanga Champhai Police ten an man Sazep khua nia inchhal Zarzosangi chu an khua leh tui a ni loh thu thuchhuah siamin an tarlang.
Champhai Police ten June ni 18 zana Khankawn Police Check Gate a Zokhawthar to Aizawl Maxi Cab Service atanga No 4 hawng 11 zel an man, a neitu Sazep khuaa inchhal Zarzosangi d/o Vanhnuaithanga (L) hi Sazep khua leh tui a ni lo tih Zoram mipuite an hriattir thu sawiin Zarzosangi hi Tuingo (Myanmar) khuaa mi a nih thu an sawi bawk.
Hrtianga an khua tihmingchhia a, Sazep khua anga a lo inchhal hi pawi an tih thu leh an lungawi lo hle tih sawiin tun hnuah hetiang hi thleng tawh lo se tih hi Sazep All NGO leh VC te chuan an duh tak zet a ni tih an sawi bawk. An thuchhuah ah hian VC, YMA, MUP leh MHIP President theuh ten hming an ziah hnan a ni.

SGH TRAINING PE :
Nimin khan Zokhawthar ah Self Help Group te tan NABARD in training an buatsaih.
Training hmang tur hian Champhai atangin Official  4 kal in, training hi mi 50 velin an chhim thei bawk. Self Help Group te tana Training hi Thawhtanni hian Ruantlangah neih leh a ni ang.

Comments