Skip to main content

FAVANG CHHUNG NEIA MJA PRESS CLUB KAWNG SIAM PHUT

FAVANG CHHUNG NEIA MJA PRESS CLUB KAWNG SIAM PHUT : Inrinni khan MJA Champhai District chuan Press Club ah General Body Meeting nein kumin Favang chhung ngein hian PWD chuan an Press Club kawng chu black top sak turin an ngen. Нe Meeting hibC.Lalhnunpuia, President MJA kaihhruaia neih niin henhunah hian District Level Committee on cleanliness competition 2019 ChamphaibDistrict in Addl. DC Alexander V. Chawngthu kaihhruaina hnuai a faina hapta hman tura sawrkar Pisa hrang hrang fai leh, BDO Champhai kaihhruaina hnuaiah Hotel leh Restaurant fai endik turanChamphai District MJA te a ngenna chuntihhlawhtlin sak ngeini se tiin an rel a. I&PR Directorate in kumin November thla a India ram chhim lam fang a Study/Tour MJA te tana buatsaih turah Champhai District MJA atangin mi 2 kal turin an ruatani. MZI Headquarters Champhai in Zoawi Lelte leh Beat Contest, Champhai District MJA te nen tangkawpa thlanna nei tura rawtna an siam chu pawl pahnih hruaitute ve ve in zirchianga sawiho leh ni s…

Champhai - Tualchhung Chanchinthar ni 26.6.2018 (thawhlehni)

CHAMPHAI CDPU IN THUBUAI 42 NGIAHTUAH TAWH :
April thla atanga nimin thlengin Champhai District Child Protection Unit chuan thubuai 42 an ngaihtuah tawh.
Juvenile Justice Board, Champhai chuan April leh June thla hian thubuai 10 an ngaihtuah tawh a, heng zingah hian rukruk leh pawngsualte chu a langsar zual a ni a, zu leh ruihhlo kaihhnawih bakah in atanga tlanbo thubuai te an nei bawk a. JJB te hian thubuai in an ngaihtuah hnuah a tul angin Observation Home Champhai leh Special Home Aizawl ah te kum tling lo pawikhawihtute hi an dah lut a ni. CHild Welfare Committee chuan thla hnih chhung hian thubuai 32 an nei tawh a, mipa 12 leh hmeichhia 20 an ni. Thubuai 8 te hi POCSO Act kaihhnawih a ni a, naupang kutdawh luihtir thubuai 2 awm bawkin, a bak zawng hi naupang enkawlna dawng tha lo , chhanchhuah leh chhawmdawl ngaite an ni.
Juvenile Justice (Care & Protection of Children) Act 2015 chuan naupangte hian tha taka an seilen theihnatura enkawlna tha an dawn theih nan dikna chanvo a pe a. He mawhphurhna hlen lo nu leh pate lakah hian thubuai siam theih a ni.

LEIMIN AWM NUAL :
Tun hnai ruahsur nasa avangin Tlangsam ah pawh lei min a awm belh leh a, Tlangsam High School hnuai chu a kawng chawpa minin a hnuaia kawngpui a hnawh bawk a, In tihchhiat erawh a nei lo. Tlangasm Bazar atanga Saron Veng panna kawng hnuai zawk chu Lirthei eng chi mah kaltlang theih lohin a min a, Tlangsam VC te chuan kCB hmangin an thian fai a. Hei bakah hian Tlangsam khawchhungah hian lei tla hmun hrang hranga awmte VC hmalaknain thenfai a nibawk. Ruahsur nasat avang hian lei a nghet lova, Champhai khawpui hmun hrang hrangah pawh lei a min bakah min mai hlauhawm lei nem a awm nual a. Hetihlai hian ruahsur nasa avang hian tun dinhmunah chhiatna lian tham thleng sawi tur a la awm meuh lo thung.


UNESCO LAMAH KAWTCHHUAH ROPUI :
Vangchhia a kawtchhuah ropui chu  UNESCO World Heritage Site tag a nih theihna tura hmalak mek a ni.
Kawtchhuah Ropui hi Mizorama Archeological Survey of India in hmun humhalha a puan awmchhun a ni a, UN hnuaia khawvela hmun hlui humhalhtu  UNESCO in an hriatpui theihna tur hian India Trustof Art and Cultural Heritage, Mizoram Chapter chuan hma an la a. An convener R. Rohmingthanga chuan hetiang tur hian Kawtchhuah ropui hian theihna a neih thu a sawi a. He hmun hi zirchianin Mizote chanchin tam tak chu hriat chhuah theih a nih bakah, Mizote chanchin kan hriat da pawh nasa taka a  thlak danglam theih a rin thu a tarlang tel bawk. Kawtchhuah Ropui mihring hnuhmate hi Carbon dating hmanga endik tawh niin, thenkhat chu BC 600 vela mi a ni a, thlanmuala ruhro leh incheina an hmuh chhuah te atangin kawtchhuah ropui hi BC 600 atanga AD 1400 inkar leh AD 1400 leh AD 1750 inkara mihring chet tlatna thin nia ngaih a ni a. A hmun hi ASI chuan zirchiang in an awmchilh mek a ni.

Comments