Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Champhai Tualchhung Chanchinthar ni 27.6.2018 (nilaini)

CHAMPHAI AH HMEICHHE FOOTBALL :
Nimin khan RL Neihkungi Memorial Football Tournament For Inter Branch MHIP 2018 chu khelh tan a ni.
RL Neihkungi Memorial Football TOurnament ah hian Team 12 an tel thei a, heng team te hi Pool 4 A,B,C, D ah te then an ni a. Pool A ah Vapar, Vangchhia leh Zokhawthar an awm a, Pool B ah Zotlang, Ngaizawl leh New Champhai; Pool C ah Dinthar, Hmunhmeltha II leh Melbuk; Pool D ah Hmunhmeltha I, Vengsang leh Selam te an awm bawk. heng Pool tin ami te hi intum kualin a chakber leh a dawttu te chuan Quarter Final an kehl dawn a ni. Nimin khan Match 4 awmin inkhel hmasa berah Vapar leh Vangchhia te inkhelin Vapar te chuan 2-0 in hnehna an chang a, inkhel vawi hnihnaah Zotlang leh Ngaizawl inkhelin Zotlang hian 1-0 in Ngaizawl an tlawm a, Inkhel pathumnaah Dinthar leh Hmunhmeltha II te inkhelin Dinthar hian 5-0 in hnehna an chang a, inkhel hnuhnung berah Hmunhmeltha I leh Vengsang te an inkhel a, 1-1 in an in draw.
Vawiin ah inkhel hi chhunzawm leh ani ang a, Match 4 bawk a awm ang a, Match hmasa beah Dinthar leh Melbuk, Match hnihnaah Hmunhmeltha I leh Selam, 3-na ah Zotlang leh New Champhai, 4-na Vapar leh Zokhawthar te an inkhel dawn a ni.

DISTRICT JAIL AH:
Project Sunrise leh MSACS huaihawtin International Day Against Drug Abuse and Illicit Trafficking pualin Zirtawpni khan District Jail Champhai ah hun hman a ni dawn.

FREE CLINIC :
Nimin khan CHamphai District SSA Mission bultumin NGopa Block huamchhunga Rualbanlo naupang hriselna enfiahin, a thlawn a inentir buatsaih a ni.
He hun hiDistrict SSA Mission Dy DPC H. Lalhminghlua leh IE Coordinator Lalzahawma Varte ten an hmanpui a, Rualbanlo naupangte hriselna enfiah leha thlawna inentir hi Ngopa Block RCC Buiding ah neih a ni a, Ngopa CHC Medical Officer Dr Fredy a leh a thawhpui ten Sawrkar School hrang hranga Vohbik naupang thlan chhuah mi 50 te chu uluk taka an hriselna an enfiahsak bakah an mamawh Damdawi a thlawnin an sem nghal. Rualbanlo naupang, Ngopa khaw chhung leh pawn atanga he hun hmanga kal te hi an lirthei chuan man tumsak an ni bawk.

MEETING NEI ANG :
District Education Committee chuan vawiin chawhnu dar 1 hian DC Conference Hall, Keifangtlang ah an thukhawm dawn a. Tunkar Zirtawpni khian Kahrawt Community Hall ah Champhai khawchhunga Middle School 10 thlante tan Science Fare buatsaih tum a ni bawk.

LOAN DIL THEIH :
Kum 2018-2019 PMEGP hnuaia Bank Lian dil duhte tan Online in www.kviconline.gov.in/pmegp ah dilna thehluh theih a ni a. Hrechiang duh tan KVIB Office, CHANEM Bulding ah zawhfiah theih a ni. An Office ah vek hian Online a dilna thehlut ten hard copy thehluh tur a ni tih thu dawn a ni.

Comments