Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung Chanchinthar ni 30.6.2018 (inrinni)

TUN THLA CHHUNGIN COURT IN MI 12 HREM TAWH :
Nimin khan Champhai Special COurt a Judge R. Vanlalena chuan hmeichhe naupang khuaikhemtu Zohmingthanga kum 32, Khawzawl Vengthar chu kum 14 chhung hrehawm taka Lungin tang turin a chungthu a rel sak.
Kum 2015 June thla laihawl vel khan ZOhmingthanga Khawzawl Vengthar hian hmeichhe tleirawl kum 15 mi chu a hnute khawih luih sakin a thawmhnaw te a hlim sak a. Hei vang hian Khawzawl Police Station ah H. Zaimawii, CDPO Khawzawl chuan FIR theh lutin ZOhmingthanga lakah hian naupang khuaikhem thubuai ziahluh a ni.
He thubuai hi R. Lalremruata, Sub-Inspector  of Police Khawzawl chuan chhui nghalin naupang khuaikhemtu hi man nghal a ni a, Police Officer hian thubuai a chhuina report kimchang chu Court ah thehlutin he thubuai hi Court chuan uluk taka relin thuhretu hrang hrangte leh Hmeichhe naupang khuaikhem tawh leh Case IO te a ko a, Naupang khuaikhemtua puh hi a thiamthu sawina hun pawh Court hian a pe thlap bawk.
Zohmingthanga hian hmeichhe naupang khuaikhema puhna hi a pha lova, naupang khuaikhemtu aiawha ding Ukil chuan he thubuaiah hian khuaikhem thu finfiahna tha tawk a awm loh thu leh Police lam thuhretute thusawite chu a rintlak tawk loh thu sawiin thilsual titua puh chu chhuah zalen turin Court a ngen a. Sawrkar lam Ukil chuan finfiahna a nei tha tawk a, thuhretu,a tuartu, Case IO leh thuhretute thusawi chu a vaia innghahna tlak a nih avangin naupang khuaikhemtu chu hrem ngei turin Court a ngen ve thung bawk.
Thuhretu hrang hrangte thusawi hi Court chuan ngun taka a khaikhin a enfiah hnuah hmeichhe naupang khawngaihthlak tak hian khuaikhem a tawk ngei a ni tih chu a thutlukna a ni a. Special Judge R. Vanlalena chuan thil tisualtu hremna chu puangin kum 14 hrehawm takin Lung In tang turin a chungthu a rel sak a ni.
Naupang khuaikhemtu Zohmingthanga hi Champhai District Jail ah tang mekin a lo tan tawh chu a tan rei chhung tur Court in a puan tak atang hian paihthen tur a ni ang.
He Court hian tun thla chhung hian ruihhlo zuar thin mante leh hmeichhiat mipatna lam hawia thubuai nei mi 12 chuang a lo hrem tawh bawk a ni.

CHAMPHAIAH STATISTICS DAY PUALIN HUN HMAN A NI :
Nimin kha Statistics Day vawi 12 na a ni a, ram chhung hmun dang rualin Economics & Statistics Department Champhai buatasaihin nimin khan he ni pual hian GM High School, Champhai Vengsangah hun hman a ni a. He hunah hian Vanlalngaihsaka District Bawrhsap chu khuallian a ni.
Khuallian chuan Statistics Day chu Statistics system leh Economic planning a sulhnu chhinchhiah tlak hnutchhiahtu Prof. PC Mahalanobis piancham denchhena kum 2007 atanga hman thin a ni, a ti a. Zirlaite chu Prof PC Mahalanobis a nun atanga inzir tur leh thahnemngai taka inzira, mite aia chungchuang bik nih tum turin a fuih a. Khawtlang leh ram tana chhenfakawm leh chhawrnahawm tak ni a, sulhnu hriatrengtlak sawrkar hriatpui tham leh nakin zela mipuite hlut hnutchhiah tura tan la turin a chah a ni.
Nimin programme hi F. Lalbuaia, District Research Officer, Champhai chuan kaihhruaiin inhmelhriattirna hun a hmanga. R. Laldawngliani, Inspector of Statistics-in Staistics chawilara hmasawnna tam tak thlentu Prof PC Mahalanobis a chanchin chhiarchhuahna a nei a. Resource Person Lalmuanpuii Ralte hnen atangin "Quality Assurance in Official Statistics" tih thupui hmanga zirtirna ngaihthlak a ni a. Pu F. Lalbuaia, DRO in lawmthu sawiin hun hi a khar a ni.
Prof PC Mahalanobis a hian Statistics ah sulhnu ropui tak a hnutchhiah a. Ram thangmeka vangtlang nun leh economics survey dik taka kalpui anih theih nan tha a thawhhlawk em em a. Mahalanobis Distance tih leh National Sample Survey te chuan hriat a hlawhin India ramin Economic planning fel leh mumal tak a neih theihna turin a thawhhlawk hle a ni. Kum 1968 khan Padma Vibhusan chawimawina chu a lo dawng tawh a ni.
Statistics survey dik leh rintlak tak neih anih theihna turin India ram sawrkar chuan Statistics Act a siam a, data lakhawma survey neitute chu tha taka tawiawma chhanna dik leh rintlak chauh pek thin tur a ni a. Chhanna diklo leh phuahchawp petu chu a chunga dan siam hmang khian hrem theih a ni.

CHAMPHAIAH SCIENCE FAIR HLAWHTLING TAKA NEIH A NI :
Nimin khan SSA Mission Champhai huaihawtin Middle School zirlaiten Science leh Mathematics zirna a hma an sawn theihna tura sawrkar laipui scheme  Rastriya Avishkar Abhiyan (RAA)  kaltlangin Kahrawt Community Hall, Champhaiah Science Fair buatasaih a ni.
Hawnna inkhawm tawi buatsaihah C.Lalbiakzauva SDEO & DEO Champhai chuan Mizo Zirlaite tan science leh mathematics subject-ah tan lak thar a ngaih thu a sawi a. Sawrkar laipuiin heng subject pahnihte tangkaina leh hlutna hriain  Rastriy Aishkar Abhiyan hi a duang chhuak a ni, a ti a. Zirlai ten hlauhna tel lo leh nuam ti taka zirlai an zir theih nana SSA Mission buatsaiha Science Fair siam a ni chu lawmawm a tih thu a sawi a. Zirtirtu leh Zirlaite chu Rastriya Avishkar Abhiyan programme tih hlawhtling kawnga tan la turin a chah a. Zirlaite chu Science Fair hlimawm leh hlawkthlak tak hmang tura duhsakna hlanin a duh apiangte tan Science Fair chu a hawng nghal a ni. 
He hun hi K. Lalsiamliani DPC SSA Mission Champhai chuan kaihruaiin nikum lamah Science Exhibition leh Mathematics quiz hlawhtling taka neih anih tawh thu a sawi a. Zirlaite chu Fair chhunga an thil hmuhte zirchianga zawhna an neihte zawt zel turin a chah a ni. Fair hawn anih hnu hian DEO, DPC SSA leh DIPRO Champhai te chuan Fair hi an fangkual a ni. Science Fair hi zing dar 10 ah tan niin, nilenga hawn anih hnuah tlai lam dar 3 ah kharna hun neih a ni a. Science Fair a tel tithate hnenah lawmman semchhuah nghal niin,  Class V category bikah pakhatna chu Roseland M/S, pahnihna Vengthlang M/S, pathumna Venglai M/S te an ni a. Class VI category-ah Kanan M/S pakhatna niin, Vengthlang M/S leh Electric M/S ten an dawt a. Class VII category - ah Holy Cross M/S pakhatna niin, Roseland M/S leh Vengsang M/S te chuan an dawng ve leh a. Class VIII bikah pakhatna chu Venglai M/S  niin, Vengsang M/S leh Holy Cross M/S ten an dawt a. Heng bakah hian a tel zawng zawng chu consolation prize pek vek an ni. 
Science Fair hi SSA Mission hnuaia Rastriya Avishkar Abhiyan kaltlanga buatsaih niin Champhai khawpui chhunga Sawrkar Middle School leh Aided Middle school 10 te an tel a. Zirlaiten Science Fair hi an hlut hle a ni.

SYMA THUKHAWM :
Nimin khan kum 2018-2019 Sub-Hqrs. YMA Executive Committee Vawi 4 na neih a ni.
He Committee hi VL Chama Hnamte, President chuan a kaihruai a, rel tura thu chhawpchhuah t chu Ram dang mi leh Hnamdang mi Dan lova sumdawng chungchang chu Legal Sub-Comt. ten lo zirchiang in SEC awm leh hunah sawiho leh nise an ti a. SYMA Cultural  Sub-Committee atanga lehkha lut chu ngaihtuah niin kum 2018-2019 chhung hian Hnam Lam Intihsiak hun remchang hmasaah buatsaih nise tih te rel a ni bawk.
Champhai District ah Coaching Centre a awm ngei theih na turin hmalak nise an ti a. hemi chungchang ah hma lo la turin Education & Human Resources Sub-Committee te chu ruat an ni bawk a ni.

KHAWHAI AH EDUCATION WEEK KHAR :
Tunkar Thawhlehni atanga tan Khawhai Students Union (KSU) buatsaih, zirna ngai pawimawh lehzual tura inzirtirna hun Education Week. 2018 hman chu nimin khan Khawhaiah khar a ni.
Khawhai Education Week hi bialtu MLA Lalrinliana Sailo in a hawnga a, a lo intiam tawh angin Khawhai Govt. Mizo High School atanga Matric First Division leh a chung lama pass zirlai 29 te leh Khawhai HSS atanga First Division a pass zirlai 5 te pawisa fai a hlan.
Nimin khaina inkhawm hi Khawhai Town Hall a neih niin he hun hi Higher & Technical Edn. Jt. Director Ramhmangaiha Ralte in a hmanpui a. Week chhunga zirlaite tana intihsiakna chi hrang hrang 13 siama tihthate hnenah lawmman pek a ni a. Ramhmangaiha Ralte hian Khawhai Govt. Mizo High School atanga Matric Distinction  a pass zirlai 3 te hnenah Rs. 10,000 theuh a hlan bawk.
Khawhaia Education Weel neih chhung hian zirlaite mai bakah zan lamah nu leh pate kohkhawm an ni a, zirna pawimawhzia inzirna hun hman a ni bawk.
Khawhai Students Union (KSU) hian Education Week hi kum khat danah a buatsaih thin a, tun tum hi vawi 3 a buatsaihna a ni . He Programme buatsaih a nih atang hian Khawhaiah Matric Pass hmaa School bansan an awm tawh ngailo nia thudawn a ni.

INZIAHLUH TUR :
Champhai District Volleyball Association chuan Independence Day Volleyball Tournament an siam turah August ni 3 ral hmain Club te inziaklut turin hriattirna a chhuah.
Champhai District Volleyball Association chuan kum danga an tih ngai loh angin kumin hian CDVA hnuaiah Club te inziak lut vek turin hriattirna a chhuah a, cDVA hnuaia inziak lut lo Club te tan CDVA Tournament  ah a tel theih dawn loh thu sawiin Veng/Sporting Club/Games & SPorts Association/ thianho emawa inziahluh theih a nih thu an sawi bawk. Club khat hian Player 18 aia tam lo ziah luh tur a ni ang.

JAIL AH DRUGS DONA NI HMANG :
Nimin khan Champhai District Jail ah International Day Against Drug Abuse and Illicit Trafficking chu hman a ni a.
He ni pual hian Champhai District Jail a tang leh thawktute nen hun hman a ni a. Inkhawm hi Dr Vanlalnghaki,CMO chuan kaihruaiin khuallian Lalbiakkila, Addl. SP Champhai chuan thusawiin ruihhlo tawlh leh ruihhlo ngaih hi thil inzawm tlat ani a, kan thalai nun tichhe lian ber pakhat a ni mek tiin a bikin Champhai chu Border Trade a awm kan nih avangin kan tuarna hi a nasa lehzual a ni, a ti a. Champhai District ah kumin ND&PS Act hmangin thubuai 40 ziahluh a ni tawh a, heng zinga thubuai tam ber hi ruihhlo kaihhnawih a ni, a ti. Champhai District a tang za zela 60 chu ruihhlo kaihhnawia tang an nih thu tarlang bawkin tangte chu an thil tihte sim turin a chah a ni. He hun hi Project Sunrise, MSACS leh SHALOM te buatsaih a ni a, India ram a HIV leh AIDS Do kawnga an hmalakan te tarlanna hun an hmang bawk.

MHIP FOOTBALL :
RL Neihkungi Memorial Fooball Tournament for Inter Branch MHIP 2018 Chhangphut Field a khel mek chu nimin khan Quarter Final khelh a ni a, inkhel result -
Zokhawthar 1-0 Ngaizawl
Zotlang 1-0 Vapar
Dinthar 4-0 Hmunhmeltha I
Selam 5-0 Hmunhmeltha II
Vawiin hian Semifinal khelh a ni dawn a, inkhel turte chu
Zokhawthar (12:30) Selam
Zotlang (1:30) Dinthar

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…