Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai - Tualchhung Chanchinthar ni 7.6.2018 (ningani)

PARKING FEE TENDER HAWNNA LEH THLANNA NEIH ANI :
Kumin July Ni 1 atang hian Champhai khawpui chhung hmun hrang hrang thlan bik 6-ah te Lirthei dah man Parking Fee khawn tan a ni tawh dawn a. Hemi bawhzuina kalzelah vawiin chawhma khan Parking Fee khawn tur tender hawnna leh thlanna Selection Board thutkhawm chu   Vanlalngaihsaka, Champhai Bawrhsap hovin DC Conference Hall, Keifangtlang, Champhaiah neih a ni.
Vanlalngaihsaka chuan a vawikhatna tur atan Champhaiah Parking Fee khawn ani tur chu thil thar hlak anih avangin mipuite leh khawtlang hruaitute tawiawmna a ngen a.Champhai chu  khawpui thang mek anih avang leh leilung erawh a than ve loh avangin hmalakna thar siam anih thu a sawi a. He hmalakna hian lirthei vahvelna felfai, khawpui tawt tih ziaawmna leh himna thlengin a huam tel dawn a ni, a ti bawk.
Selection Board chuan tender chhanna hrang hrang rawn lut 14 te chu dan dinglai behchhana  ngun taka a ngaihtuah hnuah, heng mite  hi Parking Area hrang hrang paruk a Parking Fee khawn turin a thlang a ni. Awmpui phei Area (Vengthlang North peng- Bazar Side) chu Pi Lalawmpuii D/o H.Malsawma, Vengthlang-in a khawn ang a, Vengthlang Area (RD Rickshaw Stand thlang- Two wheeler Stand chhak) leh Vengthlang Area (Two wheeler Stand - Dropping Zone chhak) chu Pi Lalparmawii D/o Rokima (L) Kahrawt-in a khawn ang a, Venglai Bazar Area chu Pu Vanrokima S/o Zatluanga Venglai leh Bethel Kawn Area Pu C.Hrangkamlova S/o Rochungnunga, Vengthar-ten an khawn dawn a ni. Heng bakah hian Awmpui phei Area (Vengthlang North peng - Vengthlang Biak In) chu chhangtu an awm loh avangin a thara tender tihchhuah leh tur a tih a ni.
Parking Fee khawn dar chu Two Wheeler tan Minute 30 hnuailamah Rs 5/-, Minute 30 atanga darkar 1 thleng Rs 10/- , darkar 2 ah Rs 15/-, darkar 3 ah Rs 20/-,darkar 4 ah Rs 30/-, darkar 5 ah Rs 50/- leh darkar 10 ah Rs 100/- a ni ang.   LMV leh SUV tan minute 30 hnuaiah Rs 10/-, Minute 30 atanga darkar 1 thleng Rs 20/-, darkar 2 ah Rs 30/-, darkar 3 ah Rs 40/- thlengah a inang dawn a. LMV bikah darkar 5 ah Rs 50/- niin darkar 10 ah Rs 150/- anih laiin SUV ah chuan Rs 80 /- leh Rs 210/- a ni ve thung dawn a ni. Parking Fee hi Commercial Vehicle Stand atana sawrkarin a ruahmanahte chuan khawn loh tur a ni.

MLA TE HMEL HMUH TUR AWMLO AVANGIN MHIP CHAMPION TEAM HAWI HAI :
GIG Motors Inter Branch MHIP Football Tournament a Champion Sub Hqrs. MHIP Champhai Team te chu vawiin tlai khan Darthangvunga Point ah ropui taka hmuah an ni.
He hun hi Laldinngheti, President Sub Hqrs. MHIP chuan kaihhruaiin Lalhlimthangi Khiangte, Secretary Sub-Hqrs. MHIP Champhai chuan report pein Sub Hqrs. MHIP Football Team te Tournement a an tel theihna tura mimal ah pawlho anga tanpuina pe turte chungah lawmthu a sawi bawk.
He hunah hian C. Hualrikhumaa CDFA President chuan thusawiin Mizoram puma Champhai hming tithatute chu an thawhrimna fakawm a tih thu a sawi a. An Champion chu duhtawk mai lova sang lehzual an thlen theihna tura theihtawp chhuah lehzel turin a chah bawk. RUihhloin a tihbuai loh thalai tam tak an la awm chu lawmawm a tihthu sawiin Neihkungi Memorial Women Football Tournament CDFA in a siam turah Champhai District chhunga MHIP Branch zawng zawngte tel vek turin a sawm bawk. Champhai District chhungah MLA 5 kan neih te Tournament neih chhungin an hmel hmuh tur pakhat mah awm lo chu mak an tih thu an sawi.
He hunah hian Laltlanthangi, Treasurer, MHIP SUb Hqrs. & Team Manager ni bawk hnen atangin thusawi ngaihthlak a ni bawk. GIG Motors Inter Branch MHIP Football Tournament ah hian Champhai Sub Hqrs. MHIP te hian Champion nomawi an chawi bakah Fair Play Award an dawng bawk a Lalhmangaihzuali chu Best Forward atana thlan a ni bawk. 
Champion Team te hi Laltlanthangi, Treasurer MHIP Sub Hqrs. , Helen Hrangluti, LH Lalrengpuii ten a ho a, Champhai aiawha kal te hi Lalrinmawii Varte (Captain), Lalhmingmawii, Chingkhanmuani, MC Biaktei, Lalmuanchhungi, Lalrintluangi, Laldingpuii, VL Hmangaihthangi, Lalchhanhimi, Lalhlupuii Varte, Hunlawmawmi, Jenny Zothanmawii, Lalramnghahmawii Khiangte, Lalhriatpuii, Lalhmangaihzuali, Ramchuansangi, Lalhmangaihsangi. Lawmsangzuali te an ni.

KHAWBUNG AH LEIMIN VANGA CHHIATNA ENFIAH :
Niminpiah tlai leh nizan hmasa ruahsur avanga Khawbung khawchhung inkalpawh tawnna leiminin a hnawhte Block Level Disaster Committee Chairman Vanlalchhuanliana, BDO hovin a hmunah enfiahin hmalak dan tur ruahmanna an siam nghal. Niminpiah tlaia ruah bawhawk sur avang khan Tuipuiral khaw hrang hrangin AIzawl panna atana an kawng zawh ber Sasaw Kawng leh Zawlsei kawng chu Khawbung Mini Sports Complex laihna vungin Metre za chuanga thui a hnawh a, Khawbung Village Disaster Committee Chairman F. Vanlalvena, CAP hovin nizan hmasa khan khawl hmangin motor kal theihin a zualpui an thianfai nghal a, nimin zing khan Block Level Disaster Committee Chairman Vanlalchhuanliana, BDO hovin khaw chhung inkalpawhna kawng leiminin a hnawh thenfai dan tur ngaihtuahin Village Disaster Committee Member engemawzatin kawngko lei tlakna a hmunah an enfiah a, Govt. Khawbung HS Staff Quarter bul lei tawlh chuan Quarter awmna zawnah leikhi,  min mai thei a siam avangin Silpouline hmangin khuh nghal a ni.

KAWNG THIAN :
Nimin khan Dungthlan leh Leithum inkar kawng Champhai akwng chu lirthei eng chi mah kaltlang theih lohin leiminin a chhilh a, Champhai PWD Rural Sub-Division te chuan motor kal theihin an thianfai nghal bawk a ni. Hetihlai hian Khawbung RD Block huam chhunga Sesih khua leilet neitute chuan an leilet tuikawng, Sabereka Khiangkaihin siam leh mai theih loh khawpa a tihchhiat avangin chhungkaw engemawzat chuan kumin hian leilet an siam thei dawn lo tih khawtlang hruaitute chuan an sawi.

CHARGE INHLAN ANG :
Champhai SE (PHE) Lalrammawia chu Aizawla awm tura sawn a nih tak avangin karleh Thawhlehni hian amah thlakna hun PHED ten an hmang dawn a, SE thar nen charge an inhlan nghal ang.

MY PROJECT, MY NEDP - MIPUI MAMAWH INTAWM RUAHMANNA (MiMIR) CHAMPHAIAH TLANGZARH A NI :
Nimin chawhnu khan DC Conference Hall, Keifangtlang, Champhaiah Mizoram Sawrkar hnuaia scheme pawimah tak ‘My Project, My NEDP- Mipui Mamawh Intawm Ruahmanna (MiMIR)’ tih chu Vanlalngaihsaka IAS, Champahi DC chuan Champhai District chhunga hman ve theih turin a tlangzarh.
Champhai bawrhsap chuan sawrkar Scheme pawimawh tak MiMIR chu Champhai District-in tangkai taka a chhawr ve theihna tura hmalak nise a ti a. A zau thei ang bera Village Council tinte hriattirna pek nise a ti bawk.
‘My Project, My NEDP- Mipui Mamawh Intawm Ruahmanna (MiMIR)’ hi kalphung thar Mizo mipuite nunphung mil leh huapzo, State sum leh pai dinhmun nakin thlenga siamthatna chhenfakawm tak ni thei tura duan a ni a. Hemi hnuaiah hian District tinah hmasawnna ruhrel, mitinte chhawr theih tur siam a ni dawn a. Scheme hnuaiah hian cheng  Vaibelchhe 8 dah a ni a, District tinah cheng Vaibelchhe  1  hu project kalpui tura ruahman niin, Project thlan kawngah dik leh felfai taka tih tum a ni. MiMIR hnuaia Project siama inelna chu June-August, 2018 chhungin neih a ni anga, sanction fund chu September thla  chhunga pekchhuah hman tum a ni. Hemi tur hian Khawpui, Thingtlang leh Veng chhung atangtein Project siam theih a ni a, a tel duhte chuan July Ni 16, 2018 ral hma ngeiin SDO (Sadar) hnenah Project Concept Paper thehluh tur a ni.
Project Concept Paper chu Joint Committee kaltlanga thehluh tur a ni a. Joint Committee-ah hian Local Council/Village Council leh YMA, MUP leh MHIP atanga aiawh member 2 theuhte an awm dawn a ni. Hemi kaltlang lo hi chuan Project engmah pawm a ni lo ang. Joint Committee member tinte chu Project pawm leh pawm loh tur chin lo remruatpuitu an ni. Project Concept Paper chu SDO (Sadar) hnenah thehluh tur a ni ang a, chungte chu District MiMIR Committee DC kaihhhruaina hnuaia awm chuan a lo endik ve leh dawn a. Endikna atangin Project tha zual 20 thlanchhuah leh ani ang a, chungte chuan District MiMIR Committee  hmaah Project Presentation pe lehin chuta tang chuan District tana Project tha ber chu thlanchhuah a ni tawh dawn a ni.
Project chu District huam chhunga khawpui, thingtlang leh Veng chhunga hmasawnna ruhrel chhawrnahawm, inhmantawm theih leh tangkaipui tham  cheng vaibelchhe 1 aia tamlo a ni tur a ni a. Project te nawi siam nual lovin Project lian tham pakhat mipui vangtlang intawm theih, hmasawnna thlen thei  tha tawk tak a ni tur a ni a. Project chhawrtlak hnathar siamthei leh thil thar hlak angte chu MiMIR hnuaiah hian ngaihpawimawh hmasak a ni ang. Project siamna atana ram mamawh ang chiah MiMIR fund emaw, sawrkar emawin ram leina a tum dawn lo a ni. Hemi chungchang hrechiang duh tan SDO (Sadar) hnenah zawhfiah theih a ni.

Comments

Popular posts from this blog

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai Tualchhung Chanchinthar ni 14.6.2018 (ningani)

DISTRICT LIBRARY HLUT : Kumin chhungin District Library tlawhtu mi 2094 anawm tawh. Champhai District Library-ah member 1809 an awm mek a, puitling 1591 leh naupang 216 an an ni a, member thar puitling 3 leh naupang 2 an awm bawk. Lehkhabu thar 276 awmin lehkhabu 29,164 a awm mek a . Library tlawhtu hi mi 2094 an awm tawh ani. District Library ah hian mizo chanchinbu 5 awmin magazine mizo ziak 4 leh saptawnga ziah 1 a awm bawk. District Library member hi nih theih reng niin a duh apiang tán inziahluh theih reng a ni a, zirlai te tan zirna atana tangkai leh pawimawh tam tak en tur a awm a, zirlai ni lo tan pawh Pathian thu, hriatzauna leh thawnthu bu chi hrang hrang chhiartur a awm ani.
RUAHSUR NASA LEH CHAMPHAI : Ruahsur nasa avangin PHE Dept ten Tuipui lui, tui an pump na hmun thenkhat chu tuiin a chim tawh. Ruahsur nasa avang hian Champhai tui lakna ber, Tuipui lui chu a lianin a nu nasa hle a, pump tlak a nih loh avangin PHE Dept te hian ni 5 chhung chu Champhai khawpuiah tuisem a…