Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai

MZP TEN CHAWIMAWI :
Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang.
He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti bawk. Zirna kawngah District ang zawnga tan lak nasat a ngaih thu sawiin lehkhabu dawr kan neih that tawk lohzia te hi mipui lam, zirna lama kan la mutthluk vang a ni a ti a. Thiamna atanga inchimral hi thil hlauhawm tak a ni a, chu thil hlauhawm tak chu thiamna hmang veka kan do let a ngai a ni a ti bawk. Thiamna sang zawk nei turin Hrehawm tuar huama phai lama kan awm ngam a, thei lo anga inngaihna rilru kan neih thin hi hlawhtling tur chuan kan thlauhthlak a ngai a ni a ti bawk.
He hunah hian Lalramhluna, Vice President, MZP Hqrs Champhai pawhin thusawiin MZP Champhai chuan Govt. Champhai College hi a ngaihvenin a chhiat leh thatah rilru thuk tak a put pui thu a sawi a. He chawimawina hun hi Champhai khua hian zirna in tha tak kan neih ve zia tihlanna a nih thu a sawiin Govt Champhai College-in NCC kan neih thatzia leh hmang tangkai thiam tana a hlawkzia a tarlang bawk. Mizo society-ah a kal ral lo tawka inhman thiam a ngaihzia thu leh hlawhtlinna dal theitu nawmna kan kalsan ngam a ngaih thu tarlangin Champhai hi sumdawnna hmunpui ni mah se, sum hian thiamna tak tak tel lo chuan a daih rei tak tak theih loh thu leh midangte rawk ve theih loh thiamna neih hi hausakna tlo ber a nih thu a sawi bawk.
He hunah hian 1) V Lalruatfela s/o Laltlanthanga; 6th position, Dept. of Geography
2) TBC Laldinmawia s/o K Aithangi; 6th position, Dept. of Mathematics.
3) C Lalremruati d/o Hranglianmawia; 7th position, Dept. of Education.
4) Vanlalhlupuii d/o BP Lalhriat-renga; 10th position, Dept. of Economics. te hnenah chawimawina thilpek leh thuziak hlan an ni a. Zirlai titha mi palite hi Champhai North Bialtu MLA Pu TT Zothansanga'n lawmpuina sumfai Rs. 2000/- theuh a hlan bawk a ni. He hun hi Lalrammawia Tlau, Fin. Secretary, MZP Hqrs Champhai chuan lawmthu sawiin a khar a ni.
MZP Hqrs Champhai te hian HSLC leh HSSLC Examination 2018 result chhuaka Champhai zirna in atanga zirlai ti tha te chawimawina hun an lo hmang tawh bawk

MHIP DAY HMANG :
Champhai hmun hrang hrangah MHIP Day hman a ni
Nimin khan Mizoram hmun dang rualin Champhai hmun hrang hrangah MHIP Day hman a ni.
MHIP day pual hian Champhaia MHIP Branch hrang hrangte chuan hun an hmang hlawm a, Branch thenkhat chuan intihhlimna hun an hman laiin Branch thenkhat te erawh chuan khawtlang tana thil tha tih nana hmangin faina hnatlang an nei bawk. MHIP Day pual branch hrang hrangte hun hman zingah Sub Hqrs MHIP hruaitute chuan hun an hman pui hlawm a, President Pi Laldinngheti chuan Leisenzo Branch MHIP te hun a hmanpui a, Vice President Pi Helen Hrangluti'n Vengthlang-ah, Secretary Pi Lalhlimthangi Khiangte in Bethel leh Vengsangah Asst Secretary Pi C Vanlalruati leh Fin. Secretary Pi Lalrengpuii te'n Chawngtui-ah, Treasurer Pi Laltlanthangi'n New Champhai leh Vengsang-ah te an hmanpui bawk.
Kelkang Branch MHIP te pawhin MHIP day pual hian nizan hmasa atang khan hun hmang an hmang tan a, nimin khan kum 80 chin chunglamte hnenah chawimawina pein an member boral te sunna hun an hman bakah Group hrang hrangah inthenin intihsiakna an nei a, nizan khan hun hmang chhunzawm lehin result puan leh lawmman semna an nei a ni.
MHIP Day pual hian Cham-phai Child Protection Unit leh Child Welfare Committee Champhai te chuan Cham-phai District chhunga MHIP Branch thenkhat - Khualen, Chawngtlai, Chawngtlai Phai-veng leh Champhai Bethel vengah MHIP Day lawmna neihah hmeichhia te leh naupangte dikna leh chanvo leh Dan in a humhalh dan inhrilhhriatna, Awareness Campaign an buatsaih bawk a. CDPU leh CWC hotute - Pi Zaimawii DPO (SWD), Lalsiammawii (CPO DCPU), R. Lalrinchhani (DCPO), R. Vanlalsawmi (SW - DCPU), Laldinpuia Ralte (ACCT-DCPU) leh Vanlalthudika (ORW-DCPU) te chu MHIP Branch hrang hrangin MHIP Day an lawmnaah hian inthendarhin, naupang venhimna dan JJ Act 2015, POCSO Act 2012, naupangte dikna chanvo hrang hrangte bakah pawngsual laka naupangte leh hmeichhiate inven him theih dan turte leh pawngsual laka naupangte him theihna tura nu leh pate mawhphurhna te kalkhawmte hmaah hian an sawi a ni.

KHAWZAWL AH PAWH MHIP DAY :
Khawzawl-ah MLA hovin MHIP Day
MHIP Day vawi 44-na chu Khawzawlah nimin khan ropui takin lawm a ni a, Khawzawl Joint MHIP bultumin Khawzawl khawpui chhunga MHIP Branch 10 te chuan Zaingen YMA Hall-ah MHIP Day pual hian hun hmangin tlaih MHIP Day pual hian ruai an theh a ni.
MHIP Day lawmna hi Pi B. Lalmuanpuii, President, Khaw-zawl Joint MHIP chuan kaihruaiin Bialtu MLA Pu Lalrinliana Sailo chuan khuallian niin a hmanpui a. Bialtu MLA chuan MHIP Day hmang tura kalkhawmte chu hlim taka hmang tura duhsakna hlanin hmeichhiate pawimawhna leh mawhphurhna te a sawi a. Bialtu MLA hian MHIP Day lawmna a tel MHIP Member upa zual 14 te hnenah Puan hlanin hmeithai upa zual 12 te hnenah hmanrua a sem a, MHIP Day pual hian Khawzawl Joint MHIP huamchhunga hmeithai chhungkaw 5 te chu Rangva Bundle 4 theuhin a tanpui dawn tih a sawi.
MHIP Day lawmnaah hian Tv. Roluahpuia'n MHIP Day thupui, Faina leh thianghlimna' tih hmangin thu a sawi a, MHIP Member boralte sunna hun an hman bakah MHIP Branch hrang hrangin Special Items an nei a, chawhnu lamah MHIP Branch 10 te chuan MHIP Day hla hmangin intihsiakna an nei a ni. Khawzawl Joint MHIP hnuaiah hian tun dinhmunah Member 3342 vel an awm mek a ni.

TUIPUIRAL LAMAH :
Tuipuiral khaw hrang hrang Branch MHIP te chuan khan MHIP Day vawi 44-na an hmang a.
RD Block headquarters Khawbungah chuan MHIP Day vawi 44-na lawmin Khawbung Community Hall-ah hun hman a ni a. Day lawmna inkhawm hi Pi Vanlalmuanpui'n a kai hruai a, member boral sunna hun UPC (NEI) Pastor HP Ramfangzauva'n a hmang a. Pi Vanramthangi hnĂȘn atangin kum puan thupui ngaihthlak niin, Branch President Pi Thanghnuni'n khawtlanga hmeichhiate mawhphurhna chi hrang hrang a tarlang bawk. Khawbung ICDS-a Circle Officer Pi Laltlanthangi'n MHIP leh Kohhran hmeichhia te hmalakna inlaichin dan leh danglam dan a sawi bawk. MHIP Group hrang hrangte'n hnam lam leh zai an entir bawk a ni.
East Tuipui Bialtu MLA Pu T Sangkunga chuan niminpiah lama Leisenzo Branch MHIP kum 40 (Ruby Jubilee) lawmna a hmanpui hnuin nimin vek khan Vaphai Branch MHIP te'n Day an lawmna hun a hmanpui chhunzawm a ni.

EVANGELISM WEEK HMANG :
Champhai Vengthlang Branch Kristian Thalai Pawl te chuan Evangelism Week an hmang. Evangelism Week hi Thawhtanni zan atang khan hmang tanin, hemi zan hian Evangilism rawngbawlna hrang hrang report ngaihthlak a ni a, nizan hmasa khan Kohhran Centenary Hall-ah Variety Programme hmangin nimin khan fehchhuah Programme an hmang a, he hunah hian ruihhlo ngai mi engemawzat hnenah ei tur an pek bakah Bible chang thlan chhuah thuziakte an pe nghal zel a, C.Denga Colony-ah leh DC Hmun Hlui bawr velah member 40 vel zet kal kualin ruihhlo ngai an hmuh apiangte hnenah ei tur leh Pathian thu hi an sem zel a, nimin tlai lam thleng khan fehchhuah hna hi an thawk a ni. Nizan khan Kohhran Centenary Hall ah Praise and Worship hun hmangin Pathian faka zaihona an nei a, Evangelism Week an hman mek hi an khar nghal a ni.

THINGPHUN HNATLANG :
Vawiin hian Champhai District NGO CC leh CNC tangkawp chuan District Court office bulah thingphun hnatlang an nei dawn a, an thingphun tur hi Chawngzil tiak niin, kung za vel phun hman an inbeisei a ni.

KAWNG SIAM :
Nimin khan Tlangsama Chawngbawla Section te chuan an pawisa thawh-khawm hmangin kawng-pui an siam. Chawngbawl Section pa ho kalkhawm chuan an Section huamchhunga in tinah kawng siamna tur hian chhungtinin Cheng 100 theuh thawhkhawm nise tiin a rel a, heng a pawisa thawhkhawm atang hian kawnga phah tur lung leiin nimin khan lungphah hian hnatlang an nei a ni.

FOREST THINGPHUN :
Nimin khan Champhai District Forest Dept te chuan thingtiak 2000 an phun. Heng thing tiakte hi Zote leh Ngur inkarah phun niin thing tiak chi hrang hrang phun a ni a, kumin chhing hian Forest Dept te chuan thing tiak thahnem tak phun tur YMA leh tlawmngaipawl hrang hrang bakah mi mal thahnem tak hnenah an pe chhuak tawh bawk. Forest department hotute chuan an thingphun te dimdawia enkawlpui turin mipui te thawhhopuiah an sawm bawk a ni.

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…