Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw hmangaihtu leh hanthawk tak tak tur chauh rawn din tir turin Party tinte hnenah ngenna thlen nise an ti a. Mizoram inthlanpui neih hun tur puan a nih a Candidate tih fel a nih hunah Champhai North leh South Candidate zawng zawngte tan Joint Platform buatsaih an tum tih an sawi bawk.

CHAMPHAI AYF TEN THISEN AN PE :
Inrinni khan Adventist Youth Federation Champhai te chuan a mamawh apiangte hman turin mamawh apiangte hman turin Champhai District Hospital Blood Bank ah thisen an pe a, thisen pek hma hian inkhawm tawi neih niin he hun hi AYF Champhai President C. Lalthazuala chuan kaihhruaiin Dr Zodingliana hnen atangin thusawi ngaithlak a ni.
AYF te hian thisen hi Unit 50 pe in Mipa 35 leh Hmeichhia 15 ten an pe a ni.  AYF Champhai te hian tum 10  chuang thisen hi pe tawhin, kumin World Blood Donors Day khan Kohhran anga thisen pe hnem ber an nih avangin ACBD Champhai chuan chawimawina alo hlan tawh a ni.

THING PHUN :
Champhai Nature Conservancy bultuma Project Tlaizawng hmalakna kal zelah Inrinni khan District Court ram chhungah thingphun tura an ngen angin hmun eng emaw zatah thin chi hnih - Chawmzil leh Tlaizawng kung za ve ve an phun.

KAWNG SIAM THA :
Inrinni khan Tlangsam khua Chawngbawla Section te chuan an pawisa thawhkhawm hmangin kawngpui an siam tha. Chawngbawla Section pa ho kalkhawm chuan an Section huamchhung In tinah kawng siamna tur hian chhungtin in Rs. 100 theuh tawhkhawm nise tiin an rel a. heng an pawisa thawhkhawm atang hian kawnga phah tur lung leiin Inrinni khan lungphah hian hnatlang an nei a ni.

MISSIONARY TLAH :
Ramthim veitute Headquarters Champhai chuan Missionary lak thar te thlahna hun an hmang. Tv. John Lalremruata, Champhai Kahrawt chu Champhai Kahrawt Kohhran Biak In ah thlahna hun hman ani a, Upa H. Lalhminghlua, Kahrawt chuan fuihna thuchah a sawi a. Nl. K. Vanlalhriati, Champhai Vengsang chu Champhai Vengsang Kohhran Biak In ah thlahna hun hi hman niin Rev. Laltanpuia COlney, Vengsang Bialtu Pastor chuan fuihna thuchah a sawi bawk.

REDUCTION SALE :
Kum danga an lo tih thin tawh angin Synod Bookroom chuan Reduction Sale a kalpui leh dawn a. Vawiin atanga tun kar chhung hian lehkhabu leh bungraw dang an zawrhte chu zaa 9 atanga zaa 80 thlenga a man pangngai aia tlawmin an zuar chhuak dawn a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…