Skip to main content

Posts

Showing posts from March 16, 2018

SAWRKAR UISA THIAMTEN NIHNIH CHHUNGIN RUIHHLO NUAI 7 MAN

SAWRKAR UISA THIAMTEN NIHNIH CHHUNGIN RUIHHLO NUAI 7 MAN : Champhai Police-te chuan nihnih chhung lekin Champhai Town huam chhungah Ruihhlo Cheng Nuai 7 man zet an man. Champhai Police hotute hnen atanga thu dawn danin, Police leh CID (SB) tangkawpte chuan nimin-zing khan New Champhai-ah rinhlelh thila an dapna lamah Lalthluaii kum 48, Kaphnawka fanu, Aizawl Bawngkawn ni a inchhal hnen atangin Heroin Hawng 6 (Gram 176) an man a. Champhai Police Station-ah ruihhlo neitu a puh hi ND&PS Act tlawh chhanin thubuai an siam sak a ni. Ruihhlo leh a neitu a puh hi nimin khan District Court-a hruai a nih hnuah Champhai District Jail-ah dahluh nghal a ni a. Ruihhlo (Heroin) man tak hlut zawng hi tualchhung hralhna a chhutin Cheng Nuai 3 (Rs. 300000) man a ni  Nimin chawhma khan Police Petrolling chuan Springdale School piah, Zotlangah Zokhawthar atanga Champhai pana tlan, Taxi MZ04 4049 atangin heroin Hawng 3, Gram 42, tualchhung hralhnaa chhutin Cheng 1,50,000 man chu an man a, a neitu ni-a…

Champhai - Tualchhung Chanchinthar ni 16.3.2018 (zirtawpni)

THUPEK ZAWM LO PAWI TI :
Champhai leilet zawla sumdawng kumdam(www.champhai.net)  sak, Champhai District Magistrate in khapna thupek a chhuah hnuah pawh thiat tura hmalakna fumfef awm lo chu Champhai Nature Conservancy chuan pawi an tih thu an sawi.
Thuchhuah siama antarlan danin February ni 19 khan Champhai leilet zawl, Agriculture land a kudam leh chenna in sak tawh thiatna leh (www.champhai.net) sak khapna order a chhuah zawm lova tun thlenga hetiang insak chhunzawm a la ni zel te, a awm tawh sa pawh thiat lova cheihnum a la ni zel chu CHamphai Nature Conservancy chuan a dem takzet a. Hetih rual hian DC in thupek bawhzui tura a dinin hmalkana lan gtham an la nei lo chu lungchhiatthlak an tih thu an tarlang tel bawk a ni.
Champhai Nature Conservancy chuan (www.champhai.net) he sawrkar thupek hi chak taka bawhzui a nih a, thupek zawmlo chungah a rang thei ang bera Action lak nise tih chu an duhdan a nih thu sawiin, kan buh leh bal thar chhuahna hmun, kan tui hnar ni bawk; Mizoram a ram …