Skip to main content

Posts

Showing posts from May 2, 2018

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …

CHAMPHAI-AH YOUTH SUMMIT & ROAD SHOW 2018

Mizoram Youth Commission chuan Mizoram thalaite hmasawnna tur leh nakin hun atana chhawr tlak leh hna tha tak an thawh theihna turin Youth Summit & Road Show 2018 chu District hrang hrangah a buatsaih chho mek zel a. 

*Champhai District pualin ni 4.5.2018 (Zirtawpni) hian Kahrawt Community Hall-ah buatsaih a ni ang.*

Youth Summit-ah hian stall 20 chuang a awm dawn a, zirna leh eizawnna kawng hrang hranga hmasawnna turin mi thiam rawn tur thahnem tak an awm dawn a, lemziak leh thlalak lam te, rimawi chi hrang hrang, pangpar khawi, designing leh puanthui, kut themthiamna lam leh zai lamah te experience lo nei tawh mi eng emaw zat an tel dawn a, a thlawn veka biak rawn theih an ni ang.

Zirlaite tan phei chuan he hun hi hmaih phal chi a ni lo ang, ramchhung leh foreign thleng pawha zirna in tha tak tak te nen thawhho a nih avangin he hunah hian hun tha a inhawng nasa dawn a, eizawnna kawnga ngaihtuahna seng mek te tan pawh hun remchang tak a ni. All India Service leh Central Service dang…

Champhai - Tualchhung Chanchinthar ni 2.5.2018 (nilaini)

KM 1 PAWH TLINGLO CHUAN MANAH RS 100 CHAWI HI MIRETHEI HMANGAIHNA A NI THEI DAWN A MI :
Nimin khan Champhai to Zokhawthar Maxi Cab Owners Welfare Committee leh Champhai to Zokhawthar Sumo Service Association te chuan Chanchinbumite kawmin Sawrkar lamin Zokhawthar khawtlang nen an buaina chungchang a chinfel hma chu Sumo tlan tir tawh lo an tum thu an sawi.
Nimin chawhnu dar 1 khan Champhai MJA Press Club-ah Champhai to Zokhawthar Maxi Cab Owner Welfare Committee leh Champhai to Zokhawthar Sumo Service Association te chuan Press Conference kovin Champhaileh Zokhawthar Sumo fare Rs 150 chu a to loh thu an sawi a. Zokhawthar Maxi Cab/Service te hian an permit in Tiau thleng a huam laiin Zokhawthar khawtlang chuan Tiau Lui thleng tlan an phal lova, an khaw chhungah passenger te Drop tir vek thin an nih thu leh passenger harsa ve tak tak te pawh Zokhawthar Sumo Counter atanga Km 1 pawh tling lo Tiau lei thleng Taxi in Rs. 100 leh Bike 125 (Foreign Bike) in Rs. 50 te an phur thlak leh thin da…