Skip to main content

Champhai

CURRENT MAN VANGIN VANDUAI TAWK :
 Nilaini tlai dar 5:30 vel khan Tv. Zoramhmachhuana, kum 22 Mualveng chu Current man avangin a boral.
 Thudawn danin, Zoramhmachhuana hian a pu nen January ni 22 atang khan Rualtlang Presbyterian Kohhran Biak In wiring khawih that hna an thawk tak a. Amah hi Electric lam khawih thin niin Thawhlehni khan Ruantlang Biak In line chu zo fel in Ruantlang Kohhran Centenary Hall ah Inverter pek theih turin siam hna an thawk zui leh a, tihfel ngai te an tihfel zawh hnuah seng fel ngai te an seng fel mek laiin an hna zawhna tur wire zawm ngai pakhat a zawm leh tur chu Current hian a man zui ta a, a pu hian theihtawp chhuahin chhan tuma a beih hnuah MED AIM Hospital panpui a ni a, Doctor te chuan theihtawp chhuahin chhan tum mahse chhan theih a ni ta lo a ni.
 Zoramhmachhuana hi Zokhawpui Higher Secondary School-ah Pawl 12 zirlai a ni a, khawtlang leh Kohhran ah theih ang tawka inhmang thin niin Ruantlang Mualveng Presbyterian Kohhranah Kristian Thalai Pawl Committee Member, Sunday School zirtirtu leh Nilaini zan tantu rawngbawl hna a chelh mek a ni. A ruang hi tlaivarpui a ni a, nimin khan Mualveng thlanmualah vuiliam a ni.

THLIRLET :
 Nimin chawhma dar 10:00 khan I&PR Auditorium CHANEM Building ah CMO Office, Champhai buatsaihin Routine Immunization Review Meeting leh Worshop neih a ni a. He hunah hian Champhai District chhunga CHC/PHC, Medical Officer, Health Supervisor te leh Mimbung leh Bungzung MC leh Champhai atangin MC pahnih te kohkhawm an ni a. Dr Lalhlimpuii, Surveilance Medical Officer chuan kalkhawm te a zirtir a, State Immunization Consultant Lily Lalmuanpuiin a tawiawm bawk.

RISING DAY LAWM :
 Champhai Vengthlang Presbyterian Kohhran hnuaia Kristian Thalai Pawl chuan nimin khan an Branch Rising Day an lawm.
 Vengthlang Branch KTP hi kum 1958 ah din tan niin, nikum khan kum 60 na, Diamond Jubilee an lo lawm tawh a, kumin hi an kum 61 na niin an rising day pual hian nimin zingkar khan KTP Group hrang hrangte chuan anmahni huamchhung hmun hrang hrangah bawlhhlawh chharfai leh khawlai tihfai ngai te, kawr paihfai ngai te leh hnim awm te samfaiin  hnatlang an nei a. Group thenkhat chuan an Rising Day pual hian tanpui ngai te tanpuiin hun an hmang bawk a ni.
 Nizan khan Branch Rising Day pualin Kohhran Centenary Hall ah hun an hmang a, Branch Yearbook 2018 tlangzarh hun an hmang bawk.

TUIALHTHEI DINHMUN :
Mizofed 
Petrol : Free Sale
Diesel : Nil
RC Filling Station 
Petrol : Service Tanky
Diesel : Service Tanky
RD Filling Station 
Petrol : Service Tanky
Diesel : Service Tanky

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…