Skip to main content

Champhai

LEITHA SIAM DAN TRAINING NEI :
Champhai District Krishi Vigyan Kendra (KVK), Khawzawl leh NABARD, Champhai District tangkawp bultumin KVK Farmers Training Hall, Khawzawlah ni 5 chhung awh tur, Khawzawl RD Block huamchhunga Self Help Group thlan bik pasarih (7) atanga Member 30 te tan Pa khawi leh Changpat Leitha (Vermi Compose) siam dan Training neih tan a ni.
A hawnna pualin KVK Farmers Training Hall-ah inkhawm tawi buatsaih a ni a. He hun kaihruaitu, Dr. Vanlalhruaia Hnamte, KVK Head & Scientist chuan Champhai District KVK leh NABARD ten hun rei tak thawhhona tha tak an neih thu a sawi a.
        NABARD tanpuinain KVK pawhin loneitute tan nasa taka hma an lak mek thu leh hmalakna pakhat zinga mi Self Help Group Member te tana eizawnna tha tak ni thei Pa khawi leh Changpat hmanga lei tha siam dan Training buatsaih a ni chu lawmawm a tih thu a sawi a. Training chhimtu Self Help Group Member te chu eizawnna puitling leh chhawrtlak nei thei ngei tura training hlawkthlak tak hmang turi…

Champhai

KHAWZAWL BLOCK MHIP TEN THENDARH DUH LO :
 Khawzawl Block MHIP te chuan danlo leh diklo taka General Headquarters in thendarh an tum chu an duhlo tih thuchhuah siamin an tarlang.
 MHIP Branch 39 awmna hian Champhai MHIP Sub-Hqrs. Conference nikum April thla a neihah khan Block hi thena nih chuan Headquarters in ramri rawn then fel rawh se tih Agenda pulutin pass a ni a. Hei hi Mizoram puma MHIP Block-te thendarh leh ramri siamthat a nih dawn reng rengin Headquarters ten kalphung mumal tak neiin ramri siam tih vang a ni. He Sub-Hqrs. Rorel Minute hi a tum laimu thelha la kawi luiin zirchianna leh Branch awm turte ngaihdan pawh rawn der hauh loin MHIP Khawzawl Block chu MHIP Block thar pahnih Khawhai leh Kawlkulh Block siam tharin Block pathumah Headquarters chuan min thendarh ta a ni tiin an thuchhuah chuan an tarlang a. An hnuaia awm Branch te leh kan awmna Block te Headquarters in min ngaihnep zia kan hmuh hian mak kan ti hle a ni an ti.
 An lungawi lohna hrang hrangte hi MHIP General Headquarters hruaitute hnenah an thlen tawh thin thu leh Headquarters Khawzawl Block hi thendarh an tum tlang hrim hrim a nih pawhin Khawzawl Block MHIP hriatpuina hnuaiah tal hmalak nise an ti a. Hei hian ngaih pawimawh hlawhlo in January thla a Headquarters atanga lehkha lokal chuan Khawzawl Block a thendarh ang zawmlo leh pawmlo Branch zawng zawng te chu Suspend an nih tur thuin a rawn chhang thung a. Khawzawl Block MHIP chuan Mizo hnam ang leh NGO tana ram leh hnam tana an thawhho naah an hriatute kal dan chu MHIP kaldan chu MHIP kalphunglo an tih thu an thuchhuahah chuan tarlangin. Khawzawl Block a Branch hrang hrangte chuan MHIP General Hqrs. thutlukna hi an pawm lo a, MHIP anga thawhhona a that zawk na turin General Hqrs. Executive Committee chu rang taka thutlukna ngaihtuah nawn tur leh Khawzawl Block thendarh buaina hi chingfel thuai turin an phut tlat a ni tih an tarlang a ni.

KANGMEI CHUNGCHANGAH INRAWN :
 Nimin chawhnu khan District Level Committee on Fire Prevention buatsaihin Kangmei ven kawnga inzirtirna leh inrawnkhawmna hun DIET Champhaiah neih a ni.
 He hun hi R.L Thianghlima, Principal DIET Champhai chuan   kaihruaiin,  kangmei ven kawnga inrawnkhawmna leh inzirtirna hun hmang tura kalkhawmte chu kangmei ven kawnga theihtawp chuah theuh tura intiamkamna a neih tir a,  kangmei ven kawnga tan la sauh sauh turin a fuih a ni.  
 C.Lalbiaka, DFO Champhai leh Member Secretary, District Level Committee on Fire Prevention chuan kalkhawmte hnenah kangmei chhuah chhan leh a nghawng hrang hrangte presentation hmangin a tarlang a. Kang mei ven hapta   chu Mizoramah kum 2000 atanga hman tan anih thu leh kumin pawhin February Ni 11 atanga 16 chhunga hman tum a ni, a ti a.  Ram kang  ven kawngah uar leh zuala zirtirna neih angaih thu sawiin, tun ang zela ram kang a tam chuan nakin lawkah ram chereu leh chhawrtlak loh tam tak kan neih  phah dawn a ni, a ti a. Champhai DFO chuan kalkhawmte chu  kangmei ven kawnga  hriattur tul ang angte chu tha taka ngaithla a, midangte zirtir chhawngtu nih tum theuh turin a chah a ni.
 Nimin inrawnkhawmna hunah hian kalkhawmte’n chak leh awmze nei zawka ram kang ven anih theihna tura hmalakna turte an sawi a. Heng bakah hian Sawrkar, NGO, VC, Zirna In leh mipuite tihtur leh mawhphurhnate  chipchiar taka sawiho a ni.
 Environment and Forest & Climate Change Department tarlan dan chuan Champhai District hi Mizoram District 8 zinga Forest Cover nei zim ber dawttu niin, District zau zawng za zela  81.73  hi Forest Cover a ni a,  Mizoram pumpui a Forest Cover hi  za zela 86.27 a ni. Ramngaw  chhah (Very Dense Forest) erawh chu District zingah a sang ber a, za zela 56 niin,  hei hi Wildlife Sanctuary & National Park  pahnih a awm vang a ni.  
 Mizoramah hian thal rei lo te chhung hian kan fimkhur loh avangin  ram hi nasa takin kan ti kang thin a, India State zinga ram ti kang nasa ber niin, kum tinin Hectare 1200 (Tin 3000 hmun) vel   ram a kang ziah anga chhut a ni. North East region a ram kang hmun thuma then a hmun hnih  dawn hi Mizoram chhunga thleng a ni a, ram kan chhan bulpui ber chu   thingtlang loneih (Shifting cultivation) leh tul loa ram tihkan vangte niin,   Forest Survey of India in a record dan chuan kum 2015-2017 inkarah Mizoram Ramngaw hi Square Kilometre 531  vel zetin a kiam a  ni. Hemi hun chhung vek hian Champhai District chhungah Forest cover hi Square Kilometre 78 (Tin 20,000 hmun vel)  in a kiam ve bawka chhut a ni.
 Programmeah hian SCERT leh DIET Champhai tangkawp buatsaih District Level Essay Writing Compettition neih taka tithate hnenah lawmman Pawisa fai leh Citation hlanna neih a ni a. Lawmman pakhatna dawngtu chu Alfred Ramchanhlua, Class X, Govt. GM High School, Champhai a ni a. Pahnihna chu Vanlaltlana, Class X, PES Zotlang niin, Lawmman pathumna dawngtu chu Abigail Liansiami, Holy Cross School, Champhai te an ni a, heng bakah hian mi pangate hnenah Consolation Prize pek an ni bawk.
 Nimin inrawnkhawmna hunah hian Enivironment Forest & Climate Change Department-a thawktute, DIET Champhai zirtirtu leh zirlaite, High School leh Higher Secondary School zirlaite, Science & Environment Committee, Sub Hqtrs YMA, Champhai  Nature Conservancy (CNC), AMFU Champhai leh YMA Zotlang Branch hruaitute an tel a ni.

HELIPAD TIHFAI HNATLANG NEI :
 Nimin zing khan Helipad Welfare Committee te chuan hnatlangin Helipad an tifai.
 Helipad Welfare Committee-ah hian Helipad bawr vela cheng chhungkua te an tel a, Welfare Comt. hian a tum ber chu Helipad hmunhma bakah an vengchhung cheithat ngai leh siamthat ngaite siamthat hi a ni a. Nimin zing pawh khan Helipad Welfare Comt. te hian Helipad hmunhma hnim buk chhah tawh tak te chu samfai hnatlang an nei a. Hnatlangah hian mi 17 an thawkchhuak thei a, Helipad hmunhma tifai hian tha za chuang an seng tawh a ni.
 Helipad Welfare Comt. te hi NGO te nen tangkawpin Helipad hi khualzinte hipna hmun atan leh thalaite lenna hmun nuam tak a siam tumin hma an la mek a. Helicopter tum loh ni apianga len theih tura siam tumin hma an la mek a ni.

NATIONAL DEWORMING DAY HMANG :
 Nimin khan hmundang rualin Champhaiah pawh Nation Deworming Day hman a ni. National Deworming Day hi Health Department leh Social Welfare Dept. te tangkawpin an buatsaih niin naupang kum 6 hnuailam leh tleirawl te hnenah hemi ni pual hian Damdawi - Rulhlut Hlo chu Anganwadi Center-te hnenah pek a ni. He hmalakna hi Rulhlut pai avanga natna hrang hrang thleng thei te, thisen tlakchhamna te leh naupang than thu umbo nan a ni a. Kum 1-11 inkar tan kumtin vawi hnih February leh August-ah an mahni kalna sikulah leh Anganwadi-ah Rulhlut Damdawi a thlawnin pek thin an ni a, sikul kallo pawh Anganwadi ah pek vek an ni.

HRUAITU THAR THLANG :
 Nimin khan Mizoram Ministarial Service Association  (MMSA) Champhai Sub-Hqrs. chuan meeting an nei.
 Nimin chawhnu dar 1 khan Mizoram Ministarial Service Association (MMSA) Champhai Sub-Hqrs.Meeting chu I&PR Conference Hall, CHANEM neih a ni a. He meeting hian an pawl President Pu IC Hranglura'n a kaihruaia an pawl inkaihhruaina dan leh dun te thlir hoin siam that ngaite an siam tha a. He pawlah hian Sawrkar hnathawk Assistant, UDC leh LDC te an tel a ni. Nimin Meeting ah hian kum hnih chhunga an pawl hruaitu tur an thlang nghal a.
 President : IC Hranglura
 Vice President : Vanlalliana
 Secretary : H. Lalrammuana
 Asst. Secretary : Lalhmachhuani
 Treasurer : Lalhlutpuii
 Fin. Secretary : PC Lalchhawnkimi

SILVER JUBILEE :
 Ni 8.2.2019 (Zirtawpni) zan atang khan Champhai Bethel Pastor Bial Kohhran Hmeichhia te chuan Silver Jubilee an hmang.
 Champhai Bethel Bial Kohhran Hmeichhia hi kum 1994 a Vengthlang Pastor Bial atanga Bethel Pastor Bial a indan ruala khan ding ve nghalin tunah hian Kohhran paruk - Bethel, Tlangsam, Vengthar, Zion Veng, New Champhai  leh Tlangsam North te an awm mek a.  Bethel Bialah hian Kohhran Hmeichhe Member 1663 an awm mek. 
 Jubilee lawmna pual hian nimin khan Ruai nen hun an hmang a,Bial Kohhran Hmeichhe Inkhawmpui an hmang zui nghal bawk dawn a ni.
 Hetih lai hian Mizoram hmun hrang hrang Bial Kohhran Hmeichhe Inkhawmpui chu nizan atang khan an hmang tak a ni.

SCHOOL LIBRARY HAWNG :
 Nimin khan Pinehill Adventist Academy Library chu hawn a ni.
 He Library hi Dr Zokhumin a nu leh a pa Biakthanga Pachuau leh Rochhingi hriatrengna atana sum a thawh hmangin din a ni a. Nimin khan hawn niin Library ah hian Mizo Conference te chuan Book Self leh Lehkhabu engemaw zat an pe a ni.
 Library hi Mizoram COnference President Pastor Biakthansanga chuan a hawng a. Education Director Lalhlimpuia chuan a rawn tawiawm bawk.

CASE PASARIH ZIAK LUT :
 Champhai Police Stationah Champhai Police te chuan Case 7 ziah luh a ni.
 Case ziahluhte hi POCSO Act hnuaiah 2 (pahnih); ND&PS Act hnuaiah 3 (pathum) leh IPC dangah 2 (pahnih) te ziak lutin January thla khan Case 7 an ziaklut a ni.

TUIALHTHEI DINHMUN :
Mizofed Pump
⛽ Petrol (MS) - Free Sale ⛽ Diesel (HSD) - Nil RC Filling Station ⛽ Petrol (MS) - Service Tanky ⛽ Diesel (HSD) - Service Tanky RD Filling Station ⛽ Petrol (MS) - Service Tanky ⛽ Diesel (HSD) - Khawl siam vangin pechhuaklo 🚉 🚉 Service Hours 6 AM to 7 PM 🚉 🚉 🚉 Sunday Open 12 Noon to 3 PM 

Comments

Popular posts from this blog

Champhai

LEITHA SIAM DAN TRAINING NEI :
Champhai District Krishi Vigyan Kendra (KVK), Khawzawl leh NABARD, Champhai District tangkawp bultumin KVK Farmers Training Hall, Khawzawlah ni 5 chhung awh tur, Khawzawl RD Block huamchhunga Self Help Group thlan bik pasarih (7) atanga Member 30 te tan Pa khawi leh Changpat Leitha (Vermi Compose) siam dan Training neih tan a ni.
A hawnna pualin KVK Farmers Training Hall-ah inkhawm tawi buatsaih a ni a. He hun kaihruaitu, Dr. Vanlalhruaia Hnamte, KVK Head & Scientist chuan Champhai District KVK leh NABARD ten hun rei tak thawhhona tha tak an neih thu a sawi a.
        NABARD tanpuinain KVK pawhin loneitute tan nasa taka hma an lak mek thu leh hmalakna pakhat zinga mi Self Help Group Member te tana eizawnna tha tak ni thei Pa khawi leh Changpat hmanga lei tha siam dan Training buatsaih a ni chu lawmawm a tih thu a sawi a. Training chhimtu Self Help Group Member te chu eizawnna puitling leh chhawrtlak nei thei ngei tura training hlawkthlak tak hmang turi…

Champhai

KANGMEI VEN HAPTA HAWNG :
Nimin chawhma khan Champhai District-ah Mizoram hmun dangte rualin ‘Kangmei Ven Hapta’ (Fire Prevention Week) vawi 20-na chu hman tan a ni.  Kangmei Ven Hapta hawnna pual hian District Level Fire Prevention Committee buatsaihin   Champhai DFO Pisa tualzawlah hun hman a ni a. Kumin Kangmei Ven Hapta puala thupui thlan chu ‘Ram tikanglo turin mitin i fimkhur ang u’ tih a ni.
He hun hi Champhai DFO & Member Secretary, District Level Fire Prevention Committee C.Lalbiaka chuan kaihruaiin, VL Chama Hnamte, President, Sub-Hqtrs. YMA Champhai chuan Kangmei Ven Hapta hawnna thuchah a sawi a. Kangmei Ven Hapta puala Lirthei hmanga khawlai fang kuala, aurinna hmanga mipuite zirtirna pe a chhuak tur, Vehicle Rally Team pahnihte a  vailiam nghal a ni. 
VL Chama Hnamte chuan kangmei ven kawngah mitinte fimkhur a pawimawh thu a sawi a. Ram ngaw humhalh leh kang thelh kawngah tanrual a ngai a, a enkawltu vek kan nih avangin Department kutah chauh innghah mai thin loh tur a…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…