Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :

Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar chhuak thung a. Zokhawthar kawng dan hi tih tawp a nih a, bungraw phurh man a to a nih erawh chuan a man hi san theih reng a ni tih an tarlang a. Zokhawthar Welfare leh CTU buaina hi chinfel a nih hun an nghahhlel hle tih kan palai an hrilh.
Hetihlai hian CTU chuan Zokhawrthar atanga chawhmeh lakluh te chu an dan tel loh thu an sawi a, chawhmeh bakah tawih thei chi dang pánhnah te pawh an dang lo tih an tarlang a. Zokhawthar atanga nepnawi te erawh chu sumdawnna thil a nih avangin an dang thung niin kan palai an hrilh. Zokhawthar Welfare te chuan CTU te hian kawng an dan tirh hian chawhmeh leh engkim an dang a, mimal insakna tur bungrua thlenga an dan thu sawiin, tunah chawhmeh leh tawih thei thil te chu dang tawh lo mah se an lo dan tawh thin avangin a phurtute an tiral ti tawh niin kan palai an hrilh ve thung a. Engkim hi tlang thei vek se an
duh tih tarlangin Zokhawthar atanga Champhai pan engmah dan an neih loh thu an sawi bawk.
Hetihlai hian CTU te chuan nizan khan Addl.Secretary, Home changtu Lalbiakzama, Champhai-a lo chho chu kawm an tum a, Zokhawthar Welfare nen an buaina chu thlen tumin Zokhawthar Welfare in tukluih Donation an khawn chu an duh loh ber a nih
thu lo sawipui an tum thu an tarlang ve thung a ni.
Thu kan dawn danin, nimin tlai lam khan Addl Secretary ho hian CTU leh Zokhawthar Welfare hruaitute chuan meeting neiin, thutlukna mumal erawh an la nei thei mai rih lo va, vawiin chhun hian Circuit House-ah meeting hi nei zui leh turin ruahman a ni tih thu kan dawng.

GOOD FRIDAY PUALIN KTM :
Kar hmasa Zirtawpni khan Good Friday pualin Champhai KTM Family te chuan Charity Ride neiin Champhai District Hospital an tlawh a, damlo tanpui ngai chhungkaw thumte hnenah tanpuina an hlan.
KTM Riders' Association, Champhai District hi December, 2017 khan din a ni a, member 32 awm mekin tanpui ngaite tanpuiin an lo fehchhuak fo thin a, tun tum charity ride-ah hian member 20 an fehchhuak thei a ni.

ZANINAH TOURNAMENT ROPUI HAWNNA :
Zanin hian Rii & Hawla Inter Village Football chu hawnna hun neih a ni dawn ta.
He hun hi Govt. Champhai College Multipurpose Hall ah neih tur niin Laltlanthanga, Secretary MSSC chuan khuallian niin a hmanpui ang a, Tournament hi a hawng.dawn a ni. Lalbulliana, Hony Secretary hnen atangin report ngaihthlak a ni ang a, Oath Taking Tv. Lalthuammawia, FC Goa kaihhruaiin neih a ni ang, Khuallian hnen atanga thusawi ngaihthlak a nih dawn bakah C. Hualrikhuma, President CDFA leh IC Hranglura, Sr. Vice Presi-dent CDFA hnen atangin thusawi ngaihthlak a ni bawk ang Technical board lam kaihhruaiin Tie draw neih a ni ang a, Team tin ten an pool awmna tur theuh an pawt dawn a ni. Team Jersey phochhuah hun hman a ni ang a, Team tin te Jersey hi Team tin Model te'n an hachhuak ang a, zaithiam eng emaw zat an zai bawk ang. Rii & Hawla Inter Village Football Tournament hi naktukah khelh nghal a ni ang.

TUIALHTHEI DINHMUN :
Mizofed
Petrol : Service Tanky
Diesel : Free Sale
RC Filling Station
Petrol : Service Tanky
Diesel : Service Tanky
RD Filling Station
Petrol : Service Tanky
Diesel : Service Tanky

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…