Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar


A THLAWNIN UI HRI VENNA PE :

Inrinni khan World Veterinary Day 2019 chu hmun dang rualin Champhaiah pawh hman a ni.
He hun hi Champhai AH & Vety Department Hospital kawtah neih niin thupui atan ran hri ven hlutna tih hman a ni a, Dr. C. Lalsawithuama, Chief Veterinary Officer chuan an thupui denchhenin ui hri venna hi a thlawnin ui neitu kalkhawm te hnenah an pek tur thu an sawi a, ui a hri hi natna hlauhawm tak niin ui chauh ni lovin mihring te pawhin he ui a hri hi an kai theih avangin tihdam theih ni lo mahse ui a hri danna hi ngaih pawihmawh a tul thu a sawi a ni.
Dr C. Lalsawithuama chuan Ui hi ran dang te ang lo takin a vuhtu mihring te hian an ngainat bik thu sawiin kan chenpuiin kan mutpui a, kan inngheng hnai bik a, kan infiampui fo thin an nih avang in mi an seh hrim hrim bakah tihpalh thil thuah an ha in min hliam palh a awm thei a, heng te hi ui seh nen thuhmun reng a nih avangin a hlauhawm dan a inang reng a, a hun taka ui a hri danna hi kan lak thin a pawimawh a ni a ti. Mi kan changkang zel a, kan changkan zelnaah hian kan ran vulh te duatna kawngah pawh kan changkan tel zel a ngai a ni tiin an ui vulh te hri danna pe tura hruaitu te chungah lawmthu a sawi a ni.
World Veterinary Day 2019 hi Indian Veterinary Association, Mizoram State Vety Council leh AH & Vety Department Mizoram buatsaiha neih a ni a, he ni denchhen hian a thlawna ui hri danna pek thin a ni. He ni hi kum 2000 atang khan hman tan niin kumin hi a vawi 20 na a ni a, kum tin April thla chawlhkar hnuhnungber Inrinniah he hun hi hman thin niin Inrinni khan ui 32 te hnenah ui a hri danna hi pek a ni.

YMA IN KAWNG ENFIAH BIK :
Khawzawl khawpui chhung kawngpui, National Highway No. 6 Black topping thawh mek chu Inrinni khan Hermon veng Branch YMA ten an enfiah Kawngpui Black top hna thawh mekah hian kawng siam mek hel theihna kawng hnuai peng hmasak zawkah hel a nih loh avangin Hermon veng lama kawng Black top te hi Bitumen a ro that hma in lirthei in an chil khawk nasa hle a. Hermon Branch YMA hruaitute chuan hei hi tha an tih loh thu leh Black top tawh, lirthei in a chil khawk hasat zual lai chu Bitumen-a luan nawn leh an duh thu leh kawng Black top thar te a rochian hmaa lirthei in a rah lohna turin tuna kawng helna hnai zawk ni lo, kawng helna hmasa
zawk leh hla zawkah lirthei tlantir tawh ni se, an ti a; kawng siam hna viltute nen kawng siam zel dan turah ruahmanna an siam a ni.

BABY LEAGUE ZO :
Inrinni khan Young Legends League, Baby League ti a hriat bawk chu khar a ni. He hun hi Jonathan Lalngaihawma kaihhruain neih a ni a, 8 One Foundation neitu Sony Prakhar chuan Champhai naupangte  an ngaiiven thinzia sawiin an beiseina pawh a sang hle, a ti a. Nu leh pa te, an fate football a tuipui tak tak an awm chu lawmawm a tih thu sawin, an hlawhtlin theihna tura thawhpui ah a sawm a ni. He hunah hian Bengaluru Football Academy atanga lokal te hnen atangin thusawi ngaihthlak a ni a. Baby League hi nikum September thla atang khan khelh tan niin U-8, U-11 leh U-13 ah te team hrang hrang an awm a. U-8 ah Lions Team te an champion a, U-11 ah Bulls Team te Champion in U-13 ah Lions Team te an Champion.

MEIZIAL ZU :
Inrinni khan Champhai Anti-Tobacco Squad-te
chuan an Chairman, DC ni bawk Dr. Naveen Aggarwal, hoin Champhai Bazar tlawhin, mei zu mi 6 an man a ni. ATS Champhai chuan mipui te a hmun leh hun thliar thiam turin a ngen nawn leh bawk a ni.

BIAL INKHAWMPUI :
Zirtawpni zan atang khan Mizoram Presbyterian Kohhran chuan Pastor Bial tinah Bial Inkhawmpui an hmang tan a. Zirtawpni zanah Palai lawmna & Report inkhawm neih a ni a.
Inrinni khan Rorel a ni a zanah vantlang Pathian biak inkhawm neih a ni. Nimin Chawhma leh nizanah te vantlang Pathian biak inkhawm neih a ni a. Chawhnu inkhawmah Lalpa Zanriah Sakramen theh a ni a. Nizanah Bial Chairman kalchhuak ten Valedictory Sermon ngaihthlak a  ni bawk. 

VAIMIM EICHHE TU :
Zirtawpni khan Champhai District-a vaimim eichhetu Fall Army Worm puang mek chungchangah meeting neih a ni.
He meeting hi James Vanlalluaia, DAO chuan a kaihhruai a. Champhai district hmun hrang
hranga vaimim eichhetu Fall Army worm puang mek dolet dan tur te sawiho a ni ä. Heng
pangang hi an inthlahpun chak avangin bengchhit reng a tul thu te, enkawlna atan hian chemical atanga siam rannung thahna hlo
hman a nih avangin loneitute fimkhur tura hrilhriat a tul thu te tarlan a ni. He huna Circle
hrang hrang viltute tarlan danin pangang hi vaimim chinna hmunah chuan hmuh tur a awm tawh a; mahse, tam tak erawh a la ni lo
thung a. Circle in charge ten a tam thei ang ber loneitute lo be pawp turin ruahmanna an siam bakah, vaimim la him te chu IPM hmanga a
vendan ngaihtuah ni se, Light trap pawh a theihna hmu apiangah hmangin chemical erawh a tul tawpah lo chuan hman loh ni se, an ti bawk.

TUIALHTHEI DINHMUN :
Mizofed Pump
Petrol (ms) Free Sale
Diesel (hsd) Free Sale
RC Filling Station
Petrol (ms)  Service Tanky
Diesel (hsd) Service Tanky
RD Filling Station
Petrol (ms) Service Tanky
Diesel (hsd) Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…