Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar

SELING - CHAMPHAI DOUBLE LANE SIAM DAN TUR SAWIPUI :

Nimin khan Transport Minister, Champhai South Bialtu MLA ni bawk TJ Lalnuntluanga chuan a Office Chamber-ah National Highways & Infrastructure Development Corporation Limited (NHIDCL) General Manager, Sanjiv Jain leh Robina, EE PWD (Highway) te chu Seling to Champhai road (NH6 double lane)-a siam dan tur chungchang sawipuiin meeting a neihpui.
He lamlian siamna tur atan hian thla 2 chhung vela DPR peihfel tum a nih thu leh hnathawhna atan hian kum 3 chhung vel mamawh a nih tur thu Sanjiv Jain chuan a sawi a.(www.champhai.net) Hemi atana sum mamawh tura beisei chu Kilometre khat zelah Cheng Vaibelchhe 18 atanga 19 a ni tih a tarlang bawk. Hemi atana buaipui ngai tam tak a la awm dawn avangin May thla tawp khian consultant atana an rawih turte nen Transport Minister hovin meeting neih leh ni se, an ti a. Minister chuan he kawng sial tur hi a hlawhtlin ngei theihna turin theihtawp chhuah a State Sorkarin hmalakpui a inhuam thu NHIDCL General Manager hnenah hian a hrilh bawk.
Nimin tlai lam khan Transport Minister, TJ Lalnuntluanga leh Remliana Pangkhua, Councillor, Hill District Council (Bangladesh) chu Minister Office chamber-ah an inkawm bawk a. Remliana hi Lalchhuakliana Pangkhua, President, Pangkhua Social Welfare Organization (PSWO) Rangamati bakah MZP Gen. Hqrs President ten an tawiawm.
He inkawmhonaah hian Zofa/Zohnahthlakte inpumkhatn√° chungchang leh hmalak ho zel dan tur te, Mizoram leh Bangladesh insumdawn tawnna tur chungchang te an sawi a. Hemi atana hmalakna hmasa Indo-Bangladesh border ah Immigration & Integrated Check Post (www.champhai.net) siam tura ram pahnih Ministry of External Affairs ah theihtawp chhuaha hmalak atan chhunzawm ni se, an ti. Bangladesh a Zohnahthlakte nena insumdawn tawnna hi tihpuitlin theih a nih chuan, Silchar lam lungawi loh avanga kawng dan pin leh bungraw man to vak thinte kan pumpelh thei dawn a, nitin mamawh te man tlawm zawkin kan hmu thei dawn niin Minister chuan a sawi bawk.

GAMES VANGIN IN VIT :
Pathianni zan dar 10:30 vel khan Timothy Lalbiakzuala (22) mi chu RK Lalchungnunglura'n chemte in a vit a. Timothy Lalbiakzuala hi Aizawl lamah refer a ni.
Champhai Police Station atanga thu dawn danin Pathianni zan dar 10:30 vel khan Rahsi Veng Sabji Bazar-ah Mobile Games khel an chakloh avangin RK Lalchungnunglura (23) s/o Lalremkunga (fam) Rahsi Veng chuan chemte in Timothy Lalbiakzuala hi hmun li ah a vit a. A dar hmun hnih, a nak leh a malpuiah te hliam a tuar a. District Hospital,(www.champhai.net) Champhai panpui a nih hnuin Aizawlah refer a ni a. Lalchungnunglura chungah hian FIR thehluh niin Champhai Police te chuan an la nghal a, nimin khan thubuai siamsak niin District Jail ah dahluh nghal a ni.

CHAMPHAI CIRCLE A BUH THAR :
Nikum 2018 chhung khan Champhai Circle ah buh qtl. 9546 tharchhuah a ni.
Nikum khan Champhai ah buh chi DRRH2 leh CAUR1 te chu lo neitute hnenah pek niin Champhai Circle bikah buh qtl. 9546 thar chhuah a ni. Buh thar chhuah zat hi report pek mek zel niin report dawn tawh atangin Hnahlan Circle in buh qti. 4215 an thar a, Khuangleng Circle in qlt. 11,572 thar in Ngopa Circle in qit. 4307 an thar a; Khawzawl (www.champhai.net) Circle in qtl. 4344, Khawhai in qtl. 1753, Vaphai in qtl. 7283 tharin Kawlkulh in qtl. 2950 an thar bawk.
Champhai District chhung a lo neitute buh thar zat report dawn tawh zawng zawng hi qtl. 46,070 a ni a, report thehluh kim a la nih loh avangin kum 2018 chhunga buh thar zat hi hriat theih a la ni lo va, report dawn tur atangin a chanve chauh dawn a la ni.
Hetihlai hian kum 2017 khan Agriculture Department chuan lo neitute hnenah buh chi DRRH2 leh CAUR1 bawk hi an pe chhuak a, Champhai District in buh qtl. 85,021 a lo thar chhuak tawh bawk a ni.

CHAMPHAI-AH IN SAK TANPUINA :
UD&PA Department hnuaia PMAY : HFA (Urban) BLC chu Champhai khawpui chhungah hmalak chhunzawm zel a ni.
Insak tanpuina dawng hmasa turte hi Champhaiah mi 898 leh Biate ah mi 52 awmin, tunah hian Geo-tagging hi kalpui mek zel a ni a. Biate khua bikah chuan geo tagging 1st batch hi zawhfel tawh a ni a, Khawzawl leh Khawhai bikah hian pawisa dawn thuai beisei a ni. Insak tanpuina Pawisa hi Cheng Sing 6, Cheng Sing 6 leh Cheng Sing 3 in an insak stage a zir zela pek an ni ang a, Beneficiary Share Cheng Sing 5 chu beneficiary tin ten lo nei ve tura ngaih an ni. Geo-tagging tih tawh te hi a dawngtu tur chu Aadhaar leh Bank Passbook kengin (www.champhai.net) UD&PA Office ah PMAY MIS Portal-ah finfiah nawn leh tur a ni bawk. Insak dan tur hi a dung metre 8.45 leh a vang metre 3.82 aia te a sak phal a ni lo va. Drawing hi office ah ngaihven tur a ni a, Beneficiary Share hmanga tuna Insak bul lo tan tum ten office ah insak tan hmain in report tura tih a ni bawk.
Insakna dawng turte hian insakna hmun an nei ngei a ni tih an insakna hmuna VCP te hnen atangin 'NOC' an la tur a ni a. He scheme hmanga in satute hi an insakna hmun ngeiah hian an awm tur a ni a, tihral a thiang lo bawk a. Pawisa pekchhuah, in sa lo an awm chuan an pawisa dawn lak kir leh thlenga action lak theih a ni tia an intiamkam hnuah PMAY Passbook pekchhuah tel an mi ang.

BUH AN TUH TAN TA :
Mizoram khawchhak tlangdunga tlangram loneitu eng emaw zat chuan tun lai hian buh an tuh tan mek a ni.
Ruahtui tlak dan a zirin March thla chawhma lamah tlangram lo hi hal ani thin a. Lo hal zawh atang hian bekte zar, mang khawh, thlai chi thlak leh thlam sak in a zui tlangpui a ni. April thla tawp atanga May thla chawhma inkar hian buh an tuh tlangpui a. Buh tuh hi ruahtui tlak hma, buh tuh atanga ni 2/3 hnua ruahtuiin a nan hian (www.champhai.net) tlangram lo neitute duhthusamani tlangpui Buh an tuh hma lutuk chuan savate'n an lo chhar zo a, buh tuh tlai avanga leihnawngin buh a tih-ui-ngho tawh hnua khuain a that hnan leh hian buh a to tha lo thin bawk niin loneitute chuan an sawi a. Chuvangin tlangram lo neih hlawhtlinleh tlinloh hi buh tuh hunah a innghat thui hle a ni. Khawbunga tlangram lo neitu tam zawkte chuan buh tuh tawhin, inlawm in hei hi an thawk thin a. Buh tuh hi kut ruala hna sawt a nih avangin midang lawmin an feh kual tawn thin a. Hei hian hnathawh a tihsawt bakah nunho a tinuam hle thin ni a sawi a ni.

TUIALHTHEI DINHMUN :
Mizofed Pump
Petrol (ms) : Free Sale
Diesel (hsd) : Free Sale
RC Filling Station
Petrol (ms) : Service Tanky
Diesel (hsd) : Service Tanky
RD Filling Station
Petrol (ms) : Service Tanky
Diesel (hsd) : Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…