Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar

SIK LEH SA INTHLANG DANGLAM NGHAWNG :

Ningani khan Mizoram Science, Technology& Innovaive Council hnuaia Mizoram Climate Change Cell leh DC Office Champhai tangkawp buatsaihin Govt College Multipurpose Hall-ah sik leh sa inthlak danglam zel nghawng  zirhona  "Climate Change State Champhai Awareness Prog' neih ani. 
Champhai Bawrhsap Dr Naveen Aggarwal chuan, Sik leh sa lo danglam ta zel chu khawvel kalphung mai piah lamah a tam zawk chu mihringten kan siamchawpa ni, a ti a. Sik leh sa inthlak avangin thlai chin dan leh hunte a lo danglam a, rannung atanga natna kai theihte a lo hluar zel avangin fimkhur a ngaih thu a sawi a. Ram tihkan nasat avang leh tul lo taka boruak tibawlhhlawh zawnga kan chet avangin sik leh sa a lo inthlak danglam a, a ven leh dawnsawn kawngah inpuahchah thät a ngai a ni, a ti.
Dr R.K Lallianthanga, Chief Scientific Officer &
Member Secretary, MISTIC, Directorate of Science and Technology chuan thu sawiin, Mizoramah sik leh sa danglam chak tak venna  kawngah zirtirna kalpui thin a ni a, mitinten mahni phak tawka mawhphurhna kan hlen theuh a ngai a ni, a ti a.
Loneitute tan buh leh bal leh thlai tharchhuah kawngah line department-te nena tangkawpa nakin hun ngaihtuah chunga hmachhawp siam
thiam a ngaih thu a sawi Chief Scientific Officer chuan Chaimphai District chu Mizo zinga mi challang tak tak lo chhuahna leh theihna sang tak nei a nih avangin sik leh sa inthlak venna kawnga mipui zirtirna leh hmalakna kawngah a thawhhlawk hle thei dawn tih sawiin, sik leh sa inthlak danglam zel chu khawvel huap ni mah se, mahni theihna zawn theuha tanlak chu mintin mawhphurhna a ni, a ti a. Mizoramah ngei pawh khaw lum a zual zel tih tarlangin, District hrang hrangahte khaw awm dan chipchiar zawka record-na tur hmanraw tha zawk bun tura hmalak tum a nih thu a sawi a. Kalkhawmte chu thahnem ngai taka ngaithla a, hriatchian duhte zawtfiah
tur leh zirtirna a taka hman tangkai tum turina
chah nghal ani.
He hunahhian Sikleh Sa inthlak danglam
chungchangah zirtirna hrang hrangte ngaihthlak a ni a. Lalthanpuia, Scientist B, Mizoram State Climate Change Cell-in Khawvel huapa climate change chungchang' tih thupui hmangin zirtirna a pe a. Dr James Lalnunzira Hrahsel, Project Scientist, Mizoram State  Climate Change Cell chuan 'Mizoram chhunga Climate chungchang' tih zirtirna  ngaihthlak a ni bawk.
Zawhna leh chhanna hun hawn niin, mithiamten zawhna te an chhang a. Esther Leihang, SDC Champhai chuan lawmthu  sawiin  zirhona hun hi a khar a ni. 

KHAWZAWLAH RUIHHLO MAN :
Khawzawl Police leh Khawzawl Group YMA tangkawp chuan Ningani kalta zan khan
Khawzawl Kawnzar venga In pakhat atangin ruihhlo hlauhawm tak Meth (Methamphetamine) mum 1,50,000 an man.
Khawzawl Police leh Khawzawl Group YMA-te hian Khawzawl Police thu dawn bawhzuiin Ningani zan dar 7:00 vel khan Kawnzar venga In pakhat, Larchhuakmawia kum 23, s/o Hmingthansiama, Tualpui khua luah lai atangin an man a, ruihhlo kaihhnawihah hian Larchhuakmawia leh ruihhlo la tura Silchar atanga lo kal; Alum Uddin Mazur Bhaya, kum 35 s/o Raskid Ali Mazum Bhawaya,
Chirukandi, Cachar Assam leh Husain Ahmed Mazarbhuiya (kum 45) slo Surafat Ali  Mazar Bhuiya, Chirukandi, Cacha Assam te man an ni a. ND&PS Act hmangin Khawzawl Police
Station-ah thubuai ziahluh a ni.
Heng ruihhlo hi Larchhuakmawia hian Zokhawthar atangin inhlawhin a la a, tun tum lo pawh hi vawi hnih a inhlawh tawh niin a insawi niin thu dawn a ni a. Khawzawl Police leh Group YMA te hian Silchar atanga ruihhlo phur tura lirthei nena lokal hnamdang pahnih ten Larchhuakmawia in luah lai an thlen rual hian an thleng ve nghal a, an ruihhlo man kaihhnawiah hian bike pakhat leh Silchar lama phurh thlak lehna tur ni-a rin maruti van pakhat an hreng bawk. Ruihhlo man tak zawng zawng hi mum 1,50,000 niin tualchhung hralhna %anga chhut chuan Rs. 2,70,00,000 man a ni.

BUNGRUA KAL TA: 
Ningani atang khan Zokhawthar Welfare leh CTU ten inremna an lo neih tawh angin kawng dan chu tih tawp niin lirthei eng chi pawh kal tlang theiha siam a ni leh ta a. Sumdawng bungraw phur lirthei erawh chu Mualkawi ramchhung Pi Khuangi Lungdawhah an inhlarn chhawng tan a, phurh
man erawh chu a ngai reng niin, Zokhawthar
atanga rawn phurtu ZTU te hian a man chanve an la a, Mualkawia bungrua lo la chhawng lehtu CTU te hian a man chanve an la veleh niin thu dâwn ani. 

GAS BUK TLING :
Nimin khan Legal Metrology Deptt a thawkte
chuan Gas bur lo thleng, trip 2 chu an enfiah a, buk tling lo awm lo vin mipui hnena sem turin phurh chhuah nghal ani tih thu kan dawng.

TUIALHTHEI 
Mizofed
Petrol : Free Sale
Diesel : Free Sale
RC Filling Station 
Petrol : Service Tanky
Diesel : Service Tanky
RD Filling Station 
Petrol : Nil
Diesel : Free Sale 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…