Skip to main content

Champhai Tualchhung Chanchinthar

MINISTER CHAMPHAI TLANGVAL IN CHAMPHAI HMASAWNNA :

Nimin chawhnu lam khan Transport Minister,
TJ Lalnuntluanga chuan Champhai District hma sawnna hrang hrang sawipuiin Chief Minister Zoramthanga chu a Office ah a hmu.
Champhai South Bialtu MLA leh Minister hian Champhai District hmasawnna tura ruahmanna a duan point hrang hrang a thlen te chu theihtawp chhuaha hmalak pui a tum thu Chief Minister chuan a lo hrilh a. District hmasawnna tura ruahmanna siam hrang hrangte hi chipchiar taka an thlirdun bakah hmalak zui dan tur an sawi dun a. Tunhnaia tihhlawhtlin theih mai tura beisei zingah, khualzin leh damlote chhawk zangkhaina atana Champhai leh Aizawl inkara Helicopter
service chu regular zawka neih a nih theihna turin thuneitute lo sawipui nghal a tum thu Chief Minister hian a lo hrilh bawk. Tun dinhmunah Champhai leh Aizawl inkar Helicopter service hi thla khat chhunga darkar 80 service tura ruahman a nih laiin, ruahman ang hian a service theih loh bakah, mipui mamawhna a san avangin tam zawka a service theihna atan hmalakpui turin Minister hian Chief Minister hnenah hian a ngen a ni.

VAIMIN EICHHE TU :
Mizorama vaimim eichhetu Fall Army Worm puang mek ven nan Champhai District  Agriculture Deptt-a thawkte chuan hma a la mek.
Champhai District chhung khaw hrang hrangah pangang hi hmuh chhuah tawh a ni a, tunlai hian SDO Khawzawl leh Circle officer te chuan an bial chhungah fehchhuakin he pangang awmna hmun nia report te chu an zirchiang a. Heng hmunah hian loneitute chu  pangang thahna damdawi hman dan zirtirin a damdawi hi a pe nghal bawk a ni.
Champhai District Agriculture Office chuan damdawi hi a tul ang a ngaihtuah zel bawk a, Champhaiah dah khawl sa aawm loh avangin  chah mek a ni a. He damdawi mamawhte chuan  District Agriculture Office-ah ngaihven theih niin a thlawna pek chhuah thin a ni. Hei bakah hian pangangin vaimim a tihchhiatsak loneitute chu a rang thei ang bera Agriculture office-ah emaw, bialtu Circle Officer hnenah emaw in report turin an ngen a. Pangangin a tihchhiatsak vaimin ching nawn duhte tan Agriculture Office-ah hian a chi lam theih a ni bawk.
Tun dinhmunah Mizoram pumah vaimim chinna hmun a tihchhiat zau zawng report  tawh hi hectare 1409 a zau a ni a. He pangang beihletna atan hian mumal zawka hma lak a nih theih nan Agriculture Department chuan State Level Fall Armyworm Rapid Response Team a din bakah Research Institute hrang  hrangte nen thawk ho turin hmalak a tum ani. 

THISEN PE :
Nimin khan Zote Branch YMA te chuan an Branch Golden Jubilee pualin a thlawnin thisen an pe.
Thisen pek hi Zote Community Hall-ah neih niin Dr. RE Lalremruata chuan, YMA te hi  khawtlang tan kan tangkai em em a, chhiat niah tlaivar leh thlan laih te kan kut ken thin  avángin a hah pawh kan hah thin a. Hetiang a nih mek lai hian khawtlangah heng chhiatna a thlen lohna tura kawng pakhat awm chu thisen pek hi a ni, a ti.
Nunna zawng zawng chhan thei lo mah ila thenkhat erawh chu thisen kan pek avang hian kan chhan thei a ni, a ti a. Thisen pek hi mihring tan a hrisel leh hrisel loh hi research neih a ni fo tawh a, mithiamte chuan thisen  pek hi a petu tan a hrisel zawk a ni tih hi an hmuh chhuah ala ni fo a ni, a ti a. Thisen pek hlau lo tur leh an hriselna vawng tha a, a mamawh te tana thisen pe zel turin kalkhawmte a sawm a ni. 
Thisen pek hi District Hospital Blood Bank-a thawktute chuan a hmunah kalchilhin thisen
hi an laksak a, mipa 20 leh hmeichhia 3 ten pe in thisen Unit 23 an pe thei a ni. Kum 1969,  April ni 30 ah Zote Branch YMA hi an ding tan a, nimin kha an Branch Rising Day niin October thla tawp lamah Golden Jubilee lawmna hur hman tumin inbuatsaihna kalpui mek a ni.
Zote Branch YMA te hian ram Hec. 9 vela zau Park an nei a, helai hmunah hian lengvak an awm ve reng thin a. Helai hmuna leng te hian an thil eina emaw bawlhhlawh ang chi reng reng chu a paihna tur lei an laih khuarah paih hram hram turin an ngen a. A hmun hi Far hmun anih avangin kangmei a chhuah hma thu sawiin fimkhur pui turin an sawm bawk a ni. 
Zote Branch te hian Sathar an enkawl mek a, nikum khan an pul deuh vek a, a dam la awm chhun te zinga mi pakhat chu hun rei vak lo kal taah khan mi kut tuarin a thih thu tarlangin, heng sathar te hi kut hlei thil a ti  hlum mai mai lo tur leh a enkawl leh humhalh kawnga pui zawk turin mipui te an sawm a ni.

RUIHHLO MAN :
Nimin tlai dar 4:15 vel khan Zokhawthar road
dumping ground pengah Excise &Narcotics En-
forcement staff te chuan Heroin hawng khat
(11.3gms) an man a, a neitu-a puh Chingdeihnovi (45) d/o Lamliana, Hrianghmurn, Champhai District an man bawk a. ND&PS Act hnuaiah thubuai ziahluh nghal ani

MFA SEMI FINAL :
Lawngtlai-a MFA Cup khelh mekah vawiin tlai
lam dar 3:00 hian Champhai District aiawh
Kahrawt FC leh Aizawl District aiawh Aizawl


FC te chuan semi final an khel dawn.

TUIALHTHEI DINHMUN :
Mizofed Pump
Petrol (ms) Free Sale
Diesel (hsd) Free Sale
RC Filling Station
Petrol (ms)  Service Tanky
Diesel (hsd) Service Tanky
RD Filling Station
Petrol (ms) Free Sale 
Diesel (hsd) Free Sale 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…