Skip to main content

SPIRITUAL CONVENTION VAWI 12NA

SPIRITUAL CONVENTION VAWI 12NA : Nizan atang khan Mizoram Students' Evangelical Union te chuan Spiritual Con- vention vawi 12 na an hmang tan. Spiritual Convention vawi 12 na hi Champhai Vengthlang Presbyterian Kohhran ah nghah niin, nimin khan mikhual an thleng tan a, Counter hrang hrang siamin mikhualte hi hmuah an ni. He convention ah hian thupui atan Lalpa Hmantlak, II Timothea 2:21 thu chuhman a ni a, Speaker atan Rev. Dr. R. Lalthanmawia hman a ni dawn a, a hnen atang hian thupui ngaihthlak thin a ni ang a, Pathianni ah a tiak ang. Spiritual Convention ah hian Mizoram chhunga College leh Higher Sec. School hrang hrang 19 atangin zirlai kalkhawm a, Palai 1300 vel kalkhawm tura beisei a ni.

Champhai Tualchhung Chanchinthar

CHAMPHAI NULA CHHUANAWM VANLALREMI :

Mizoram Board of School Education chuan nimin khan Higher Secondary School Leaving Certificate Examination result a tichhuak a, Commerce Subject-ah K.Vanlalremi, Champhai chu Top 10-ah a lang.
Arts Subject-ah Champhai atang hian Govt GM Higher Secondary School chuan candidate 161 neiin, 122 an pass a, mi 6 chu distinction-ah pass a ni. Einstein Higher Secondary School chuah candidate 99 neiin 77 an pass á, an zinga mi 3 chu distinction-ah an pass bawk. Chámphai Higher Secondary School candidate 17 zinga 14 an pass a. Zokhawthar Higher Secondary School-ah exam mi 15 atangin 13 an pass bawk.
Govt Khawzawl HSS chuan candidate 61 neiin, 59 an pass a, GovtNgopa HSS atangin mi 19 an exam a, 12 an pass bawk. Govt TM HSS, Farkawn atangin candidate 16 zingah mi 13 an pass a; Govt Eastern HSS, Biate atangin mi 20 exam zingah 16 an pass a ni. Sialhawk HSS candidate 14 zinga 11 an pass a, Govt Khawbung HSS candidate 23 zingah fail an awm lo a ni. Govt Hnahlan HSS-ah candidate 18 awmin mi 14 an pass bawk.
Science Subject-ah Govt GM HSS chuan candidate 60 neiin, 39 an-pass a, distinction-ah pakhat a pass bawk. Einstein HSS chuan candidate 9 neiin 1 a pass a, Govt Khawzawl HSS-á candidate 22 zingah 120 an pass a ni.
Commerce Subject-an Govt GMHSS atangin mi 43 an exam a, 36 an pass a, distinction-a pass mi pahnih an awm a. K. Vanlalremi,d/o K.Lalbiakdika chu top 10-ah hian a langani. Champhai Higher Secondary School chuan candidate 4 neiin 3 an pass bawk. Vanlalremi hi Sawrkar School atanga Top 10 a lang awmchhun a ni.
Compartmental chance nei mi 206 tan hian MBSE chuan Exam nawn leh hun atan thla thar June ni 6 a ruat a. School, Govt. Mizo HSS, Aizawl;Govt.GMHSS, Champhai;St. John's HSS, Kolasib; Govt. HSS Lunglei; Govt.Region HSS, Lawngtlai; Govt. HSS, Mamit; Govt.HSS, Saiha leh Govt.HSS, Serchhip-ah te subject bat neite an exam leh thei dawn a. Exam tur te hian tun thla ni 24 thleng Passport size thlalak copy 1 leh certificate nen exam centre Supdt hnenah dilna theh luh tur a ni.

TUI HARSATNA :
Tunlai hian PHE Dept chuan ni tin tui darkar 17 atanga 18 chhung an pump thin.
PHE Department hnen atanga thudawn danin tunlai hian nikhatah darkar 17 & 18 tui an pump tlangpui a, darkar khatah tui ltr.1,60,000 an pump hman a, ni tin ltr. Nuai 28 an pump ziah a ni. Heng an tui pump chhuah atang hian emergency atan Itr Nuai 1.6 an dah tha a, Itr.Nuai 27 vel chu mipui hnenah an semchhuak leh thin a ni. Tunah hian Champhai ah tui connection la 4900 an awm mek a, PHE Department hnen atanga thudawn danin connection la chhungkaw 4900 te hian PHED in an tui
semchhuah Nuai 27 hi an khamkhawp meuh lo va, hei aia tui tam zawk nikhatah pump turin hun-in a daih loh thu dawn a ni.
Hetihlai hian Vaikhawtlangin Tui harsatna an tawk mekni a sawi awm chu a bialtu JE dam loh avangin a chhan engmah an hriat rih loh thu an sawi.

MEETING NEI :
Nimin khan Champhai a Oil Depot pathum neitute leh MJA-te chuan Circuit House-ah an hmalakna leh mipui tana an rawngbawlna hrang hrangte leh an harsatna tawh hrang hrangte inpawhtlan takin an sawiho a. Champhai khawpui chhunga mipui tana hmalak zui zel dan turte an sawiho bawk.

TUIALHTHEI DINHMUN :
Mizofed Pump (Jail Veng)
Petrol (ms) Free Sale
Diesel (hsd) Free Sale
RC Filling Station (Zote)
Petrol (ms)  Service Tanky
Diesel (hsd) Service Tanky
RD Filling Station (Ramhrangkawn)
Petrol (ms) Service Tanky
Diesel (hsd) Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…