Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar

DUAL CITIZENSHIP NEIH KAWP THEIH A NILO - LARSAP :

Mizoram Larsap Professor Jagdish Mukhi chuan Indo-Myanmar Border Trade Point-a insumdawn tawn leh intlawh pawh tawnna chu Free Movement a nih rualin, dan in a phal loh (Illegal goods) hmanga sumdawnna kalpui a thian loh thu nimina lehlanga Champhai lehIndo-Myanmar Border Trade Point a tlawhnaah a sawi.
Larsap hian sorkar laipui flagship programme : RGGVY, Swachh Bharat Mission leh PMUY hamthatna dawngtu chhungkuate a tlawhkual bakah Indo-Myanmar Border Trade Point-a ramri a enfiah bakah ramri venghimtu Assam Rifles in an hmalak dan tlangpui Larsap hi an hrilhfiah a ni. Governor hi nimin chawhma lam khan Champhai Helipad-ah sorkar hotuten lo dawngsawngin, ram pa nih insumdawn tav nnahmuna ramri lei atļawh bakah ram ri venhim hnathawktu 10 Assam Rifles Major Sunil Patel chuan Zokhawthar-a AR Sipai hmunah an hmalak dan tlangpui a tarlang a. Larsap Professor Jagdish Mukhi chuan thahnem ngaihna avangin ramri kianga mipui te thlamuang takin an awm theih phah a. Media te a chak tawh avangin engkim chawpchilh a hriat nghal zel a nih vang hian Sipaiten dan ang taka chet la thin turin a fuih a. Sorkar laipui Flagship programme te thingtlang kilkhawr berah pawh tihhlawntlin a ni chu lawmawm a tih thu a sawi.
Nimin chawhnu khan Champhai Circuit House-ah Sorkar Department hotute hma a thu sawiin, Larsap chuan Inbiakpawhna leh inkalpawhna bakah ramri dep hmuna chengte tihhmasawnna tur kawng hrang hrangah an la hnufual hle tih tarlangin, nasa taka tanlak a tul thu a sawi a. Indo-Myanmar Border Trade Point chungchang tarlangin Larsap chuan, helai insumdawn tawn leh intlawhpawh tawnna hi Free Movement a nih rualin, dan in a phal loh hmanga sumdawnna kalpui a thiang lo va; engkim dan ang taka kalpui a tul thu leh India danpuiin khua leh tui nihna neih kawp a phal loh avangin helai hmunah pawh hian Dual Citizenship neih theih a nih loh thu a sawi.
PM Narendra Modi-a kaihhruai NDA sorkar chu Hmarchhak mite tan malsawmna a nih thu sawiin, hmasawnna kawng tin rengin mipui a tuam mek a. A sorkar hnuaiah NE bikah Rel kawng thar 15 tlantir a nih thu leh Guwahati Airport chu India ram Airport lun ber 7-na ni mekin, ram dang tlawh tur thlawhna thlawhchhuah tir mek a nih thu leh International Airport pawimawh tak ni turin chei bawl mek a ni tih Larsap Jagdish Mukhi chuan a sawi a. Kum 2022 khian sorkar laipui chuan Loneitute buhbal thar chhuah chu a leta tihpun a nih ngei theih beiseiin, Agriculture & Allied Sector-ah nasa taka tanlak a nih tur thu a sawi bawk.

VAIHLO DUHLO BER PAHNIHNA :
Nimin khan State Level National Tobacco Control Programme Review Meeting, neih a ni a, Champhai District Tobacco Control Cell te chuan lawmman pahnihna an dawng a, lawmman hi CMO Dr Vanlalnghaki leh DMS Dr. Zatluanga ten an dawng. Champhai District Tobacco Control cell hi Dr R. Lianmawia, District Nodal Officer kaihhruaina hnuaiah Staff 4 ten an enkawl mek a. Meeting-ah hian CMO zawng zawngte TC Guidelines for law enforcers copy 1 theuh pek an ni a. Champhai District Tobacco Control cell te hian kum 2018- 2019 chhung khan Awareness Prog. tum 77 leh training vawi 11 an nei a Anti Tobacco Squad
Drives vawi 91 neiin District nei tha ber an ni a, Meeting vawi 48 an nei a, Client 346 neiin an Quit rate hi 24.70 a ni.

VANDUAI :
MFA Cup 2019 Lawngtlaia khelh mekah nimin khan Champhai District aiawha kal Kahrawt FC te chuan Semi final-ah Aizawl FC Jr. bitumin 1-2 an hneh zo lo va, he inkhelah hian Aizawl FC Jr Player F Lalhmangaihzuala leh David Lalhlansanga ten goal
an khung a, Kahrawt FC tan Lallawmawma'n an siphurh sut then mah se hun tawp thlenga goal dang luh belh lovin Aizawl FC Jr. lakah hian 1-2 in an chak zo ta lo.

TUIALHTHEI DINHMUN :
Mizofed Pump (Jail Veng)
Petrol (ms) Free Sale
Diesel (hsd) Free Sale
RC Filling Station (Zote)
Petrol (ms)  Service Tanky
Diesel (hsd) Service Tanky
RD Filling Station (Ramhrangkawn)
Petrol (ms) Free Sale
Diesel (hsd) Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…