Skip to main content

Champhai Tualchhung Chanchinthar

DIPRO IN ACCREDITED JOURNALIST CARD HLAN :

Nimin chawhnu khan Champhai District atanga Mizoram Accredited Journalist atana thlan thar mi 13-te hnenah Champhai District Information & Public Relations Officer (DIPRO) Dr Lallawmkima chuan Press Accreditation Card a hlan.
Accreditation Card inhlanna hun hi DIPRO Office Chamber-ah neih niin Dr Lallawmkima chuan Chamiphai District chhunga Chanchinbumi 13 te Mizoram Accredited Journalist atana State Sawrkarin a rawn thlang chu lawmawm a tih thu leh, Accredited Journalist tharte chu thinlung taka a lawmpui thu a sawi a. Press Accreditation chu Sawrkarin Chanchinbumite a hriatpuina leh nemnghehna pawimawh tak a ni, a ti a. Sawrkarin Journalist-te tan hamthatna hrang hrang a siam sak thin thu sawiin, sawrkar policy leh hmalakna hrang hrangte mipui zirtir kawnga Chanchinbumite hnathawh chu fakin, tunhnaia Vaimim hmun suasama.
Loneitute tibuai em emtu Fall Armyworm (FAW) pangang puang dona kawnga Sawrkar an tawiawmna te chu fakawm a tih thu a sawia. Mipui rawngbawlsak leh Zirtirna kawngah sawrkar tawiawm zel thin turin a sawm a ni Mizoram Accredited Journalist thlan tharte chuan Sawrkarin a hun tak leh hma thei ang bera Accredited Journalist thlang fel a, Accreditation Card a
semchhuak  thei chu lawmawm an tih thu an tarlang a ni. Nimina Accredited Journalist-te hnena semchhuah Press Accreditation Card hian May Ni 1, 2019 atanga March, 2021 thleng a huam dawn a. Accredited Journalist thlan thar 10 te hi Champhai khawpui chhunga Chanchinbumite niin, a dang 3 te hi Khawzawla Chanchinbumite an ni.

KHAWTHALO NATNA BEIHPUI THLAK :
Nimin khan Champhai District Hospital OPD-ah ni 28 May 8 June 2019 chhung awh tur Naupang kum 5 hnuai lam kawthalo do beihpui thlak, Intensified Diarrhoea Control Fortnight chu Dr Zatluanga, DMS chuan a hawng.
Hawnna hun hi Dr Vanlalnghaki, CMO Champhai chuan kaihruain, Kawthalo avanga naupang thihna thleng thin chu India Sawrkarin do beihpui a thlakna a ni, a ti a. Kawthalo avanga naupang thihna a thlen tawh lohna turin Dept thawktute leh mipui kan thawhho a ngai a ni, a ti bawk. Kawthalo do beihpui, Intensified Diarrhoea Control Fortnight chuan District pum a tuam tur thu sawiin District Hospital, CHC, PHC leh Health Sub Centre-ah te Dept thawktute leh Asha te kaihhruaiin ORS leh Zinkas-te sem a nih tur thu a sawi bawk.
Dr Zatluanga DMS chuan thu sawiin, Kawthalo avanga thihna a awm tawh lohna turin mipuite'n Hospital changtlung tak kan neihte hman tangkai nachang kan hriata ngai a ni, a ti a. A hun taka Damdawi in pan lo te'n an thihpui fo thin avangin mithiam zawkte rawn vat nachang kan hriat a, Doctor-te damdawi chawh ang te ei zo va, ahuntaka ei apawimawh ani, ati. Sawrkar laipuiin mipui hriselna angai pawimawh em em a, Kawthalo do beihpui thlak pawh hi mipuite'n hlawk taka kan hman ngei ka beisei a ni, a ti bawk.
Dr Biakthansangi pawhin thu sawiin, India ram hi khawvela Kawthalo avanga thihna thleng percent tisang tu a nih thu leh, Kawthalo lan chhualh dan leh a enkawl dante chipchiar takin a tarlang a. Dr B Lalramchhuangan lawmthu sawiin he hun hi a khar a ni. Hawnna hun hmanzawh hian ORS leh Zinkal-te a thlawna sem nghal a ni bawk.


ZIRLAI TI THA CHAWIMAWI DAWN :
MZP Headquarters Champhai te chuan kum danga an lo tih thin angin HSLC leh HSSLC-a an huam chhunga zirlai titha te chawimawina hun chu Zirtawpni chhun 12:00 hian Govt. Champhai College Multipurpose Hall-ah an nei dawn.
Zirlai chawimawi tur chin hi Champhai zirna in atanga HSLC Distinction a pass chin, HSSLC ah First Division chin, top 10 leh 100 percent School te an ni dawn a. Champhai zirna hi a tha tawk a ni tih lan tir nan heng an chawimawi turte hi Champhai zirna ina zir ngeite an nih thu MZP Hqrs Champhai chuan sawiin, zirlai chawimawi turte leh an nu leh pa te tel vek turin an ngen a. Champhaia zirna in hrang hrang te leh khawtlangin hma a sawn theih nan Ni 13.5.2019 khan MZP Hqrs hruaitu te chu President H. Lalramhluna hoin Aizawlah Office te dawrin an kal a, Govt. Champhai College zirtirtu indaih lohna te dil belh a ni a, History subject chu session tan hma ngeia dah belh turin Mizoram sawrkar an ngen a. MA zirna hawn a nih ngei theih nan thuneitu te an sawi pui bawk.
Champhai North bialtu MLA ZR Thiamsanga leh Champhai South bialtu MLA, Minister TJ Lalnuntluangte an chenna inah kalin champhai mamawh chi hrang hrang te an sawipui a, Bialtu MLA pahnih ten hma an lakpuinaah lawmawm thu sawiin, a tak tak leh nasa taka thawk Champhai in MLA a nei chu MZP chuan lawmawm a tih thu an sawi.


VAIMIM ENFIAH :
Agriculture Department chuan Khuangleng Circle hnuaia vaimim chin chu nimin khan an enfiah.
Agriculture Dept hian tunlaia Mizorama puang mek, vaimim eichhetu Fall armyworm chet dan chu Khuaitlang zauvah an enfiah a, he hmun hi Leisenzo leh Sesih-in Lo an neihna a ni a, Deparment Staffte bakah hian FOCUS staff te an tel bawk a hi He hunah hian pangang puang venna tur hian pheromone trap chu Leisenzo leh Sesih Br.YMA leh VC te puihna hi kam nghal a ni bawk.

CHAMPHAI NORTH MLA LOKAL DAWN :
Champhai North bialtu MLA Dr ZR Thiamsanga chuan naktuk hian Champhai-a cham turin Aizawl atangin a rawn chho dawn a, Rabung leh Aiduzawl a rawn tlawh chho nghal ang.
Zirtawpni chawhma lama Venglai Community Hall-a District level consultation meeting, FOCUS Champhai district neih turah khuallian niin hun a hmang ang a, chhuna MZP Hqrs Champhai-in zirlai chawimawina an neih hunah khual zahawm a ni ang. Champhai-ah Inrinni leh Chawlhni a cham ang a, Karleh Thawhtanni-a Champhai South HSS hawnna hun a hmanpui ang a, hemi hnu hian Aizawl panin a kir thla leh ang.


VOLLEYBALL TOURNAMENT :
HT Vanlalchhuanga Memorial Volleyball Tournament vawi 3-na leh a tawpna ni bawk chu Chhura Hmunah khelh mek a ni.
He Tournament-ah hian Team 9- Bethel Veng atangin Team 7 leh Vengthar leh Zion Veng atangin Team 1 ve ve an tel a. Champion hian Rs.10,000/-bakah trophy a keng tel a, pahnihna hian Rs. 5000/-leh trophya keng tel ang. Match tinah HT. Man of the Match thlan thin a ni bawk ang, He Tournament hi HT. Lalmalsawma ten kum 2010-a an nau boral ta HT. Vanlalchhuanga hriatreng nana an buatsaiha ni. Ruahman dan chuan 8.6.2019-ah Final khelh tum ani. He Tournament hi Bethel Veng leh an hnen atanga indang Vengthar leh Zion Veng te tana buatsaih a ni.

TUIALHTHEI DINHMUN :
Mizofed Pump (Jail Veng)
Petrol (ms) Free Sale
Diesel (hsd) Free Sale
RC Filling Station (Zote)
Petrol (ms)  Free Sale
Diesel (hsd) Service Tanky
RD Filling Station (Ramhrangkawn)
Petrol (ms)
Diesel (hsd) 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…