Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar

BETHEL MISSION SCHOOL TE MISSION ROPUI :

Nimin khan Mizoram Board of School Education chuan High School Leaving Certificate Exam 2019 Result a tichhuak a, Champhai atangin mi pahnih CL Kimteii leh R.Lalrinmawii te chu top 10-ah an lang.
Nimina HSLC exam result tihchhuahan hian Larinnung, St Joseph Higher Secondary School, Aizawl chu pakhatna a ni a, mark 500-ah mark 486 a hmu a ni.
Top 10-ah hian Bethel Mission School zirlai pahnih CL Kimteii, B.Zelkhangoa fanu leh R.Lalrinmawii, R.Ramtharnghaka fanu, Champhai Bethel Venga mite chu 10-na ve ve an ni a, mark 464 ve ve an hmu a ni.
HSLC exam hi Mizoram pumah candidate
17,346 an awm a. Mi 11,783 an pass-in pass percentage hi zaa 67.93 a ni. Pass zinga mi 1177 chu distinction-ah pass in, 1st division-ah mi 3280; second division-ah mi 4051 leh 3rd division-ah mi 3275a n pass a ni. Exam zinga 8328 hi mipa niin 9018 chu hmeichhia an ni a, mipa hi 5778 an pass a, hmeichhia 6005 an pass bawk a, mipa pass percentage hi 69.38 a ni a, hmeichhe pass percentage hi 66.59 a ni. Compartmental exam tur hi 469 an awm a, fail hi mi 5094 an awm bawk. Compartmental exam turte tan hiant un thla ni 17 thleng form fill up theih a ni a, Champhaiah chuan Govt GM High School chu exam center a ni ang. Champhai District-ah chuan matric exam hi 1881 an awm a, heng zinga mi 80 chu distinction-ah an pass a, 1st division-ah mi 283; second division-ah mi 482 leh 3rd division-ah mi 422 pass in, pass percentage hi zaa 67.36 a ni Champhaia zirna in zingah Bethel Mission School, BC Lalthlamuana English Academy leh King Solomon's School te chuan fail an nei lo va, Dulte High School bakah Khawzawl-a Model High School, St Joseph School leh Presbyterian English School, Khawzawl Vengthar atanga matric exam te chu an pass kim a. Govt Bungzung High School, Lurhtlang High School, Thekte High School leh Chiahpui High School ten fail an nei lo bawk. Hetihlai hian Comprehensive English Medium School, Sesih; Govt Vanzau High School leh
Rullam High School te chuan zirlai pass an nei lo thung.

KUM 18 CHHUNG HREHAWM TAKA TANG TURIN A CHUNGTHU REL :
Nimin khan Lalzawmliana, Kum 19, Ramliana fapa, New Champhai-a khawsa thin chu Special Court Judge, R. Vanlalena chuan Kum 18 chhung hrehawm taka jail tang tur leh pawisa Cheng 5,000- chawi bawk turin a hrem.
Pawngsualtua puh Lalzawmliana hi Myanmar lam mi niin an chhungkaw harsatna avangin New Champhaia an chhungte bulah a khawsa a. Kum 2017 khan hmeichhe naupang kum 7 mi vel khuaikhema puh niin hmeichhe naupang nu chuan Champhai Police Station ah FIRa thehlut a. Champhai Police te chuan he thubuai hi bawhzui nghalin pawngsualtu a puh hi an man nghal a, Court-ah kalpuiin Jailah dahluh a ni. Police ten thubuai an chhui zawh hnuah Charge sheet chu Court ah thehluh a ni a.
He thubuai hi Champhai Special Court chuan rel nghalin thuhretu hrang hrangte thu a zawtfiah a. Court chuan pawngsualtu-a puh Lalzawmliana hi a thiamthu sawi ngun taka a ngaihthlak hnuah thiamloh chantirin hrehawm taka kum 18 chhung Jail tang tur leh pawisa Rs 5000/ chawi turin a hrem a. Pawisa chawi tur hi a neih loh chuan thla khat dang Jail tan belh turin a chungthu hi a rem bawk.

PWD ZIRHONA HMANG :
Nimin chawhmakhan I&PR Auditorium, CHANEM Building-ah One Day training on the right of PwD Act, 2016 zirhona neih a ni a, he hun hi Liansangzuala Chhakchhuak, Addl. DC Champhai chuan khuallian niin a hmanpui.
Khuallian chuan thu sawiin, India hi UNO member a nihna angin 2007 a New York-a convention an neiha rual banlonte'n chanvo
an nei ve a ni tih an sign ve atanga PwD Act hi India rama rawn irhchhuak ve tana ni, a ti a. Accident tawh avanga rualban lote leh kum upa, tar a te chu rualbanlo atan pawm a ni tawh ani, a ti bawk. Khawvela rualbanlo 80% hi ram changkang lova awm an ni tih a tarlan bakah an chanvo kan hriat chian tawk loh avangin harsatna an la tawk fo tih a tarlang.
Kalkhawmte chu ngunthluk taka training nei tura chahin duhsakna a hlan bawk.
C.Labiakzauva, DEO leh DPC, RMSA Champhai pawhin thu sawiin, Rualbanlote hi School ah en hranna a awm tur a ni lo va, naupang dangte ang bawkin zirtirna an dawng tur ani, a ti. Mizo society hian rualbanlo dawnsawn dan kan thiam tawk lo va, chhawnchhaih hi kan nuam tih zawng tak a la ni hi thil pawi tak a ni a, kan thanharh a ngai a ni, a ti a.
Mi pangngai pawh hi kan cheibawl dan a zirin mi pangngai lovah kan chhuah thei tih kan hriat a tul a ni, a ti. Mihring reng reng hi kan nih tawh piah lamah kan in dawnsawn dan leh kan in chhawnchhaih dan hian a tha zawng leh a chhe zawngin nghawnga nei thei tih hi kan hriat reng a tul a ni, a ti bawk.
He hunah hian Resource Person Chuauzikpuii, MAW Asst Director (Rtd), SWD Aizawlin kalkhawmte a zirtir a ni.

ZIRTIRTU LA:
Champhai South bialtu MLA TJ Lalnuntluanga hmalaknaa Champhai Higher Sec. School din thar chuan nimin khan zirtirtu lakna atana interview buatsaihin, mi 6 lak thar an ni ta tih thu kan dawng. Bialtu MLA hian he school tan
hian computer set a pe a, Electric Veng VC te pawhin Rs. 17,500 an donate bawk niin thu kan dawng bawk.

TUIALHTHEI DINHMUN :
Mizofed Pump (Jail Veng)
Petrol (ms) Free Sale
Diesel (hsd) Free Sale
RC Filling Station (Zote)
Petrol (ms)  Service Tanky
Diesel (hsd) Service Tanky
RD Filling Station (Ramhrangkawn) 
Petrol (ms) Service Tanky
Diesel (hsd) Free Sale 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…