Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hin…

Champhai Tualchhung Chanchinthar

FLAGSHIP PROGRAMME CHUNGCHANG SAWIHO:

Nimin chawhma khan Prime Minister Flagship Programme sawihoin Champhai DC Conference Hall, Keifangtlangah Champhai DC hovin Head of Office hrang hrangte an thu khawm. 
He meeting, Champhai DC Dr.Naveen Aggarwal, IAS kaihhruaiah hian Champhai District chhunga Head of Office hrang hran─čte chu anmahni Dept hnuaia awm leh hmalakna awm tawh te sawiho a ni a. Hei bakah hian Scheme danga hmalakna te pawh sawiho niin hmalakna awm theite sawi a ni bawk. Dept hrang hrangte'n an hnathawh te report pe in harsatna an tawh te leh an hmabakte an report bawk. Champhai DC chuan hetianga sawihona hun zau tak neih theih a ni chu lawmawm a tih thu sawiin, nasa lehzuala hmasawna kalpui zel turin Dept hotu kalkhawmte chu a chah a. Harsatna an nei emaw hmalakna thar an duan te emaw puih theihna awm ang anga puih a in huam thu a sawi bawk.

OFFICE RAWK :
Nizan hmasa khan tu tih hriat loh te chuan DIET office, Zotlang a mi chu rawk.
DIET Office rawk a ni tih hi nimin zing Chowkidar office hawngin a office awmdan diklo a hriat hnuah hriat a ni chauh a. Rukru te hian DIET Office inhnuai ek in ventilation atanga lutin steel almira 3 an karchhia a, Steel Almera chhunga awm Laptop 2 leh Still Camera 1 an la niin thu dawn a ni a. DIET Office-a thawktute hian Champhai Police Station ah FIR thehlut nghal in Police te hi a hmunah an kal in hma an la nghal a. DIET Office atanga thil bo hlut zawng hi Rs. 1,50,000 man bawr vel a chhut a ni a, DIET Office thawktute chuan Laptop leh Camera zuar an awm chuan thuneitute leh DIET Office lam hriattir vat turin mipui an ngen a ni.

EXCISE HMALAKNA :
April thla chhung khan Champhai District Excise & Narcotics Dept te chuan MLPC Act hnuaiah thubuai 15 an ziak lut.
April thla chhung khan Champhai District Excise & Narcotics Dept te chuan Rakzu litre 645 man a, Ramdang zu um 6 an man bawk a. Zu bilhna hmanrua Pot 27 leh Zu phurhna lirthei Ke pahnih nei 1 leh LMV 1 an man bawk Champhai District Excise & Narcotics Dept te hian Heroin Gram 0.175 leh Cough Cyrup 18 an man tel bawk a. MLPC Act hnuaiah thubuai 15 ziak lutin mi 12 an man a, ND&PS Act hnuaiah thubuai ziak lutin mi 7 an man bawk.

VAIHLO KAIHHNAWIH AWM LOHNA  :
Nimin khan Champhai Anti-Tobacco Squad te chuan Tobacco Free Village Ruantlang ah  Drive neiin, Tobacco Free Village Ruantlang khua dinhmun an zir chiang a, tam takah inthlah dulna lai a awm avangin BDO Ruantlang nena meeting neih vat tum a ni bawk.

PASS LAWM :
Nimin khan PES Zotlang chuan Zotlang Presbyterian Kohhran Senior Department Room-ah HSLC Result tihchhuah taka an school atanga pass chhuakte lawmpuin hun an hmang a.
He hun hi DIET Champhai Principal RL Thianghlima hmanpuiin fuihna thuchhah a sawi a ni. PES Zotlang hian zirlai exam 44 an neih zing atangin 43 an pass a, Distinction-ah 4, 1st-ah 17, 2nd ah 20 leh 3rd Div-ah 2 an pass a ni.

KUM 25 RAWNGBAWL :
Vawiin chawhma dar 11:00 atang hian Champhai tlangval pahnih Rev. Fr. John PKC leh Brother Anthony Biakthanpara te chuan Pathian rawngbawl tura dam chhunga an intiamna kum 25 tlin, Silver Jubilee chu Parish Hall, Chhura Hmunah ruai nen an lawm dawn.

TUIALHTHEI DINHMUN :
Mizofed Pump (Jail Veng)
Petrol (ms) Free Sale
Diesel (hsd) Free Sale
RC Filling Station (Zote)
Petrol (ms) Service Tanky
Diesel (hsd) Service Tanky
RD Filling Station (Ramhrangkawn)
Petrol (ms) Service Tanky
Diesel (hsd) Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…