Skip to main content

Champhai Tualchhung Chanchinthar

CHAMPHAI ṬHALAI PAWL TEN HMA LA :
Nimin chawhma dar dar 10:30 khan Champhai Thalai Pawl leh hun rei tak an lo ve tawh Champhai leh Khawzawl kawng inkar kawng chhe lutuk chhungchangah PWD Natioanal Highway Sub-Division 5 hotute nen inkawm ho na an nei. Champhai Thalai Pawl ten an tum dan tak chuan kawng chhe lai hi a hmun ngeiah PWD hotute nena enhoa sawiho an duh laiin khuain a bumro tak avangin an duh angin an ti thei ta la lo a. He hun rawn hmang tur hian Pi Lalbiakengi, SDO, PWD Natioanal Highway Sub-Division 5 rawn chho in harsatna chi hrang bakah Champhai Thalai Pawl ten an vei te sawihona hun an hmang a. Pi Lalbiakengi, SDO chuan tuna kawng kan siam mek hi chu in hriat tawh angin tun tum fur lo thleng turah motor tang leh tlu a awm loh theih nan Mizoram Sawrkarin theihtawp a chhuak vang a ni, Champhai leh Khawzawl inkar kawng  Repair and Rehabilitation of Existing Single Land Pavement form Km 10 to Km 150 on NH 6 (Champhai to Khawzawl) Rs. 23.64 crore hmang hian siam leh vat tu…

Champhai Tualchhung Chanchinthar

LONEITUTE HLAWK ZAWKA THLAI ENKAWL DAN ZIRTIR :

Nimin khan ni hnih awh tur loneitute hnena an thlai chin te enkawl dan leh a kalphung inzirtirna hun chu I&PR Auditorium, CHANEM-ah neih a ni a, DAO George Lalthanngura chuan a hawng.
Champhai DAO George Lalthanngura chuan thusawiin, Training hi koha nih avanga kal ve ngawt emaw, DA a awm dawn avanga kal ve sa tliah ni mai lo va, training a nih angà thiam thar pakhat tal nei turin training hlu tak an neih thin chtu rilru pe chunga hun hman tum turin a sawm a. An zir ho tur chu tunlai-a loneitu tam zawkte buaina tawh mek a nih avangin uluk taka ngaithla a, a la tawng ve lo te leh a tawng tawhte pawhin engtia tih zel tur nge a nih tih te an hriat theihna tur a nih avangin uluk taka thusawi ngaithla turin a sawm a. Thlai hrisel tha nei tura an tih tur pawimawh tak tak te an ngaihthlak tur a nih thu sawiin, ni hnih awh tur Loneitute tana zir hona hun buatsaih hi a hawng a ni.
He hun hi Lalthasangi, Course Co-Ordinator
chuan kaihhruaiin ni hnih chhung training an neih turah hian kal kim thap zel turin angen a, inhmelhriatna hun a hmang nghal a. Training-ah hian C. Lalhriatpuia, DPD & i/c PD; alzarzovi, AEO leh Dr. M Chinlampianga, DPD te chu resource person niin, anni hian thlai enkawl dan tur kawng hrang hrang zirtirna an pe a, thlai hrisel an neih theihna tura a bul thut pawimawh tak tak leh thlai hrisel lo a lo awm  chhan te an hnen atang hian ngaihthlak a ni a. Thlai tichhe thintu a hrik leh rannung chi hrang hrang chungchang te, thlai hrisel neih theihna tura a hmun lei tha leh hrisel neih dan te bakah thlai hrisel neih theihna tur kawng hrang hrang zirtirna an pe a. Thlai hrisel neih theihna tura a pawimawh berte zinga mi chu thlai chi, mithiamte'n a tha a, a hrisel a ni tih an chian chauh an hman a pawimawh a. Thlai chi hrisel nei turin Department kaltlanga dil leh zawh theih reng a nih thu te an tarlang a ni.
He hunah hian ATMA hnuai a lo neitu te,  ATMA farmer Friend te, Agriculture Department leh a kaihhnawih ataniga loneitu hrang hrang te'n he training hi chhimin loneitute tana bengvar thlak leh tangkai taka hun hman ho ani.

DOCTOR SIKSAWI :
Nimin khan Health & Family Welfare Department chuan Doctor an lak tharte awmna  hmun tur a siam fel rualin, Mizoram chhunga Doctor hrang hrangte awmna a siksawi nghal bawk a.
Hriat theih chinah Champhai CMO Dr Vanlalnghaki chu Dy Director (CMS) Zemabawkah sawn a ni a. Dr Lalhmingmawia (Surgery) chu Civil Hospital, Aizawlah sawn ani bawka. Dr Zosangliani chu Hnahlan PHC atangin Civil Hospital, Aizawlah; Dr Hillary Remsangpuii chu Farkawn PHC atangin
Kawlkulh PHC-ah; Dr R.Vanlalchhuangi chu CTI Sesawng atangin District Hospital, Champhai-ah rawn dah a ni dawn a. 
Doctor lák thar zingah Dr. Laltanpuia Chhangte, Zotlang, Lunglei (Opthal) chu District Hospital Champhai-ah; Dr. Lalruatliana Pachuau, AOC Veng, Serchhip (Surgery) chu District Hospital,  Champhai-ah; Dr. Lalrinhlui, Tuikhuahtlang, Aizawl chu Hnahlan PHC-ah; Dr Lalhminghlua, Venglai, Kolasib chu Rabung PHC-ah; Dr Benjamin Lalramchuana, Bethlehem Vengthlang, Aizawl chu Farkawn PHC-ah: Dr Vanlalmuankima, Khuangpuilam, Kolasib chu NE Khawdungsei PHC-ah; Dr Tawnsangzela Tonson, Tuithiang Veng, Aizawl chu Mimbung PHC-ah dah a ni bawk ang.

PROJECT TLAIZAWNG :
Champhai Nature Conservancy chuan Project
Tlaizawng chu a thawh hnihna atan naktuk hian an kalpui leh dawn.
Nikuma bul an lo tan tawh angin kumin pawh hian Project Tlaizawng chu CNC te hian an kalpui leh dawn a, naktuk hian CHANEM Building kawtah chhuak khawmin Champhai  khaw chhung hmun hrang hrangah Tlaizawng  phunin an hnatlang leh dawn a, he hunah hi GMHSS zirlaite chuan an tawiawm ang.
Project Tlaizawng an kalpui leh turah  Champhai mipui te chu thawhpui-ah an sawm a, Champhai timawitu leh khualzinte hiptu tha tak a la nih dawn avangin  Tlaizawng an phun tawh leh an phun leh tur te chu Champhai mipuite'n enkawl pui a a tichhetu ni lo va, a venghimtu leh enkawltu ni theuh turin mipui an ngen ani.

FIMKHUR TURIN CHAH :
Kawthalo do beihpui thlak mekah, PHE Dept
chuan a tam thei ang bera tui endik turin tan
an la mek.
Intensified diarrhoea control fortnight week hman mekah Champhai PHED chuan an tuisem tur te test tur an vai mek a, fur tui tlak tan dawnin naupang kawthalo hri a len thin avangin tui in turah fimkhur a ngai hle tih sawiin, Champhaiin kan tui rin ber Tuipui tui pawh uluk taka treatment pein hma an la mek a. Ruahtui leh tuikhur tuite in dawnin chhuanso hmasak zet loh chuan in loh a him ber tih sawiin tui thianghlim chauh in tura inzirtir a pawimawh hle tih an sawi bawk.

TUIALHTHEI DINHMUN :
Mizofed Pump (Jail Veng)
Petrol (ms) Free Sale
Diesel (hsd) Free Sale
RC Filling Station (Zote)
Petrol (ms)  Service Tanky
Diesel (hsd) Free Sale 
RD Filling Station (Ramhrangkawn)
Petrol (ms) Free Sale 
Diesel (hsd) Service Tanky 

Comments