Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Anganwadi Worker Training

Nimin khan Champhai Main Centre hnuaia ANM, ASHA leh Anganwadi Worker te tan Rotavirus Vaccine & Bridge training buatsaih a ni.
Training hi Venglai Community Hall ah neih niin, Dr. R.Lianmawia, District Immunization Officer chuan a kaihruai a. Dr. R.Lalawmpuia, CMO chuan Rotavirus Vaccine chungchang a sawifiah a ni.
CMO chuan Rotavirus in a thlen Kawthalo natna hi naupang zinga natna hluar ber leh thihna thlentu tam ber a nih thu a sawi a, August thla atangin Rotavirus Vaccine pek tum a nih thu a tarlang.
CMO chuan khawvelah, naupang thi za żela 9 chu kawthalo vang a ni a, hei hi kum khatah Nuai 2 bawr vel a ni, a ti a. India ramah hian kawthalo vanga thi hi za zela 20 vel an nih thu a sawi a. India ram State 11 ah he vaccine hi pek tura kalpui mek a ni a, Mizoram chu a pathumna atan kalpui mek a nih thu a tarlang.bawk. RVV hi luak leh kawthalo a nih thu sawiin, he virus hi natna inkai-chhawn awlsam tak a ni a, Thisen inpek vang
emaw a he natna hi kai theih a ni lo va. Kan ei leh in kan fimkhur tawk loh avangin kan inkai-chhawng thei a ni, a ti a. He vaccine hi a tui niin a thlawr chi a ni a, mipakhat tan far 5 zel far tur a ni a, vaccine hi a hlauhawm loh a, naupang tan lak ngei a tul a ni, a ti.
He hunah hian Dr. R. Lianmawia,chuan kawthalo thlen chhan hrang hrangte  tarlangin leh enkawl dan te a sawi a. Rotavirus hi naute leh ven theih a nih dan naupang bakah nu, naupai thlengin he natna hi kai theih a nih avangin naupang bakah nu, naupai chuan he vaccine hi a lak ngei ngei ngai a ni, a ti a. enkawl dan tur pawimawh tak tak te a hnen atang hian ngaihthlak a ni bawk.

Comments