Skip to main content

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Champhai Tualchhung Chanchinthar

CHAMPHAI ṬHALAI PAWL TEN HMA LA :


Nimin chawhma dar dar 10:30 khan Champhai Thalai Pawl leh hun rei tak an lo ve tawh Champhai leh Khawzawl kawng inkar kawng chhe lutuk chhungchangah PWD Natioanal Highway Sub-Division 5 hotute nen inkawm ho na an nei.
Champhai Thalai Pawl ten an tum dan tak chuan kawng chhe lai hi a hmun ngeiah PWD hotute nena enhoa sawiho an duh laiin
khuain a bumro tak avangin an duh angin an ti thei ta la lo a.
He hun rawn hmang tur hian Pi Lalbiakengi, SDO, PWD Natioanal Highway Sub-Division 5 rawn chho in harsatna chi hrang bakah
Champhai Thalai Pawl ten an vei te sawihona hun an hmang a.
Pi Lalbiakengi, SDO chuan tuna kawng kan siam mek hi chu in hriat tawh angin tun tum fur lo thleng turah motor tang leh tlu a awm loh theih nan Mizoram Sawrkarin theihtawp a chhuak vang a ni, Champhai leh Khawzawl inkar kawng  Repair and Rehabilitation of Existing Single Land Pavement form Km 10 to Km 150 on NH 6 (Champhai to Khawzawl) Rs. 23.64 crore hmang hian siam leh vat tur a ni a. Vawiin hi Tendar tawpni tur niin kumin chhung hian kan khawih hman turah kan ngai tiin a sawi.
Tunah hian Champhai - Khawzawl inkar kawng a Motor chetsualna tam ber zingah hian km 9 vel ka khawih loh kan nei hei hi kan
ngai pawimawh phawt ang a, chumi hnuah chuan Champhai - Khawzawl inkar kawng chhe lai kan khawih chho zel ang. Chutiang a
nih loh chuan Fur a rawn thleng ang a, kawng lakah motor a tluk leh vak chuan a tuar tu tur chu Champhai mipuite tho in nih
dawn avangin theih tawp tunah hian kan chhuah mek a ni a  Bungrua chhungchang a chhhiat thu inreport pawh hi kan hre thin, contructor te pawh a tha thei ang bera thawk tura fuihan tum thu an sawi.
Champhai bik kan van neihna chu tunah fur ruahtui tlak zawkah kawng tha zawk siamna tur ah hian Mizoram hmun dangin tuman an
hmuh loh laiin Pi Lalbiakengi, SDO leh VL Chhuangliana JE s/o Lalzari, Champhai Venglai leh a thawhpuite thahnemngaihna leh
hmalakna avangin kan hmu theih hlauh a ni.
CHamphai Thalai Pawl chuan theihtawp chhuah an in huam thu sawiin an mamawh hun apiangah an in ringreng tih thu an sawi.

CHAMPHAI IN THISEN UNIT 35 PE:
Champhai. June 15: World Blood Donors' Day chu nimin khan district hrang hrangah thisen petute pualin hun hman a ni a, Aizawlah chuan MSACS leh Accociation for Voluntary Blood Donation (AVBD) te buatsaihin Dawrpui Multipurpose Centre-ah hman a ni.
Health& Family Welfare Board Vice Chairman Dr. ZR Thiamsanga'n he hun hi a hmanpui a. He huna tarlan a nih dan chuan, Mizoramah a huhova thisen pek uar a nih ang hnuin thla thum dana thisen pe zat zat thin - Regular Blood Donor an tam tawk lo va. Kum kalta 2018-2019 chhung khan a huhova pek atanga thisen hmuh chu zat chu zaa 70 a ni a, zaa 30 chu replacement donation leh mimal tlawmngaite pek a ni. Blood Bank-ah Thisen Thianghlim a awm reng theih nana pawimawh ber chu Regular Blood Donor tam tak neih hi a ni. Kumina Thisen lakkhawm zawng zawng zat chu unit - 27,079 a ni a, tlawmngaia pek ni. Tlawmngaia pek zingah Kohhran Thalai pawl-in unit 8508 leh Zirna In hrang hrang atangin unit 5943 an pe a, YMA-in unit 1713 an pe a, Mimala pek zat chu unit- 8073 a ni. zaa 86.54 a
Mizoram pumah State NSS Officer cum Deputy Secretary, NSS Cell in thisen pe hnem berin
unit - 5365 an pe a. KTP-in dawt in unit 4193 an pe a, Mizoram Thalai Kristian Pawl pathumna an ni a, unit-2104 an pe a ni. Kohhran zingah TKP Co-ordination Committee, Aizawl-in pe hnem berin unit 441 an pe a. Territorial Salvation Army Youth (TSAY)-in an dawt a, unit 297 an pe a, Adventist Youth Federation (AYF) chu pathumna an ni a, unit 183 an pe a.
Zirna in zingah Pachhunga University College-in an pe hnem ber a, unit 794 an pe a, Government Hrangbana College-in an dawt a, unit 658 Government Aizawl College chu pathumna an ni a, unit 390 an pe a, YMA zingah Keifang Joint YMA-in an pe hnem ber a unit -118 an pe a, Aibawk Branch YMA pahnihna an ni a, unit 107.an pe a, Rulchawm Branch YMA leh Bethlehem Vengthlang Branch YMA te pathumna pawl bakah hian a pe hnem dang te chu Thenzawl Police Training Centre an ni a, unit 181 an pe a, Mizoram Police-in unit 100 an pe a, Mizo National Youth Front Gen. Hqrs-in unit 94 an pe a ni. World Blood Donors' Day hi Mizoram district hrang hranga hman a ni a. Champhaiah chuan AVBD leh NSS Govt. GM HSS Champhai te buatsaihin World Blood Donors' Day 2019 chu hman ani a, VL Chama Hnamte, President, YMA Sub-Hqrs an an awm a- unit 66 ve ve an pe. Heng Champhai chuan khuallian niin a hmanpui a. Thisen pe tha School, Kohhran leh NGO mi 19 te hnenah chawimawina Certificate hlan an ni. He ni pual hian blood donation camp neih chhunzawm nghal a ni a, mipa 20 leh hmeichhia 15, an vaiin mi 35 ten thisen an pe a ni.

COLLEGE ZIRTIRTU INDAIH LO :
Nimin khan Gov't Champhai College ah College thuneitu te, MNF Champhai North Block hruaitu te, MZP Hars Champhai leh Gov't Champhai College Alumni Assn ten College dinhmun leh tlakbalna lai te an sawiho.
He hun hi P.Lalhmingliana, Principal Govt Champhai College chuan a kaihruai a. College aiawh in IQAC coordinator Zirsangliana'n College indaihlohna hrang hrangte a tarlang a, Pension te leh transfer te hmun ruak  hnawhkhah a nih loh vang a nih ber thu sawiin, kum 1998 atang khan Gov't Champhai College ah hian Post thar siam a awm tawh lo tih a tarlang. MNF North Block hi an President PC Zohlira'n a ho a, Party lam ten sawrkarna fawng vuantu an nih anga kan college neihchhun tlakbal an hlauhzia leh theihtawp
chhuah an tum thu a sawi a, tanrualpuiah College leh zirlai pawlte an sawm nghal a ni.
He hunah hian MZP Hqrs Champhai President H. Lalramhluna pawhin thu sawiin, college dinhmun titha tura ruling Party ke pen hmůh tur awm chu lawmthu sawiin, a titheitu an nih vanga beiseina sang tak Champhai zirlai leh mipui ten an neih thu leh hlawhtling ngei tura duhsakna an hlan thu a sawi bawk. Tun dinhmunah hian zirtirtu post ruak 11 awmin, zirtirtu thawk mek zinga 7 te chu kumthara pension tur an ni a. Heng indaihlohna karah hian mamawh zual bikte sawrkarah ngenna thlen ni se, an ti a. Teaching staff zingah History, Geography leh Education ah zirtirtu 1 theuh tal. Non teaching staff ah Library Assistant, sweeper, cook leh Chowkidar te an awm loh avangin hnawhkhat tura sawrkar ngen ni se, an ti bawk.

RUIHHLO MAN :
Ningani tlai khan Champhai Excise&Narcotics
Dept staff-te chuan Mualkawiah herion gram 12.6, Hawng khat leh a neitu-a puh Malsawmdawngliana, kum 37, Lalhnaa fapa,
Champhai Vengthlang nia inchhal chu an man a. An ruihhlo man hlut zawng hi tualchhunga hralhna atanga chhutin Cheng 30,000 man hu vel a ni a. A neitu-a puh hi Court-a hruai a nih hnuah nimin khan District Jail-a dahluh a ni. Excise-te hian nimin tlai khan Zokhawthar kawngah Lalngaiha (42) S/o
Haulianbuka, Vangchhia nia insawi kut atangin Heroin Rs.60,000 man hu, Hawng 2, grams 31.2 an man zui leh bawk.

TUIALHTHEI  DINHMUN :
RC Filling Station 
MS : Service Tanky 
HSD : Service Tanky 

Comments