Skip to main content

Champhai Tualchhung Chanchinthar

THALAITE TAN SKILL DEVELOPMENT & ENTERPRENEURSHIP :

Nimin khan Labour, Employment, Skill Development & Entrepreneurship (LESDE) department buatsaihin Champhai College-ah Job/Skill Fair-cum-Career Guidance neih a ni a, a hawnna hun buatsaih hi Lalhmunsanga Hnamte, Director LESDE chuan khuallian niin a hmanpui a ni.
Khuallian chuan he hun Government hmang tura kalkhawmte chu tum mumal tak nei a, nih tum ber thleng pha a, hlawhtlinna chang tura taima leh rinawm taka bei fat fat turin a chah a. Sawrkar hnain mi zawng zawng a daih meuh loh avangin thiamna bik nei tura vocational training lam hawia hmalak a tul tawh a, thiamna tak tak neite tan hna zawn kawngah harsatna a awm lo a ni, a ti a. Thalaite chu mahni kut ke a ding tum tura chahin, hna zawng lai mek te tan District employment exchange-ah employment registration tih theih a nih thu a sawi a. Champhaiah Employment Officer dah a nih theihna tura hmalak mek a nih thu leh Employment Office chu belchianga hmelhriat turin mipui a sawm a.
Job/Skill Fair-cum-Career Guidance buatsaih chu Champhai District zirlai leh hna zawng mekten an hlawkpui ngei theihna tura duhsakna hlanin a hawng a ni. He hunah hian C.Lalbiakzauva, District Education Officer, Champhai chuan LESDE  Department huaihawta Champhai hmun ngeiah hetiang hun tha tak buatsaih ani chu lawmawma tih thu a sawi a. Zirlaite leh hna zawngte puala Job/Skill Fair-cum-Career Guidance buatsaih chu a chhimtuten anhlawkpui ngei a beisei thu a sawi. Hawnna hun hi Dr J.T Vanlalngheta, Joint Director, IESDE department chuan a kaihruai a, IESDE Department Deputy Director Lalmuanawma'n lawmthu sawiin hun a khar a. Hemi hnu hian Career Guidance leh Job/Skill chhunzawm a ni. Nimin chawhma dar 10:30 atanga tlai dar 3:30 thlengin Job/Skill Fair-cum- Career Guidance hi neih a ni Gov't Champhai College Auditorium-ah Champhai khawpui chhunga Zirlaite puala Career Guidance neih hi hun hnihah then a ni a. First Session hi zing dar 10:30 atanga chhun dar 12 thleng Class 10 zirlaite puala buatsaih niin, chawhnu dar 1 atanga 2:30 thlengin class 12 te puala neih ve leh a ni. Hemi hun chhung vek hian College Classroom hrang hrangahte Training Provider Firm hrang hrang 16 ten thalai hna zawngte pui turin Job/Skill Fair an kalpui bawk a ni.

BASKETBALL SEASON OPENING :
Thawhleh zan atang khar Champhai District Basketball Association Season Opening 2019-2020 chu khelh tan a ni. Club 12 te tel thei in heng club te hi Pool 4 ah then hran an ni. Pool A ah Tribal Sonic, Dream Seeker leh Kahrawtians te an awm a, Pool B ah Boars II, Rahsi Veng BC leh Khawzawl II te an awm bawk. Pool C ah Chawnchhim Chempui leh Khawzawll te awm in Pool D ah Fready's Memorial, Boars II leh Vengthlang North BC te an awm a ni.
Vengsang BC, Nimin nilenga Power Supply a awm loh avangin Fixture chu nikhat theuh a pawh sei a ni a, vawiin chawhnu dar 2 atangin inkhel hi a awm leh ang a. Inkhel hmasa berah Rahsi Veng leh Boars Il an inkhel ang a, inkhel vawi 2 naah Chawnchhim Chempui leh Vengsang BC in inkhelin inkhel vawi 3 naah Dream seeker leh Tribal Sonic inkhel ve lehin inkhel hnuhnungberah Vengthlang North leh Freddy's Memorial te an inkhel ang.

MITHIAMTEN ZIRTIRNA PE :
SIRD & Panchayati Raj, Mizoram chuan Khawbung RD Block BNRSK Conference Hall-ah Khuangthing Model Village-a VC leh NGO hruaitute ko khawmin mi 32 hnenah mithiamte'n ni 4 awh zirtirna an pe a.
Mimal, chhungkua leh khawtlang thianghlimna leh hriselna atana kawng hrang hranga hmalak dan tur zirtir niin, mimal anga tih tur awm theite inkawhhmuh a ni a. Bawlhhlawh tawih thei leh faina, thei lo paih leh tihral dan chungchang te, mimal hriselna te, ei leh in leh hriselna inkung-kaih dan te, khawtlang anga faina leh hriselna lama nunphung thlak dang lam tura hmalak dan turte inzirtirin sawi hona hun neih a ni bawk.

EXCISE REPORT :
May thla chhung khan Champhai District Excise & Narcotics Dept te chuan Rakzu litre 373.300man a, Ramdang zu litre 40 an man bawk a. Zu bilhna hmanrua 9 leh Zu phurhna lirthei ke pahnih nei 1 leh LMV 1 an man bawk. Champhai District Excise & Narcotics Dept te hian ND&PS Act hnuaiah thubuai 8 ziak lutin mi 7 an man bawk a. MLPC Act hnuaiah thubuai 29 ziak lutin mi 30 an man.

TUIALHTHEIH DINHMUN :
Mizofed
MS : Free Sale
HSD : Free Sale

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…