Skip to main content

Champhai Tualchhung Chanchinthar

THISEN PE TAM BER VENGLAI BRANCH YMA :

Kum 2018 chhungin NGO zinga District Hospital Blood Bank a thisen pe hnem ber chu Champhai Venglai Branch YMA te niin Thisen Unit 45 an pe Kohhran hrang hrang Thalai zingah Adventist Youth Federation AYF Champhai te chu a pe tam ber niin thisen hi Unit 105 an pe a, Bethel Bial KTP in dawtin thisen Unit 94, an pe a, Unit 70 petu Kahrawt Bial KTP te chu pathumna an ni. NGO atanga thisen pe tam ber chu Venglai Branch YMA niin thisen Unit 45 an pe a, Bethel Branch YMA in dawtin thisen Unit 36 an pe bawk.
Zirna in atanga thisen pe tam ber chu NSS Govt
Champhai College niin, Unit 121 an pe a, Unit 60 petu NSS Govt GM HSS chu 2 na niin, Unite 41 petu NSS Khawzawl College chu 3-na an ni a. Heng bakah hian Champhai District-a Veng bil ang a Thisen pe awm chhun leh unit 39 petu chu Chhura Hmun Welfare an ni.

KHAWZAWLIN HMASAWNNA TUR PROJECT SIAM DAWN :
Khawzawl Dinthar vengin YMA Day lawmna an neiha hun hmanpuitu C.Lianlunga, Engineer-in-Chief, P&E Department chuan Khawzawl District thar behchhana an Department in hmasawnna hna thawhna tura Project an siam te chu Sorkarah
a tlang a nih chuan Khawzawl District-in hma an sawnpui ngei a beisei tih a sawi. P&E, Engineer-in-Chief chuan, Khawzawl District thar behchhanin Khawzawl Power Sub-Division tun aia changtlung zawk a siam turte leh a bulhnai khuate Electric lama inpawhna tih changtlunna tur Project te siam mek a ni tih a sawi a. YMA thil tum zinga pakhat, hun awl that hman chungchangah zirlai atanga kum upa lam ten an hun awl tha tak leh tangkai taka hmang turin a chah a ni.

BASKETBALL LAM :
CDBBA buatsaih 2019 Season Openning khelh mekah Quarter Final khelh chhoh a ni a. Naktuk zanah Quarter Final Match 2 na khelh chhunzawm leh a ni ang a, Inkhel hmasa zawkah Kahrawtians leh Chawnchhim Chempui inkhel in, Quarter Final inkhel hnuhnungberah Baby Ghost leh Freddy's Memorial te an inkhel ang. Semi Final hi ni 19 ah khelh a ni ang a, ni 20 ah Final khelh nghal tura ruahman a ni.

YMA BRANCH HRANG HRANGIN LAWM :
YMA Day Vawi 84-na chu Inrinni khan Champhai-ah pawh Branch hrang hrangah  lawmna hun hman a ni. YMA Day vawi 88 lawmna hi Branch tam zawkah chuan Zirtawp zan atang khan hman tan niin item hrang hrang hmanga Section tin te intihsiak niin hun hlimawm tak hman a ni a. Lengkhawm zai leh thu  insawisiak intihsiakna kal pui te pawh an awm a, YMA Kum puan hawnna hun hman a ni bawk. Branch thenkhat chuan Veng chhungah faina hnatlang neiin YMA Day hi an hmang bawk.

DAWR THEIH LOH:
NRS Medical College & Hospital,,Kolkata a
doctor duty te kutthlak an nihavangin India ram puma Doctor insuihkhawm pawl, Indian Medical Association (IMA) ten an rawt angin, India ram pumah, tukin dar 6 atanga tlai dar 6 hian lungawi lohna lantir nan sorkar leh private damdawi in zawng zawngah 'Pen Down Strike' neih a ni dawn a. Mizoram chhunga Hospital leh private clinic zawng zawngah medical doctor tendamlo an en dawn lo va,, casualty service erawh kalpui a ni ang. Hemi chungchangah hian Doctor te chuan mipui hriatthiamna an ngen.

TUIALHTHEI 
Mizofed Pump :
MS : Free Sale 
HSD : Free Sale 
RC Filling Station 
MS : Free Sale
HSD : Free Sale



Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…